Ta'aposeli 3:14 - Ata New Testament

¹⁴ Ngingi ngexiunu tumalinge noxou itema ne anu malemalenga mo ulapu. Ngexiunu tumalinge noxou ia itema ane so uve'a tamitema isoisoli ne nge'ava noxou Pailati lexe ulanu no lakalavusu.

Ta'aposeli 3:14 Referans Kwoze

Maki 1:24

“Iesua, nini so tuala Nasaleti. Nene'e noxixe so mi ma'ia? Mane nene'e so namamulonexi. Eni alavu­sine lexe nini Itema Malema­lenga noxou Mosinge.”

Ta'aposeli 7:52

Xo polopeti aneva ta'ilusungengi mi'oxo laixesou? E uasi! Ane'i mixililiie'i mo mi'oxo­ne'i masua mukalusi. Mo ane'i ane misaxi mu'uli mo mia'aloxu Itema Malemalenga lexe une'e, la mive'ave'a misoisoli. Xe Itema Malemalenga e mia'aloxu ne muxa­li ia ngingi nge'italonu no avo'a tauluaou mo mivau musoli.

1 Pita 3:18

Xo tangengi umulinu Kalaisiti kalumo. Anu mulapusi ia muno'u tanixa'a tamitema tamasua. Musoli alaxu vilesisi anesi so ukolinu tina'unenge so susu ka muno'inge tene'e noxou Mosinge. Ane'i tamitema mivau musoli no anu vasimolu ia anu a umamauli no anu xoluxoluxu ulenu.

Ta'aposeli 4:27

Mosixe, manina misevile, ane'i Eloti ilou Ponitiasi Pailati oli'a Ta'isilaeli xe tamitema so tuatuala noale'ale, ane'i mipita no tuala 'o so milalaxinu opone'i. Milalaxinu opone'i so imasuanu itema so xaixai noxine malemalenga nesosovosou e Iesua no anu vote'i axova.

Tiemisi 5:6

Ngingi ne ngekotixa'a ka ngeve'a misoisoli tamitema talapusi ane ixililiiengi uasi.

Ta'aposeli 22:14

La anu muvikala aloxo 'o, 'Mosinge ane Mosi'a ta'ilusunenge musosovosine so nini namaisou anu ane Mulapusi xe so nalomusou anaxu xe so nalavusou oponu.

Mupala'a 3:7

La anu muvikala aloxo 'ola, “Nini nakaukavunu vaikala ano'o ulai noxou angelosou pita noxilo ne Vilatelevia. Eni ane a malemale­ngasi mo eni tava'u vaikala maninasi. Eni a atetelisou laki noxou Teviti laso aitenga ane akisinu la evile umomomo so utatusou uasi. Xe aitenga ane atatu­sou la evile umomomo so ukisinu uasi. Akalanu vaikala ano'o ulai noxinge.

1 Tioni 2:1

O eni asexelangenge aloxo ngingi ta'alixeli mososi. Eni akaukavunu vaikala ano'o ulai noxinge mo so ngingi ngasususu uasi. Ia loxo nenge vile ususu la Iesua Kalaisiti e so ilixo mulapusi a uxolu noxou Maminge so uvalanenge noxou.

2 Kolini 5:21

Xo noxou Kalaisiti la susu vile uasisi. Ia Mosinge muxalixu vote'isinge aloxo 'o. Mupitanu susu noxinge noxou Kalaisiti mo musaxisou lexe anu susu. Mu'oxo axone mo so loxo taxolu noxou la Mosinge usaxisinge lexe nenge tamale­malenga.

Ta'aposeli 2:27

Opoleli axone xo nini na'italoleli no tanixa'a tamitema misoisoli uasi. Mo napilixileli eni amitemameni amalemalenga a'ui no lamatimati uasi.

Luku 23:25

Xe itema ane Talomu mikalavusunu xo mu'avutinoxu oto mo muve'ave'a se'i la Pailati mumulinu linga noxi'a so mu'italonu mula. Io noxou Iesua la anu mupilixinu no avo'a ta'ami so i'oxonu loxo tamitema miuloteteou.

Luku 1:35

La angelo mukoline lexe, “Mosinge Anu Ulenu Laixe une'e noxine mo xavinu Anusisi U'uli'uli usu'asine. Laso ili'i nini navo'onu iline vile ilixo noxou malema­lengasi mo ane'i ilemolu lexe Mosinge Olu.

Maki 15:11

Ia tatiatila noxi'a tapilisiti mi'ou tane'i tamitema so ane'i ilinga noxou Pailati lexe u'italonu Iesua uasi. U'italonu Valavasi uuatu noxi'a.

Maki 15:7

Xe no voxo anene la itema vile ualasou lexe Valavasi a muxolu no lakalavusu. Ane'i mika­la­vusunu oli'a tamenexu se'i xo mi'otoxa'a taxamani mo mive'ave'a se'i noxi'a.

Matiu 27:20

Ia ane'i tatiatila noxi'a tapilisiti oli'a tatiatila noxi'a Taiuta mi'ou tane'i tamitema latala. Laso ane'i mi'ava mulai noxou Pailati lexe upilixinu Valavasi ula ia u'italonu Iesua so usoli.

Tioni 16:10

Xe ulamananixa'a no anu ilixo male­malenga xo eni alai noxou Maminge mo axolu no iengila uasi.

Tioni 18:40

Ia ane'i mi'ava tatila noxou lexe, “Itema anene uasi. Na'italonu Valavasi so ula.” Anu Valavasi e milemolu ne anu lasikeli to.

Ta'aposeli 5:28

“Loxova? Mala'o nexi te'apingenge lexe ngavotovoto no anu uala anene mamu. Ia ngingi ngea'alo ngea'alosi. La a'alo mu­su'a­sou Ielusalemo avile mo ngingi ngato'omexe no anu soli noxou.”

Ta'aposeli 13:28

Ixalisou susu vile noxou so ikotixu mo ivauxu uasi ia ane'i mi'italonu no avolu Pailati so lexe uvau usolisi.