Ta'aposeli 26:7 - Ata New Testament

⁷ Tamitema so laili 12 noxixe Taiuta mukalusi opone'i ututulu so ixomaiou nene'axu vavalima anene. Ixoxomaiou mo no anu aso xe olovoxo ane'i i'itinu Mosinge ualasousi. Ia Kingi, nalomu, opone'i axone la eni kalumo, ia ane'i a ito'omeloxu lopala noxilo 'o.

Ta'aposeli 26:7 Referans Kwoze

Tiemisi 1:1

Eni Tiemisi a, eni amitema so xaixai noxou Mosinge xe noxou Tatananenge Iesua Kalaisiti. Eni akaukavunu lapasi ano'o so ulai noxinge ngingi so laili 12 noxi'a Ta'isilaeli e ngepaxepaxele mo a ngatalupexa no anu xale tuatuala mose'i. Avikala aso noxinge.

1 Timoti 5:5

Loxo sema vile mulue musoli xe ta'ilie so isu'uline uasi la ane ixoxolu ilopala noxou Mosingesi. Ilopala, la ivikala mo ilingau su'ulisie noxou Mosinge kakau olovoxo.

1 Tesalonaika 3:10

La kakau olovoxo tama no oponexi noxou Mosinge lexe tamaisou iengela. Mo so nenge'a taxolu xe loxo lopala noxinge no anu ngiou vile mamalaxu sevile la ta'oxonu pakia'inge no anu.

Pilipai 3:11

Xo no anu anene, la axomaiou alopalanu voxo so Mosinge utulu­silo no anu soli.

Luku 22:30

Xo no voxo loxo eni a'uli laxune'i temitemaxeli la ngingi ngaxolu nonano so nga'ani mo ngaie no latevolo noxilo ne. Mo ngingi ngatalupexa no anu sia kingi so ngatilovosou ili'ilixone'i laili 12 noxi'a Ta'isilaeli.”

Matiu 19:28

La Iesua muvikalane'i lexe, “Eni avikala­ngengi manina aloxo 'o. No voxo loxo mimi uxiu uxali alavuala la Itema ane molu noxou Mosinge utalupexa no anu sia kingi iaxu noxou. Ioxe, laso no voxo anene ngingi ane ngemulileli 'o, ngingi ngatalupexa no anu sia kingi 12 kalumo. Ngatalupexa ne so ngato­ngonu ilixo noxi'a laili 12 noxi'a Ta'isilaeli.

Ta'aposeli 26:2

“Kingi Axilipao, eni axamulinu osa so atulu no laxuneni mo akolinu vaikalai'a Taiuta ane ito'omelo no anu.

Ta'aposeli 20:31

Laso ngalaxa'i laixe, tangengi­vulusiou pelototo noxilo uasi. Xo exolu no taingengi tau ie tatalu mo kakau olovoxo atalo so avikala lamana noxinge vilevilesi uasi. La ieli lexaxu munixi so emolo lolomumengi.

Luku 2:25

La no voxo anene itema vile a muxolu ne Ielusalemo ne, ualasou lexe Simioni. Anu xoluxolu noxou mulapusi mo oponu mututuluou masaxa noxou Mosingesi. Anu muxoxomaiou itema Mosinge musosovosou so uaisou tane'i Ta'isilaeli. La no voxo ne Ulenu Laixe a mupamuxanu Simioni ne.

Ta'aposeli 24:15

Eni lopala noxilo iou vilesisi noxi'a tamitema ano'o, lexe ili'i la ane'i ane misoisoli la imaulila, tamitema tamalemalenga xe tamitema tamasua kalumo.

Ta'aposeli 26:3

Xo nini nelavu no anu ilixo noxixe nexi Taiuta mo tava'u vaikala so oto'otonexe. Laso nini masi naxolusi mo nalomu­nganiou vaikalaxeli 'o.

Ta'aposeli 28:20

Eni a'avalinge so tapita 'o xo tava'u aloxo 'o. Eni emasaxau avikala lamana lexe misakileli no anu seni ano'o xo ma'ia. Misakileli xo eni opoleli ututulu no anu mi e nenge Ta'isilaeli taxomaiou.”