Ta'aposeli 26:18 - Ata New Testament

¹⁸ Apalusine nalai noxi'a so nalemolu vaikalaxeli manina mo so ie'i uka mo ixiunu tumali'a no anu isivoxo xe ine'e no anu lamana. Laso axone la xavi noxou Uluaou ne ukamakulune'i uasi, ane'i ivula mo ixolu no anu xavi noxou Mosinge. Mo tina'u so susu noxi'a uiasi la ane'i ixali tamitemaxeli u'isalili. Ane'i oli'a tamitema mukalusi ane ilopala noxilo.'”

Ta'aposeli 26:18 Referans Kwoze

1 Pita 2:9

Ia loxo ngingi ne, Mosinge muilongengi so ngexali laili noxou mu'isalili. Xe ngaxolu tapilisitisou tasou kingi mo lasilili ane malemalengasi mo tamitema ane musosovosinge lexe tanoxou mu'isalili. Laso ngingisi a so ngapala'anixu ilixo lailaixe mu'u­li'uli avile noxou e mu'a­valinge ngela no anu isivoxo so nge'una no anu lamanaxu lailaixe ne.

Epesusi 1:18

Mo eni alinga noxou lexe anu ulamananixu opongengi. Xo anu laixe so ngalavu lexe anu mu'avalingexu ma'ia, mo so ngalopalanu ngaxomaiou. Xe anu laixe so ngalavu lexe mimi lailaixe ma'ia anu musosovosou lexe noxinge tamitemaou mu'isalili.

Epesusi 5:8

Xo tei la ngingi tamitema so isivoxo ia vaimomo 'o ngaxolu noxou Tata­nanenge. Ngingi ta'olu, laso ngamuamua'i no anu lamanaxu.

Ta'aposeli 20:32

Ia vaimomo 'o apilixingengi no avolu Mosinge. Xo amasaxau so opongengi ututulu no anu vaika­lasou iaiama noxousi. Xo anenesi umomomo so u'oxo pakia'inge. Xe ili'i la Mosinge molu ulosinge mimi lailaixe. Anu ulosinge nenge ane musosovosinge lexe tamite­maou u'isalili.

2 Kolini 4:6

Xo tatei la Mosinge muvikala lexe, “Lamana uka no isivoxo.” Laso lamanaxu muta­losou oponexi kaio tesaxisou Kalaisiti iou la iaxu Mosinge mulamana noxixe.

Tioni 8:12

La Iesua muvikalane'i tamotu ne aloxo 'ola, “Eni 'o lamana so lialia a. Ena'ei ane umulileli la mua­mua'ixu no anu isivoxo la uasi, anu lamana so mauli uxolu noxousi.”

Luku 1:79

Uxali, laso lamanaxu uiesi'a ane'i ane ixolu no isivoxo mo no maimaixu soli. La anu molu upamuxanu tava'inge so tapolo no anu vote'i so xoluxolu lalavulusi.”

Epesusi 4:18

Mo opone'i isivoxosi mo pakia'u. Opone'i pakia'u axone laso ita'olu vitanisi, ixolu va'axu no anu xoluxolu noxou Mosinge.

2 Kolini 6:14

Mamu so ngasakingengi noxi'a ane'i ane ilopala uasi. Xo axova, ilixo malemalenga uvaitami no anu xilili? O lamana upita no anu isivoxo?

2 Kolini 4:4

Xo ane'i ane ilopala uasi ne, mosou lialia 'o mutomunu xavutalai'a. Laso lamanaxu vaikala laixe so iaxu Kalaisiti ne isaxisou uasi. Kalaisiti anu pikisa so umaxa'u Mosinge noxinge ia ane'i, la itongonu uasi.

1 Tioni 3:8

Mo aloxo 'o. Musoko'u tei tei manina mo mune'e avile 'o la Uluaou usususu utotomu to. Laso loxo itema ulavusou u'oxonu susu la anu noxou Uluaou ane. La tava'u so Mosinge Olu mune'e mupala'a a so umamulonu xaixai noxou Uluaou usu'a avilesi.

Ta'aposeli 2:38

La Pita muvikalane'i lexe, “Ngingi mukalusi ngaxiunu mo nga'isalilinoxu opongengi no anu Mosinge vaikalaou. Ukalu laso nexi ta'oxonu ilixo so kelele noxinge no anu lexa. Takeleni­ngenge axone no anu ualasou Iesua Kalaisiti xo anu ukalusou tina'u­ngenge so susu xe u'oxonu iaiama so ulosinge Ulenu Laixe.

1 Tioni 5:19

Xe nenge talavu lexe nenge tanoxou Mosinge ia lialia oli'a tatemanu mukalusi uxolu no laxu xaviou mosou susu ne.

