Ta'aposeli 26:23 - Ata New Testament

²³ Ane'i mivikala lexe itema ane Mosinge musosovosou lexe Kalaisiti la utavulenu tu'umaxu. Xe ili'i la anu u'uli tei noxi'a tamitema ane itulu no anu soli. Mo anu upala'anixu lamana noxi'a tamite­maou xe noxi'a tamitema noale'ale kalumo.”

Ta'aposeli 26:23 Referans Kwoze

Luku 24:26

Xo anu ane so Kalaisiti mutavulenu tu'utumaxu anene kaio mu'una no anu xoluxoluxu iaxu. Muxali axone la anene vote'isou mulovo u'isalili.”

Mupala'a 1:5

Xe noxou Iesua Kalaisiti kalumo. Anu ua'aloxu vaikalaou Mosinge maninasi mo anu u'uli'uli noxi'a tamitema so itulu no anu soli mo anu tilasi'a takingi no lialia mukalusi. Mo kalumo anu musexelanenge mise­vile laso mulotonenge no anu sialuxu so mu'umenenge no anu susu noxinge.

Kolosi 1:18

Anu kisou pita noxou xe pita anu vasimolu. Anusisi tava'u maulixu pita. Anu laposalaxu ane mutulu mumauli no anu soli la mu'uli noxi'a leviani ane so itulutulu. Mo so axone la anu upalasi lexe anu u'uli'uli no anu mimi mukalusi.

Ipilu 2:10

Mosinge anu tava'u so mimi mukalusi muxali mo anu tava'u so mimi a uxoxolu. Ioxe, anu masaxa noxou Mosinge lexe ta'olu tavu'alo i'unalai ixolu no anu xoluxoluxu iaxusi. Laso anu muxalixu vote'i­sou mi ne u'isalili a noxou Iesuasi. Xo anu mutavulenu navunavu laso anu laixe loloni so mutulu mosou pamauli noxi'a Mosinge ta'olu ne.

1 Kolini 15:3

Ioxe, vaikala mutiatila manina ne mose'i mia'aloxeli tei mukalu laso eni epilixinu noxinge. Vaikala ne aloxo 'o. Kalasiti musoli so muka­lusou tina'unenge so susu aloxo Mosinge vaikalaou ulemolu.

Luku 2:32

Xo anu lalamo so upela'a tamitema noale'ale, xe anu so u'itinu ualasi'a tamitemameni Ta'isilaeli.”

Tioni 10:18

Maulixo 'o evile so u'umenu noxilo uasisi io eni melo a'avuti a'italonu no anu masaxa na'a xelimo. Eni xavi uxolu noxilo so a'italonu maulixo mo xavi uxolu noxilo so ano'u atulu no anula. Voto so mi ne eni eno'u noxou Mamilo.”

Ta'aposeli 26:18

Apalusine nalai noxi'a so nalemolu vaikalaxeli manina mo so ie'i uka mo ixiunu tumali'a no anu isivoxo xe ine'e no anu lamana. Laso axone la xavi noxou Uluaou ne ukamakulune'i uasi, ane'i ivula mo ixolu no anu xavi noxou Mosinge. Mo tina'u so susu noxi'a uiasi la ane'i ixali tamitemaxeli u'isalili. Ane'i oli'a tamitema mukalusi ane ilopala noxilo.'”

Ta'aposeli 26:8

Mo atali'isine aloxo 'o. Tava'u axova so tangengilili no anu vaikala ane lexe Mosinge umo­momo so upamauline'i tamitema misoisoli?

Ta'aposeli 13:34

Mosinge mu'umenu no anu soli mo u'ui no lamatimati uasi. Anu muxali loxo Mosinge mulemolu no anaxu polopeti vile tatei lexe, 'Vaikala laixe mo manina so xoluxolu noxou Teviti la axalixu nene'axu noxine.'

Ta'aposeli 3:18

Ia mi ane nge'oxonu ne, anene vote'i so Mosinge muxalixu nene'a­xu vaikala mulemolu no anaxa'a tapolopeti tatei. Vaikala milemolu lexe Kalaisiti utavulenu tu'umaxu.

Tioni 11:25

La Iesua muvikalane aloxo 'o, “Enisisi atulusi'a tamitema no anu soli mo enisisi a tava'u mauli. Itema aneva ulopala noxilo xe loxo usoli la anu umaulisi ane.

Luku 24:46

Mo muvikalane'i aloxo 'o, “Kaukavu muai no anu Mosinge vaikalaou lexe anu ane so Kalaisiti utavulenu navunavu tei kaio no voxo tatalu la anu utulu no anu solila.

Matiu 27:53

Mitulu­tulu axone xe ili'i loxo Iesua mutulu mumaulila la ane'i mi'unalai no anu taoni noxou Mosinge mo mipa noxi'a tamitema tavu'alo.

Matiu 26:24

Vaikala noxou Mosinge e tapolopetiou mikaukavunu tatei lexe Itema ane molu noxou Mosinge usoli ne, anu so uxali. Ia anu masua manina noxou itema ane upilixinu no avo'a tauluaou. Anu utavulenu tu'uma­xusou ane, laixe loxo nenu ivo'onu uasi.”

Ta'aposeli 3:24

Ane'i tapolopeti misoko'u noxou Samueli mo mune'e la misaxi mu'uli ka mia'aloxu mi ane uxaxali 'o.

2 Kolini 4:4

Xo ane'i ane ilopala uasi ne, mosou lialia 'o mutomunu xavutalai'a. Laso lamanaxu vaikala laixe so iaxu Kalaisiti ne isaxisou uasi. Kalaisiti anu pikisa so umaxa'u Mosinge noxinge ia ane'i, la itongonu uasi.