Ta'aposeli 28:5 - Ata New Testament

⁵ Ia Polu mumuainu avolusi la sineke mulapau mu'una no navu, mo mi vile uxali noxou Polu uasi.

Ta'aposeli 28:5 Referans Kwoze

Luku 10:19

Ngalomu, eni epilixinu xavi noxinge mukalu. Laso ngingi ngamomomo so ngataxapalisi'a tasineke tamasua xe tatanga la ivila'isinge uasi. Mo elosinge xavi so ngaua'ulixu xavi noxou Ulua­mengi la mi vile u'oxongengi masua uasi.

Maki 16:18

Xe ane'i itetelisi'a tasineke tamasua no avo'a mo iiexu lamalasini ane ulavusou uve'a tamitema, ia isoli uasi. Xe loxo imulaxu avo'a noxi'a tapipiena la ane'i tapipiena ne laixene'isi.”

Lomu 16:20

Xo anu voxo alaimanasi so Mosinge ukalusou xavinu Uluaou. Ukalasou mo anu Uluaou uxolu no langenge ane. Laixe, xo Mosinge u'oxonu xoluxolu noxinge lalavulusi mo iaiama noxou Tatananenge Iesua uxoxolu noxinge.

Ta'aposeli 28:6

Mu'oxo axone xe tamotu mixolu miutitiou lexe masi vasimolu usoxo o ulapau so usoli. Ia uasi, miutiti maxuveni ia mi vile uxali noxou uasi laso xavutalai'a muxiu mo mi'oxo lexe anu masi vile noxi'a tamomosi'a e mi'itinu ualasi'a.