1 Tioni 1:9

Ia loxo tapala'anixu susu noxinge noxou Mosinge la anu u'oxonu ilixo mulapu aloxo talo­palanuxu. Anu oponu ulu'e no anu mi ne so utulu la uasi, kaio u'uinenge no anu nusou susu ne mukalusi.

Ta'aposeli 20:21

Uto­tomu eni epilixinu vaikala lamana noxi'a Taiuta xe noxi'a Takiliki lexe vote'i vilesisi ane so ta'isalilinoxu oponenge so susu noxinge mo talopala noxou Tatananenge Iesuasi.

Luku 24:47

Xe no anu ualasou la ane'i tamitemaou ilanu vaikala noxi'a tamitema so xale tuatuala mukalusi. Ilanu vaikala lexe ane'i ixiunu mo i'isalilinoxu opone'i laso Mosinge uiasou tina'uxa'a so susu. Laso ane, xaixai anene ngasoko'u ne Ielusalemo 'o.

Mupala'a 21:27

Ia mi ane malemalenga uasi xe tamitema ane i'oxonu ili'ilixo ane loxo tuma'u masua noxou Mosinge xe vaikala kalavoi la umomomo uasi manina so u'unalai ne. Ane'isi ane ualasi'a uai no anu lavuku so mauli noxou Sipisipi Ilie la ixolu no taoni ne, evilela uasi.

1 Pita 2:25

Tatei xoluxolungenge vuluvu­lusi aloxo tasipisipi ivaxa ine'e 'osi. Ia vaimomo 'o ngingi ngelivu ngene'e mukalu noxou Tatanane'i tasipisipi e ulavusou u'oxo latolosou tangengi.

Ipilu 11:6

Xo loxo no anu lopala uasi la umomomo uasi manina so Mosinge u'osasou itema. Laso loxo itema umasaxau ulavusou Mosinge la masi ulopala tei lexe Mosinge uxolu. Mo ulopala lexe tamitema ta'ei tane'i u'oxoxu Mosinge la anu ukolinu mo u'oxone'i laixe.

Ta'aposeli 13:47

Xo mi ane Tatananexi mupalu­sixexu anesi. Xo muvikala no anu anaxu polopetiou tatei lexe, 'Eni exalixinge loxo lalamo noxi'a tamitema noale'ale. Ngingi ngalai­lai no xale tuatuala no lialia mukalusi so ngalosoie'ixu vote'i so pamauli noxilo.'”

Ta'aposeli 15:9

Mo axone la anu mulosoiengi lexe anu ukalitotonenge noxi'a uasi. Ane'i milopala noxousi laso anu molu mu'uine'i so mixali tamalemalenga no iou. Mu'oxonu noxi'a ne iou vilesisi aloxo nenge 'osi.

Ta'aposeli 5:31

Mo muno'u mulaixu mutalu­pexasou no avolu tema so uxolu Tiatilasinge mo tava'u pamauli. La uxolu ne so loxo nenge Ta'isilaeli taxiunu oponenge mo ta'isalilinoxu no anu vaikalaou la anu ukalusou tina'unenge so susu.

Tioni 9:5

No voxo loxo axoxolu no lialia 'osio la eni 'osi a lamana so lialia.”

Tioni 3:19

La tava'u so vaikala so mamulo usu'asi'a tamitema axone, a aloxo 'o. Lamana mune'e no lialia mukalu ia tamitema i'osasou lamana ne uasi, miilounu isivoxosi xo ilixone'i masuamo.

1 Tioni 2:12

Ta'alixeli moso 'o, eni akau­kavu ulai noxinge xo tava'u e noxou Kalaisitisi laso Mosinge muiasou tina'ungenge so susu.

1 Pita 1:4

Anu musosovosinge lexe uvelunungenge mimiou lailaixe. Mimiou e so ulosinge ne ulaxa'inu­mengi laixe no tualasou laso anu umomomo so u'ui o nuni'u o tasiauxu uasi.

Tioni 17:17

Laso na'isalilinoxu vaikala anu temanu manina noxi'a mo so no anu vote'i anene la nakalipalane'i lexe tamitemameni mu'isalili. Vaikala anu temanu manina ne a vaikalamenisi ane.

Luku 1:77

Xe anu uili'i la upela'axu tamitemaou vote'i so pamauli mo so ilavu lexe tina'uxa'a so susu ukalu axova.

Iuti 1:1

Eni Iuti a. Eni amitema so xaixai noxou Iesua Kalaisiti mo eni avimou Tiemisi a. Eni akaukavunu lapasi ano'o ulai noxinge tami­tema ane Mosinge molu mu'ava­linge. Ngingi ne Mosinge anu Maminge usexelangenge misevile xe Iesua Kalaisiti a u'oxo lato­losinge.

