Ta'aposeli 26:6 - Ata New Testament

⁶ Emulinu lavuloto noxixe axone mo alopala no anu vavalima noxou Mosinge mu'o­xonu noxi'a ta'ilusunexi tatei. Lopala noxilo axone anu tava'u so atulu no lakoti vaimomo 'o.

Ta'aposeli 26:6 Referans Kwoze

Ta'aposeli 24:15

Eni lopala noxilo iou vilesisi noxi'a tamitema ano'o, lexe ili'i la ane'i ane misoisoli la imaulila, tamitema tamalemalenga xe tamitema tamasua kalumo.

Taitusi 2:13

La taxolu tautitiou mi lailaixe e talopalanu taxomaiou. Mi e taxomaiou ne, voxosou Mosinge U'uli'uli anu Itema so Pamauli e Iesua Kalaisiti so upala'a no anu iaxu.

Ta'aposeli 28:20

Eni a'avalinge so tapita 'o xo tava'u aloxo 'o. Eni emasaxau avikala lamana lexe misakileli no anu seni ano'o xo ma'ia. Misakileli xo eni opoleli ututulu no anu mi e nenge Ta'isilaeli taxomaiou.”

Lomu 15:8

Xo Kalaisiti mune'e la anu itema so xaixai. Anu muxaxaisi'a Ta'isi­laeli so mupalasinoxu vavalima noxou Mosinge e mu'oxonu tatei noxi'a ta'ilusune'i. Mupalasinoxu vavalima ne so ilavu lexe anu manina.

Ta'aposeli 23:6

Ioxe, Polu mulavu lexe tatiatila se'i ne ane'i so laili Satusi xe se'i so laili Palisi laso anu muvikala tatila lexe, “Tavivilo, eni vile noxi'a Tapalisi xe mamilo anu Palisi kalumo. Eni atutulu no lakoti 'o, tava'u xo eni alopala lexe tamitema ane misoisoli la imamaulila.”

Xalesia 4:4

Ia loxo voxo e Mosinge musosovosou u'isalili muxalii laso ane, mupalusou Olu. La sema vile mivo'onu kaio muxolu no laxu lo.

Ta'aposeli 26:8

Mo atali'isine aloxo 'o. Tava'u axova so tangengilili no anu vaikala ane lexe Mosinge umo­momo so upamauline'i tamitema misoisoli?

Ta'aposeli 24:21

Masi mi vilesisi aloxo 'o. Mala'o e etulu no laxune'i ne la evikala lexe, 'Ane'i ane isoisoli, la imaulila. Vaikalanesi ngato'omelo no anu 'o.' Ane'i opone'i masi ialuxuou vaikalaxeli nesi.”

Ta'aposeli 3:24

Ane'i tapolopeti misoko'u noxou Samueli mo mune'e la misaxi mu'uli ka mia'aloxu mi ane uxaxali 'o.