Ta'aposeli 28:8 - Ata New Testament

⁸ Anu momu ne mupipiena mo a uxoxolu. Anu pipiena loxo vasimolu ialuxu mo nixinixi. Texolu xo xe Polu mu'unalai noxou xe muvikala noxou Mosinge. Mukalu la mumulaxu avolu vaxa noxou sila laixenu.

Ta'aposeli 28:8 Referans Kwoze

Ta'aposeli 9:40

Mitatama mitatama xo la Pita mupalusi'a milai noale. Ia anu muxolasou tava'u mo muvikala noxou Mosinge. Muvi­kala noxou Mosinge xe iou mukaie Tavita la muvikala lexe, “Tavita, natulu.” Sila alaxu vilesisi iei muka. Iei muka xe mimaisou Pita la ane mitulu mitalupexa.

Maki 6:5

La anu vote'i so u'oxonu sosovo so xavi no tuala ne uasi. Ia ane'i vilevilesi loxo mipi­piena la mumulaxu avolu no kisi'a so mupaipoune'i.

Maki 16:18

Xe ane'i itetelisi'a tasineke tamasua no avo'a mo iiexu lamalasini ane ulavusou uve'a tamitema, ia isoli uasi. Xe loxo imulaxu avo'a noxi'a tapipiena la ane'i tapipiena ne laixene'isi.”

Matiu 9:18

La Iesua a uvikala axone noxi'a­sio la tila vile no anu tasou lavuloto mune'e ka mutangatulu no laxunu mo muvikala lexe, “Alixeli sema misoli se alala'e 'osi. Ia nini nane'e namulaxu avone noxie laso imauli.”

1 Kolini 12:28

Xo Mosinge molu musosovosi'a tate­manu pita noxou so i'oxonu xaixai no anu vilevilesi aloxo 'o. Tei la ane'i ta'aposeli xe ili'i la tamitema so pela'a xe ili'i la tamitema so ilanu vaikala laixe. Mukalu la muso­sovosi'a se'i so i'oxonu sosovo so xavi xe se'i so ipamau­line'i tapi­piena xe se'i so su'uli xe se'i so saxila'u xe se'i so ivikala no anu vaikala iouiou.

1 Kolini 12:9

Xe se'i so lopala pakia'u manina xe se'i so ipamauline'i tapipiena. Ia mi ne molu noxou Ulenu Laixe kalumo.

Matiu 10:8

Mo tapipiena la ngapaipoune'i xe tamitema ane isoli la ngapamauline'i xe ane'i so siki lepelesi la ngaxalixu vasime'a malemalenga xe ane'i ane ta'a­ngelo tamasua ikasi'a la ngaku­sai'a noxi'a. Su'uli ane nga'oxonu ne ngano'u lapesou uasi xo su'uli ane ngexalisou la ngalotonu uasi.

Matiu 10:1

Ioxe, Iesua mu'avali'a tatisai­peliou 12 mine'e mipita noxou. Mipita noxou laso anu mulosi'a xavi so ikusai'a ta'angelo tamasua noxi'a tamitema xe so ipaipoune'i tamitema no anu tu'umaxu no vasime'a mo no anu siki iouiou.

Luku 13:13

Mukalu la anu mumulaxu avolu noxie sila alaxu vilesisi sema ne mitulu mimexi. La ane mi'iti'itinu Mosinge ualasousi.

Luku 4:40

Ioxe no aso iou ulu'elai la tamitema mine'ene'i tamenexi'a ane pipiena iouiou mukasi'a. Mine'ene'i noxou Iesua la mumulaxu avolu noxi'a vilevilesi so upaipoune'i.

Maki 7:32

Mulai muxali la tamitema mine'enu itema vile sangalou mutomu xe anaxu muvikala vuluvulusi. Mine'enu noxou Iesua la milinga noxou lexe umulaxu avolu noxou itema ne.

Maki 5:23

Mulalusi no tava'u la mulinga pakia'u noxou Iesua lexe, “Maulao, alixeli sema so isoli. Nane'e namulaxu avone noxie so laixene mo imauli.”

Matiu 12:13

Mu­kalu la Iesua muvikalanu itema ne lexe, “Namexinu avone.” Xe itema ne mumexinu avolu sila avolu muxali laixe aloxo ane xalevile.

Ta'aposeli 28:7

No anu ailani ne tila no anu xamani ualasou lexe Puviliasi. Anu tasou a muxolu alaisi. Itema ne mualixe lexe taxolu no tasou. Texolu no tasou voxonexe tatalu la anu musaxila'ixe laixe.

Ta'aposeli 28:9

Anu mu'oxo axone laso ane'i tamitema mipi­piena no xale lia ne mine'ene'e noxou Polu so upamauline'i.