Ta'aposeli 26:10 - Ata New Testament

¹⁰ Exolu ne Ielusalemo la e'oxo axonesi. Tatiatila noxi'a tapilisiti mivalaxo so ekalavusune'i se'i noxi'a tamitemaou Mosinge u'isalili. Xe no voxo loxo mipitanu vaikala so lexe ive'a isoli la eni kalumo evikala axone.

Ta'aposeli 26:10 Referans Kwoze

Ta'aposeli 8:3

Ia Sauli anu u'oxo so umasuanu pita noxou Tatananenge. Anu muxixao no tatasi'a tamitema so lopala so ulaixi'a no lakalavusu, tasema oli'a tamulu.

Ta'aposeli 9:21

Muvotovoto xe tamitema milomusou la ane'i mikuluke manina mo mivikalane'i ngato'o lexe, “A itema e mutovonu so lexe umamulonu laili ane i'itinu ualasou Iesua ne Ielusalemo, xe mune'e lai 'o so ukalavusune'i mo ulaixi'a noxi'a tatiatilasi'a tapilisiti, anu itema ano'osi, ne?”

1 Kolini 15:9

La ane'i ta'aposeli latala iua'ulixo mo eni amitema alaixe so atavulenu uala aposeli aloxo 'o uasi. Xo tei la elosi'a tatemanu pita noxou Mosinge tu'utu'umaxu.

Ta'aposeli 9:26

Ioxe, mu'ume axone la mulai muxolu ne Ielusalemo. Anu umasaxa lexe u'una noxi'a talopala, ia ane'i mi'umolu. Mi'umolu xo ane'i ilavu lexe anu mulopala uasi ane.

Ta'aposeli 8:1

La Sauli mumaisi'a mivau Sitiveni axone la anu mu'osa xo oponu vilesisi axone. Ioxe, no anu voxo anene la tamitema misoko'u so itovonu so imamulonu pita ne Ielusalemo. Laso ane'i tatemanu pita ne mipaxelele mo milailai no xale lia ne Iutea xe ne Samalia. Ane'i ta'aposelisi mixolu ne Ielusalemo.

Ta'aposeli 7:58

Mitete­lisou mukalu la milaixu noale no utu la milealeaxu no anu lavolavo'o so ivau usoli. La tamitema e mito'omolu no anu vaikala no lakoti, mixexenu lasotii'a veveni mo mimulaxu no tava'u maulu vile. Maulu ne ualasou lexe Sauli.

Mupala'a 17:6

La emaisie sema ne miiexu sialuxa'a tamitemaou Mosinge u'isalili xe sialuxa'a tamitema ane mia'aloxu Iesua. Emaisie lexe miie no anu la loxo misipaki. La talelilili manina.

Epesusi 1:1

Eni Polu a. No anu masaxa noxou Mosinge la anu mutulusilo so lexe eni a aposeliou Kalaisiti Iesua. Eni akaukavunu lapasi ano'o ulai noxinge tamitemaou Mosinge u'isalili ne Epesusi. Ngingi ne ngaxolu noxou Kalaisiti Iesua mo lopala noxinge ututulu noxousi.

Xalesia 1:13

Ngingi ngelomusou a'alosou xoluxolu noxilo tatei so emulinu ili'ilixo no anu lopala noxi'a Taiuta. Xe elolutu so elosi'a tatemanu pita noxou Mosinge tu'utu'umaxu mo etovonu so epaxelelene'i.

Ta'aposeli 9:41

Mita­lupexa laso Pita mutila'e mitulu. Mukalu la anu mu'avali'a talopala xe tasema tamului'a misoisoli mi'una mo muvikala lexe, “Nga­malei, mimauli”.

Ta'aposeli 9:32

Xe mune'e la Pita muxixaosou xale tuatuala. La mulai no tuala vile ualasou lexe Lita so ukiloloi'a tamitemaou Mosinge u'isalili e mixolu ne.