Tiemisi 2:5

Tavivilo, ngalomu. Mosinge musosovosi'a mose'i so ipalava no anu lopala xe muvavalima lexe ane'i ta'ei isexelaxu la ixalisou mimiou no voxo loxo u'uli laxune'i tamitemaou. La ane'i latala noxi'a ne a tamitema ane tatemanu lialia i'oxo lexe ta'oloxolasi, ne?

Ipilu 10:14

No anu mi e mupilixinu ne la mu'oxone'i tanoxou Mosinge u'isalili mixali talaixe loloni, mo anene kaluxusou uasi.

Xalesia 3:14

Kalaisiti mu'oxo axone laso anene nene'axu vaikalaou Mosinge lexe uxalixu su'ulisi'a tamitema noale'ale noxou Apala'amu. Laso no anu xaixai noxou Iesua Kalaisiti ne mu'oxonu vote'isinge so nenge ta'ei talopala la taxalisou Ulenu Laixe a loxo Mosinge muvavalimasou.

Luku 24:45

La anu mukisinu xavutalai'a mo so vaikalaou Mosinge laxulaxu mupalapala'a noxi'a.

2 Timoti 2:26

Ane'i loxo mi'amo no anu uoi noxou Uluaou ka mutetelisi'a so imulinu masaxa noxoumo. Ia loxo vaikala manina upalasi noxi'a laso ane, xavutalai'a ulamanasi mo ixexe no anu uoi noxou Uluaou ne.

Epesusi 2:8

Xo ngingi ngelopala noxou laso Mosinge muiaiama noxinge so mupamaulingengi. Mi ne ngingi menge ngaxalixu uasi. Mosinge molu mu'itimengi.

Epesusi 1:11

Ai manina ane, Mosinge ulavusou u'oxonu mimi mukalusi no anu masaxa noxousi. Xo no anu masaxa noxou la anu musoso­vosinge lumamo noxou Kalaisiti lexe nenge taxali tamitemaou mu'isalili.

1 Kolini 1:30

Xo Mosinge molu mumulangenge noxou Kalaisiti Iesua. Mo anu anusisi vote'isinge so texalisou lavulavusou Mosinge ane u'asi'asi. Mo noxou Kalaisitisi Mosinge muxalinenge tamalema­lenga mo ukalipalanenge lexe nenge tanoxou mu'isalili. Xo no anu xaixai noxou Kalaisitisi la anu mulotonenge mo mu'ume­nenge no anu mi e mukalavusunenge tei.

Luku 4:18

“Ulenu Tatananenge mune'e mo a uxoxolu noxilo 'o. Xo anu munixi'u ueli no kisilo so musosovosilo so ane'enu vaikalaou noxi'a ta'oloxola. Mo mupalusilo ene'e so apala'anixu vote'i noxi'a takalavusu so ila ixolu lalavulusi. Xe noxi'a tamitema ie'i selevenu la apela'a lexe isaxila axova. Xe noxi'a tamitema ane itavulenu tu'umaxu no avo'a se'i la alosi'a xoluxolu manamana'usi.

Luku 2:32

Xo anu lalamo so upela'a tamitema noale'ale, xe anu so u'itinu ualasi'a tamitemameni Ta'isilaeli.”

Matiu 4:16

Ioxe, tatemanu xale lia ne ane'i a mixoxolu no isivoxosi sika mimaisou lamana tatila. Ane'i a mitalupexa no anu maimaixu soli sika lamana mutalosi'asi.”

Ipilu 10:10

Xo Iesua Kalaisiti mumulinu masaxa noxou Mosingesi mo mupilixinu vasi­molu so susu noxinge alaxu vilesisi. Laso no anu vote'i anene la nenge texali tamalemalenga mo tanoxou Mosinge mu'isalili.

Ipilu 9:15

Laso ano'o tava'u so Kalaisiti utulu nonixi mo uvalaxu konitalaki alavua. Mo so ane'i ane Mosinge mu'avali'a la ixalisou nene'axu vavalima ane uxolu kaluxu uasi. Mi ne umomomo uxali xo susu ane tamitema mi'oxonu no anu koni­talaki tei la anu soli noxou mulotonu. Laso maixene anu vote'i uxolu so ixolu lalavulusi.

Epesusi 5:14

Lamanaxu Tatana­nenge ulapune'i laso maixene no anu Mosinge vaikalaou u'oxonu latilovo lexe, “Nini namitema ane neai nesoli, ne natulu. Natulu mo namauli, xo Kalaisiti lamanaxu utalosine.”

Epesusi 1:14

Nenge'a tamitemaou la mulosinge Ulenu Laixe so sosovo lexe ili'i la taxalisou mimi lailaixe ane muvavalimasou. Laso nenge oponenge ututulu mo ta'itinu ualasousi xo manina, mi ne uxali ane.

