Ta'aposeli 26:14 - Ata New Testament

¹⁴ Nexi telapau teai no lia. Sila eni elomusou xolinu vile muvikala no anu vaikala Ipilu. La mutali'isilo aloxo 'o, 'Saulio, Sauli, loxova so nalosilo tu'umaxu 'o? Ilixo ne nini na'oxonu no anu la'ia noxine, nini mene natavulenu navunavusou. Anu loxo nakikinu mi vile anaxu. Nakikinu nakikinu ia anu uto'omene mo navuxenesi.'

Ta'aposeli 26:14 Referans Kwoze

Ta'aposeli 21:40

Laso tatila noxi'a ta'ami mu'oxo lexe, “Ioxe.” La Polu mutulu no valovalo mo mutolosou avolu lexe tamitema ixolu tasiau. Ane'i mixolu tasiau mukalu la Polu muvikalane'i no anu vaikala Ipilu.

Ta'aposeli 22:2

Ane'i milomusou Polu muvikala no anu Ipilu la mitomunu anaxa'asi. Xe Polu muvikala aloxo 'ola,

Ta'aposeli 9:7

Tavoiou Sauli oli'a milai ne mikuluke mo ilemolu mi vile uasi. Ane'i milomusou mi vile ia imaisou mi vile uasi.

1 Kolini 10:22

Tatananenge xaviou misevile, laso nenge ta'oxonu ilixo ne so oponu tu'umaxuinge? Ai, tamama'u.

Ta'aposeli 26:13

Mo Kingio, noxi'a tamenexilo telutu xola velo muxalisixe no vote'i. Sila emaisou mi vile iaxu mulu'e no loxotolo. Anu iaxu e mutalosixe loxo aso, ia anu ne mu'oki musuku.

Ta'aposeli 26:15

La eni ekolinu lexe, 'Tatilao, nini ena'ei?' La anu muvikala lexe, 'Eni Iesua anu ane nalosilo tu'umaxu 'o.