Ta'aposeli 28:11 - Ata New Testament

¹¹ Nexi texolu ne Malita so'io tatalu. Mukalu la tetelo no lasipi vile. Lasipi ne anu muai ne tei xo tamosou mitalumeu no anu taunu masua ne. Ane'i so Alekisanita. No kusinou lasipi la mipuinu so musaxi loxo mosi'a kalavoi tamei e Susi ta'ilie. Tetelo no lasipi ne mo telutu tela no luaki.

Ta'aposeli 28:11 Referans Kwoze

Ta'aposeli 27:6

Tesua la tila noxi'a ta'ami mutali'isou lasipi vile lexe ulai ne Itali. Mutali'i xe muxalisou vile laso mulaixixe tetelo no anu. Lasipi ne so tuala Alekisanita.

1 Kolini 8:4

Ioxe, no anu ane so tamitema i'ou misoposi ane milosou tei lexe noxou momosi'a kalavoi, la avikalasou aloxo 'o. Nenge talavu lexe momosi'a kalavoi ne temanu uasi, manina to uasi. Mosinge vilesisi, vilela uasi.

Ta'aposeli 6:9

Ia tamitema se'i mixililiou. Ane'i tamitema ane mipita no anu tasou lavuloto ane milemolu lexe “Noxi'a Tamitema Lalavulusi”. Ane'i tamitema so tuala ne Sailini xe Alekisanita. Mo tamitema so xale lia ne Silisia xe Esia ane'i kalumo mixililiou Sitiveni.

Ta'aposeli 13:6

La ane'i ilou mixixaosou ailani Saipilasi ne avile. Mixixao xo la mixali no tuala ne Pavosi. No tuala ne ane'i ilou mixalisou Iuta vile ualasou lexe Vaiesusi. Anu itema so u'oxonu sa iouiou mo anu polopeti kalavoi.

Ta'aposeli 28:10

Ane'i mi'oxonu ilixo laixe noxixe manina mo loxo so talutu la ane'i mi'itinexe la'ilali mo mimi so tatavulenu.

Ta'aposeli 28:12

Telutu xo xe texali no tuala ne Silakusi la texolu ne voxo tatalu.