Epesusi 1:7

Iaiama noxou Mosinge ne mulo­lutu e mulolutu manina, laso maixene muiasou susu noxinge. Muiasou xo taxolu noxou Kalaisiti mo sialuxu mulotonu tina'unenge so susu.

Xalesia 3:2

Eni tali'i vile so atali'isinge aloxo 'o. Ngingi ngemu­limulinu lo kaso ngexalisou Ulenu Laixe? Uasi, ngingi ngexalisou no anu vote'i e so ngelomuxu vaikala laixe ka ngelopalanu, ne?

Xalesia 2:20

Xo loxo mililixu Kalaisiti no ovu valautu so musoli la eni kalumo ane. Laso no anu xoluxoluxo alavua 'o la enisi uasi, Kalaisiti a upolonu maulixu noxilo 'o. Mo so no anu xolu­xoluxo so lialia 'o la eni alopala noxou Mosinge Olusi e muse­xelaxo ka mupilixinu maulixu so silo.

1 Kolini 1:2

Lapasi ano'o so ulai noxinge no anu pita noxou Mosinge no tuala ne Kolini. Ngingi ane mu'avalinge mo mupitangengi noxou Kalaisiti Iesua. Mupitangengi laso mukali­pala­ngengi lexe ngingi tanoxou mu'isa­lili. Ngingi ngoli'a tatemanu tuatuala aneva ilavusou i'itinu ualasou Tatananenge Iesua Kalaisiti. Anu Tatanane'i xe Tata­nanenge.

Lomu 8:17

Ioxe vaimomo 'o nenge taxolu Mosinge ta'olu. Laso ili'i la nenge taxalisou mimi lailaixe. Xo mi ma'ia so anu ulosou Kalaisiti la anu ulosinge kalumo. Vaimomo 'o nenge tatavulenu tu'umaxu a loxo anu a utavulenu. Ia ili'i la nenge noxou taxolu no anu xoluxolu iaxusi.

Ta'aposeli 26:23

Ane'i mivikala lexe itema ane Mosinge musosovosou lexe Kalaisiti la utavulenu tu'umaxu. Xe ili'i la anu u'uli tei noxi'a tamitema ane itulu no anu soli. Mo anu upala'anixu lamana noxi'a tamite­maou xe noxi'a tamitema noale'ale kalumo.”

Ta'aposeli 10:43

Xe tapolopeti mukalusi ipela'ingexu lexe ta'ei ane ilopala noxou la Mosinge ukalusou tina'uxa'a so susu no anu ualasou nesi.”

Ta'aposeli 3:19

Laso ngingi ngaxiu­nu opo­ngengi so susu noxinge mo nga'isa­lilinoxu no anu Mosinge vaikalaou. Laso Mosinge uiasou susu noxinge mo Tatananenge u'oxonu vasi­menge uxolu mana­mana'u.

Tioni 9:39

Ioxe, la Iesua muvikala lexe, “Eni ene'e no lialia 'o so apala'a­nixu susu noxi'a tatemanu. Mo so axone la tamitema ane ixolu loxo ie'i selevenu la isaxisaxi xe ane'i ane isaxisaxi la ixolu loxo ie'i selevenusi.”

Tioni 4:14

Ia itema ena'ei uie no anu lexa ane eni aitixu la usolioula uasi. Xo lexa aitixu ne uxolu nonano noxou loxo lexa luxu mo u'opu'opu so ulosou mauli kaluxu uasi.”

Tioni 4:10

La Iesua muvikalane lexe, “Loxo nelavusou mi lailaixe ane Mosinge mipilixinu 'o, mo loxo nelavu lexe eni ena'ei a elingau lexa noxine ne, la nini masi nelinga noxilo kaio elosine lexa so mauli. La ua.”

Matiu 4:10

La Iesua mukolinu lexe, “Uluaou, Nalai! Xo Mosinge vaikalaou lexe, 'Naitinu Mosinge anu Tatananeni ualasousi, mo nalomuxu anusisi.'”

Ta'aposeli 26:19

Xe Polu muvikala aloxo 'ola, “Kingi Axilipao, elomusou xolinu molu no loxotolo axone la eni elomuxusi.

Epesusi 5:11

Nga'una noxi'a tamitema no anu ili'ilixo so isivoxo uasi, xo nene'axu vile laixe no anu uasi. Nga'oxo aloxo 'o. Ngapela'a tamitema ne lexe ilixo noxi'a sususi.

Epesusi 6:12

Xo oto ano'o no anu vasimenge so taoto noxi'a tamitema uasi. Nenge taoto noxi'a tatiatila noxi'a ta'angelo tamasua mo ane'i ane xavine'i musuku. Ane'i tami masua ne ixolu teitexi mo ipamuxane'i tamitema no anu xoluxolu so isi'isivoxo vaimomo 'o.