Ta'aposeli 28:2 - Ata New Testament

² Texolu la tamosou lia ne mi'oxonexi laixe misevile. Xo aloxo 'o, uali musisili la nexi sivevexe, laso ane'i mitauxu navu so tetu'exu.

Ta'aposeli 28:2 Referans Kwoze

Ipilu 13:2

Xe loxo taasila ixali la kalakalangenge uasi so ngavu'u­line'i. Aitengasinge ukisi noxi'a xo se'i mivu'uline'i taasila la mika­lavoi lexe tamitemamo, la uasi, ane'i ta'angelo ane.

Kolosi 3:11

Nenge mukalusi texali ta'ala­vua laso mi vile so ukali­palanengela uasi. Nenge taxavutalanenge lexe nenge se'i Takiliki xe Taiuta o ane'i so sosovo xe ane'i so sosovo uasi xe tokipelesi iouiou xe ane'i no anu lailaili o tasilevi xe ane'i ane ixolu lalavulusimo uasi. Mimi so ukalipalanenge axone la uasi xo nenge mukalusi taxolu noxou Kalaisiti mo anu a uxolu nonano noxinge mukalusi.

Lomu 1:14

Mosinge musosovosilo so alanu vaikalaou, laso mamu so a'apisou noxi'a tamitema se'i. Mamu so a'apisou noxi'a Takiliki o noxi'a ane'i Takiliki uasi. Xe noxi'a tamitema so lavulavu o tamitema so lavulavu uasi.

2 Kolini 11:27

Mo etavulenu navunavusou xaixai ialuxu iouiou. Xo alaxu tavu'alo ano'u ai no olovoxo uasi. Xe exolu esoliou la'ilali ilou lexa xo vote'i so axalisou ani'ani uasi. Xe alaxu tavu'alo exolu sivevelo xo silo ala'ala uasi.

Ta'aposeli 28:4

Xe ane'i tamosou tuala mimalei loxo 'o la sineke a ulili la mivikalane'i ngato'o lexe, “Iu, ngamalei. Itema lakalavusu olele masi muvau itema vile musoli. Anu mu'ume no luaki mo uuo'uo uasi, ia nene'axu susu ne a so uxali noxoui ne.”

1 Kolini 14:11

Ia loxo itema vile uvikalaleli no anu vaikala vilemo ane alavusou uasi la anu ukalipalanexi ane. Xo axone la axamulinu lexe anu itema so tokipelesi vilemo nopaxa mo anu uxamuli axone noxilo kalumo.

Matiu 10:42

Mo loxo itema vile u'oxo lexe usu'uline'i tatisaipelixeli xe utau lexa lelemesou so ulosi'a ta'aliku moso 'o, la avikalangengi manina lexe uxalisou lapesou laixe ane.

Ta'aposeli 27:3

Telutu telai xo xe loxo ne'iela la te'axa ne Saitoni. La Tiuliusi tanuxu Polu laso mu'ita­lonu mulai noxi'a tamenexu so misu'ulinu no anu la'ilali xe mi se'i.

Lomu 2:27

Laso ngingi Taiuta ane ngalomuxu lo uasi, Mosinge uto'omenge axo', “Tamitema olele ixotosou vasime'a uasi ia ilomuxu lo. Ia ngingi, la sosovo so vasi­menge mo lavuku so lo a uxolu noxinge ia ngalomuxu to uasi.”

Tioni 18:18

Xe ane'i tamitema so xaixai oli'a tamitema so latolo mitauxu navu se kaio mitulu mixixaousou so mitu'exu xo tani lelemesou. La anu Pita a mutulu no taine'i so mutu'e kalumo.

Ta'aposeli 28:3

Tetu'e la Polu mula'unu ovu tavalanu so umulaxu no navu. No ovu tavalanu ne la sineke vile masua a muai nonano. Polu mumulaxu ovu'ovu ne vaxa la sineke muxamulinu navu laso mu'ume mula. Mula sila mungasou Polu avolu mo mulili.

Lomu 14:1

Ioxe, ane'i tavivinge Mosinge ta'olu se'i ne lopala noxi'a pakia'u malaxo uasi. Ane'i opone'i tamei. Tavivinge axone ngato'omea no anu vaikala uasi, nga'oxo laixe noxi'a mo so ngoli'a ngaxolu ngapita. Ngaxolu ngapita la ngakusukusu'inge no anu vaikala ngato'o uasi.

Lomu 14:3

Laso ngingi ane nga'ani'ani no anu mimi mukalusi la mamu so ngavikala masua noxi'a ane'i ane i'ou misoposi uasi. Xe ngingi ane nga'ou uasi la mamu so ngavikala masua noxi'a ane'i ane i'ou. Xo ngingi mukalusi ne Mosinge u'osasingesi.