Ta'aposeli 26:3 - Ata New Testament

³ Xo nini nelavu no anu ilixo noxixe nexi Taiuta mo tava'u vaikala so oto'otonexe. Laso nini masi naxolusi mo nalomu­nganiou vaikalaxeli 'o.

Ta'aposeli 26:3 Referans Kwoze

Ta'aposeli 6:14

Xo nexi telomusou uvikala lexe itema e Iesua so Nasaleti umamulonu tani anene mo uxiunu ili'ilixo ane Mosisi mulosi'a ta'ilusunenge e muxali noxinge vaimomo 'o.”

Ta'aposeli 26:26

Kingi Axilipa 'o anu mulamana no anu mimi ane elemolu, laso eni amomomo so avikala noxou. Eni elavu lexe mimi e'aloxu ne anu mulomusou mo mumaisou. Xo mimi ne anu utalume uasi muxali no taine'i tamitema latala.

1 Kolini 13:2

O loxo eni exalisou lavulavu so pela'a no anu Mosinge vaikalou mo alavu no anu lavulavu e mutalume tatei. Mo kalumu loxo lopala noxilo xavinu so uvalanu la'ola'olu usuku no tanitanixu alavua. Ia loxo asexelaxa'a tami­tema uasi la lavulavu ilou lopala ne anu mi vitanisi ane.

Ta'aposeli 28:17

Ioxe, texali ne Lomu la Polu muxolu voxo tatalu. Mukalu la mu'avali'a tatiatila noxi'a Taiuta mipita. Mipita mukalu la muvi­kalane'i lexe, “Tavivilo, eni a'oxonu mi vile so axililie'i laili noxinge uasi mo axola'u lavuloto vile noxi'a ta'ilusunenge uasi. Ia ane'i Taiuta ne Ielusalemo mitete­lisilo xe mipilixileli no avo'a Talomu.

Ta'aposeli 26:7

Tamitema so laili 12 noxixe Taiuta mukalusi opone'i ututulu so ixomaiou nene'axu vavalima anene. Ixoxomaiou mo no anu aso xe olovoxo ane'i i'itinu Mosinge ualasousi. Ia Kingi, nalomu, opone'i axone la eni kalumo, ia ane'i a ito'omeloxu lopala noxilo 'o.

Ta'aposeli 25:26

Ia eni alavu no anu vaikalasou so akaukavunu ulai noxou tatilasinge uasi. Tu'umaxu ano'o ialuxu so alulusou noxou laso maixene ene'enu Polu no laxuneni nini Kingi Axilipa u'isalili xe ngingi latala 'o. Ene'enu so ngalomu laixe no anu vaikalaou mo so ngasu'uleli lexe akaukavunu lapasi ne axova.

Ta'aposeli 24:10

Taiuta mivikala mukalu la tila no anu xamani mulosi lexe Polu uvikala. La Polu muvikala aloxo 'o, “Eni elavu lexe tau ie tavu'alo nini itema so netongonu tu'utu'u­maxu no xale lia ano'o. Laso eni opoleli laixe so akolinu vaikalai'a no laxuneni.

Ta'aposeli 24:4

Ia masi kalaka­laxene laso alapuneni maxuveni uasi. Ia mi vilesisi, na'alaunasixe mo nalomusou vaikalamexi sevile 'o.

Ta'aposeli 21:21

Mo tamitema se'i mivika­lane'i lexe nini napamuxane'i Taiuta ane ixoxolu no taine'i tamitema noale'ale. Napamuxane'i so ixiunu tumali'a no anu lavuloto Mosisi mulosinge. Mo i'oxo lexe nini napelototosi'a lexe ane'i ixotosou vasime'a ta'ili'a tamulu uasi. Mo imulinu ili'ilixo noxi'a tatiatila noxinge uasi.

Ta'aposeli 26:2

“Kingi Axilipao, eni axamulinu osa so atulu no laxuneni mo akolinu vaikalai'a Taiuta ane ito'omelo no anu.