Ta'aposeli 27:1 - Ata New Testament

¹ Ioxe, ane'i tatiatila noxi'a Talomu milalaxinu xavutalai'a lexe Poluena itelo no lasipi so ilai ne Itali. La nexi noxi'a. La mipitanu Polu noxi'a takalavusu se'i ka mipi­lixine'i no avolu tatila noxi'a ta'ami 100. Tatila ne ualasou lexe Tiuliusi. Anu vile noxi'a ta'ami noxou Sisa u'isalili.

Ta'aposeli 27:1 Referans Kwoze

Ta'aposeli 25:25

Ia eni atongonu lexe anu u'oxonu susu vile so usoli no anu uasi. Ia anu molu muvikala lexe Sisa molu utongonu no lakoti laso apalusou ulai noxou ne Lomu.

Ta'aposeli 25:12

Polu muvikala axone mukalu la Vesitusi muvikala noxi'a tamitema e so isu'ulinu no anu lavulavu. Muvi­kala noxi'a mukalu la muvikalanu Polu lexe, “Ioxe, nevikala lexe Sisasi utongoneni laso anu uxali axone. Eni apalusine nalai noxousi.”

Ta'aposeli 10:1

Ioxe, no tuala ne Sisalia itema vile ualasou lexe Koniliasi a muxoxolu. Anu tatila noxi'a ta'ami 100 noxi'a Talomu. Ta'ami laili anene ileme'a lexe ta'ami so Itali.

Ta'aposeli 27:11

Ia tatila noxi'a ta'ami ulomuxu Polu uasi mumulinu xavutalai'a itema so upamuxanu lasipi ilou mosou lasipi.

Ta'aposeli 18:2

Mulai la muxalisou Iuta vile ualasou lexe Akuila. Semau ualasie lexe Pilisila. Ane'i ilou so Ponitusi polovinisi. Ilou mixexesou xale lia ne Itali mala'o se'osi xo kingi noxi'a Talomu e ualasou lexe Kalautiusi mu'oxonu lo lexe mamu so Taiuta ixolu no tualasi'a Talomu. Ioxe, Polu muxalisi'a ilou ne Kolini.

Ipilu 13:24

Ngalemolu aso noxixe noxi'a tatiatila noxinge mo noxi'a tami­temaou Mosinge u'isalili mukalusi. Ane'i tamitema so Itali 'o ivikala aso noxinge kalumo.

Ta'aposeli 28:16

Ioxe, texali ne Lomui, la tatiatila noxi'a Talomu imulaxu Polu no tasou lakalavusu uasi, anu muxolu no tani vitanisi xe ami vile mutuluxu ne.

Ta'aposeli 27:43

Ia tatila noxi'a ta'ami umasaxa lexe Polu usoli uasi laso anu mu'apixa'a ta'ami lexe ive'ave'a takalavusu uasi. Anu muvikala lexe ane'i ta'ei ilavusou inou la i'uli iili'e inou so ixali noale.

Ta'aposeli 27:6

Tesua la tila noxi'a ta'ami mutali'isou lasipi vile lexe ulai ne Itali. Mutali'i xe muxalisou vile laso mulaixixe tetelo no anu. Lasipi ne so tuala Alekisanita.

Ta'aposeli 24:23

Mukalu la muvikalanu tila noxi'a ta'ami 100 so ukala­vusunu Polu. Muvikalanu lexe ukalavusunu ia u'okinu malamenge malaxo uasi. Mu'oxo lexe loxo tamenexu Polu ilosou la'ilali o isu'ulinu la mi vile uasi.

Ta'aposeli 23:17

Polu mulomu laso mu'avalou tatila vile noxi'a ta'ami mo mu'oxo lexe, “Nalaixu soxu 'o noxou tilasinge xo anu vaikala vile so ulemolu noxou.”

Ta'aposeli 23:11

Ioxe, mi'umenu xe muxolu no tasi'a ta'ami xo xe olovoxo la anu Polu musaxisou Tatananenge a utulu no pa'umolu la muvikala lexe, “Poluo, na'ume uasi, oponeni uai se'isisi. Xo loxo nea'aloxo ne Ielusalemo 'o la anu axonesi naa'aloxo ne Lomu kalumo.”

Ta'aposeli 22:26

Ioxe, tila ne mulomu axone la mulai muvikalanu tatila noxi'a ta'ami lexe, “Nini nanavao, e itema ne Lomu ane.”

Ta'aposeli 21:32

Laso anu alaxu vilesisi mu'avali'a ta'ami se'i oli'a tatia­tilasi'a no anu ami. La oli'a mipalea miiave milai no taine'i tamitema e miiauiaukaka ne. Miiave milai xe tamitema mimaisi'a sila mitalo so mi'otu'otunu Polu.

Ta'aposeli 19:21

Mune'e mune'e xo xe mukalu, la Ulenu Laixe mupamuxanu xavu­talaou Polu lexe ulutu ulai ne Ielusalemo. Xe mupamuxanu lexe no anu muamua'i noxou la upolo ne Masetonia xe ne Akaia. La Polu muvikala aloxo 'o, “Eni alai no tuatuala ne mukalu la eni alai ne Lomu kalumo.”

Ta'aposeli 16:10

Polu musaxisou mi ne mukalu laso alaxu vilesisi nexi telalaxi so talai ne Masetonia. Xo nexi te'oxo lexe, “E uasi, Mosinge a u'avalinge so tavotovoto noxi'a.”

Ta'aposeli 10:22

La ane'i mivikalanu lexe, “A Koniliasi e tatila noxi'a ta'ami 100 mupalusixe tene'e 'o. Anu ilixo noxou laixe mo umama'u noxou Mosinge. Ane'i Taiuta mukalusi itaxanu mo ivikala lexe anu itema laixe. Anu mupalusixe tene'e xo angelo laixe vile muvikalanu lexe u'avaline nalai no tasou so ulomusou vaikalameni.”

Luku 23:47

La tilasi'a ta'ami 100 a muxolu ne mo mumalei. Laso anu mu'itinu Mosinge ualasou mo muvikala lexe, “Manina misevile, susu vile noxou itema ano'o uasisi e uasisi.”

Luku 7:2

La tila vile no anu ami e u'uli laxune'i ta'ami 100 a muxolu ne. Anu voiou vile e mu'osasou misevile musiki tatila mo anu a so usoli.

Matiu 27:54

Ioxe, tilasi'a ta'ami oli'a ta'ami ane mixolu milosou Iesua ne mimalei lexe uni'uni toxoxu xe mimi e muxali ne la ume mukasi'a. La mivikala lexe, “Ai manina misevile, itema ano'o Mosinge Olu ane!”

Ta'aposeli 28:1

Ioxe, nexi texali noale mo laixenexi, la tetali'isi'a tamitema lexe lia aneva ne. La ane'i mivikala lexe anene ailani e Malita.