Ta'aposeli 26:5 - Ata New Testament

⁵ Milavusou xoluxolu noxilo tatei axone, mo loxo imasaxau la ivalaxu vaikalaxeli 'o. Ane'i ilavu lexe eni vile noxi'a laili Tapalisi mo emulimulinu lavuloto noxixe. Tapalisi ne i'oki'oki so imulinu mi kitukitusou lavuloto. No anu anene la ane'i iua'ulixu laili se'i no anu lalotu noxixe.

Ta'aposeli 26:5 Referans Kwoze

Ta'aposeli 23:6

Ioxe, Polu mulavu lexe tatiatila se'i ne ane'i so laili Satusi xe se'i so laili Palisi laso anu muvikala tatila lexe, “Tavivilo, eni vile noxi'a Tapalisi xe mamilo anu Palisi kalumo. Eni atutulu no lakoti 'o, tava'u xo eni alopala lexe tamitema ane misoisoli la imamaulila.”

Ta'aposeli 22:3

“Eni Iuta 'o. Atie mivo'oleli no tuala ne Tasusi e no xale lia ne Silisia. Ia eni ene'e ne Ielusalemo 'o mi ne molomoloxomo. La exolu esikulu noxou Xamalieli. Mo eno'u lavulavu laixe noxou so lavuloto noxi'a tatiatilasinge. Mo opoleli mutulu noxou Mosinge a loxo ngingi o'osi.

Ta'aposeli 24:5

Xo aloxo 'o. Itema 'o temaisou lexe anu itema so uxalixu tu'utu'umaxu. Loxo ulai no xale lia ne'ei Taiuta ixolu no anu la anu u'avutinoxu oto vitanisi no taine'i. Anu tila noxi'a laili ane ileme'a lexe Tanasaleti.

Ta'aposeli 22:5

Xe eno'u lapasi noxou pilisiti tatila oli'a tatiatila noxinge Taiuta. Ane'i tamosou ixoxolusio mo loxo imasaxau la ivalaxu vaikalaxeli 'o. Ane'i mikaukavunu lapasi ne mulai noxi'a tatiatila ne Tamasikusi lexe isu'ulileli no anu xaixai noxilo. Xaixai ne so atetelisi'a tamitemaou Iesua xe ane'ene'i ne Ielusalemo so tatiatila ilosi'a nene'axu ilixo noxi'a.”

Ta'aposeli 24:14

Xe aloxo 'o. Ane'i ivikala lexe eni vile noxi'a ane'i e i'itinu Mosinge ualasou no vote'i nexi mexe texalixu. Manina lexe a'itinu no anu Vote'i alavua, ia Vote'i ne, anu molu mulosinge. Eni alavusou a'itinu Mosinge e Mosi'a ta'ilusu­nexi. Eni opoleli vilesisi no anu lo noxou Mosinge mo vaikalai'a tapolopeti.

Ta'aposeli 15:5

Ioxe, se'i noxi'a talopala no anu laili noxi'a Tapalisi milomusou a'alo noxi'a ne xe mi'avuti la mivikala lexe, “Loxo axone, la tamitema noale'ale kalumo ixoto­sou vasime'a mo umulinu lo e Mosisi mulosinge.”