Ta'aposeli 24:25 - Ata New Testament

²⁵ La anu Polu muvi­kalasou mimi tavu'alo. Muvi­kalasou ilixo laixe xe so oponenge utulu no anu ilixo ulapusi xe voxo so Mosinge utongonenge. Peliki mulomusou vaikalaou Polu la mu'avutinoxu ume noxou. Sila muvikalanu Polu lexe, “Ai natalo, mumomomo ane. Nini nalai. Ili'i xe voxo laixe la eni a'avalinela.”

Ta'aposeli 24:25 Referans Kwoze

Tioni 16:8

Xe loxo anu une'e la ulamananixa'a tatemanu lialia no anu susu xe ilixo malemalenga xe vaikalasou mamulo so susu, xo tane'i ukilikalu so mimi ne.

1 Pita 3:15

La nga'itinu Kalaisiti no opongengisi lexe anusi Tatana­ngengi. Mo ngaxolu ngalalaxi utotomu so loxo tamitema imaiti­tiiengixu mi ane tangengi ulopa­lanu uxomaiou la nga'oxonu latolosou.

2 Pita 1:6

Xe no anu anene la ngapitapitanu no anu ano'o kalumo. Ngautululunu vasi­menge no anu masamasaxa masua mo ngatavulenu tu'umaxu aneva uxalisinge mo muamua'ingenge aloxo Mosingesi.

Xalesia 5:23

Xe oponenge lexasi mo xoluxolu­nenge vuluvulusi uasi, tapamu­xanu u'isalilisi. Anu lo vile so u'apinenge no anu mi aloxo 'o uasisi.

Ta'aposeli 10:42

Taa'aloxu xo anu molu mupelototosixe lexe tavoto­voto noxi'a tamitema mo tapela'a. Tapela'a lexe anu ane Mosinge musosovosou lexe utongone'i tami­tema no lakoti noxou. Utongone'i tamitema imamaulisio xe ane'i isoisoli mukalusi.

1 Tioni 3:7

Ta'alixeli moso 'o, ngalaxa'i laixe mo ngalavu aloxo 'o mo so evile u'oxonu lolongenge uasi. Kalaisiti anu mulapusi laso itema ane mulapu no iou Mosinge aloxo Kalaisiti, la ilixou kalumo ulapusi.

Tiemisi 2:19

Xe masi u'oxo lexe ulopala lexe Mosinge vilesisi. O ne'oxo lexe anene mi laixe musuku ne? Uasi, anu mi vitanisi, xo ane'i ta'angelo tamasua kalumo ilavusou ilopala axone xe i'ume mo i'olo'olo to!

Ipilu 9:27

Xo tamitema mukalusi isoli alaxu vilesisi. Xe mukalu la itulu no laxunu Mosinge so utilovosi'a.

Ipilu 4:1

Ioxe, vavalima noxou Mosinge lexe ane'i ane ilopalasi i'unalai no anu tanixu ma'ila a ututulusio. Laso nenge tamama'u xo anu masi upala'a lexe se'i noxinge mane i'unalai la uasi, mitulu mitutulosi.

Ipilu 3:13

Tamaisou voxo vilevilesi uxaxali mo tale­molu lexe vaimomo xo anu voxo na'a nengesio. Ia talavusou telexu uasi, laso utotomu ngapelototo­singe mo nga'avutinixinge ngato'o. Xo loxo 'o io susu uxolu xe uxali pakia'u no opongengi la ulapu­ngengi avile ane.

Xalesia 3:22

Ia uasi, xo vaikala no anu lavukuou Mosinge ukapikapine'i tamitema mukalusi so ilavu lexe ixoxolu no laxu sususi. Mosinge mu'italonu axone mo so ane'i ane ilopala noxou Iesua Kalaisitisi la ixalisou nene'axu vavalima noxou.

2 Kolini 5:10

Xo ili'i la Kalaisiti utalupexa xe nenge vilevilesi tatulu no iou so utilovosou ilixomenge te'oxonu loxo texoxolu no anu vasimenge 'osio. Utilovosinge no anu ilixomenge ma'ia laixe xe masua so ulosinge lakolisou u'isalilisi.

1 Tioni 3:10

Ioxe, laso vote'i so tatongo lamana noxi'a tamitema lexe ane'i ta'ei Mosinge ta'olu xe ane'i ta'ei Uluaou ta'olu aloxo 'o. Tamitema ane imulinu ilixo mulapusi uasi ane'i tanoxou Mosinge uasisi. Xe ane'i ane imoxo'a tamitema lexe tavimo'a ia isexelaxa'a uasi, ane'i kalumo tanoxou Mosinge uasi.

2 Timoti 4:1

No voxo ili'i loxo Kalaisiti Iesua une'e upala'a so ukingi la anu utongone'i tamitema muka­lusi, ane'i ane imamauli xe ane'i ane misoisoli. Laso no ie'i Mosinge ilou Kalaisiti Iesua la eni apelototosine pakia'u aloxo 'o.

2 Kolini 6:2

Xo anu muvikala lexe, “No anu taimusou u'isalili la elomuxu tama noxinge. Xo no anu voxo e esoso­vosou so pamauli la esu'ulingengi ane.” Laso ngalomu, vaimomo 'o anu taimu ulemolu ne u'isalili xe vaimomo 'o anu voxo so pamauli nesi.

1 Kolini 4:5

Molu utilovosilo ia voxosou uao. Laso mamu so ngingi ngatilotilovo kolokolo. Ngaxolu ngaxomaiou voxo so Tatananenge une'e. Une'e la uno'u mimi a utatalume no isivoxo mukalusi ka umulaxu no lamana. Xe no anu masamasaxa no oponenge tamitema la anu upala'anixusi. Laso ane, no voxo anene Mosinge molu uvikala laixe so xaixai noxinge aneva u'osasou.

Ta'aposeli 24:15

Eni lopala noxilo iou vilesisi noxi'a tamitema ano'o, lexe ili'i la ane'i ane misoisoli la imaulila, tamitema tamalemalenga xe tamitema tamasua kalumo.

Ta'aposeli 17:32

Tatiatila milomusou vaikala ne so Mosinge mutulusou Iesua no anu soli, la se'i mimolo suku. Ia tose'i mivikala lexe, “Ai, ili'i la nexi temasaxa so talomusine navi­kalasou mi ano'ola.”

Ta'aposeli 17:2

Poluena mixali la anu mumulinu ilixo aloxo mu'oxonu no tuatuala. Anu mu'unalai no tasou lavuloto no anu Voxo so Ma'ila. Xe viki vilela, no anu Voxo so Ma'ila, la anu mu'una'unalai. Mu'oxo axone alaxu tatalu. Mo anu oli'a tamitema ne mivivikala, la anu mupala­palasinoxu laxulaxu Mosinge vaikalaou noxi'a.

Ta'aposeli 2:37

Ioxe, tamitema milomusou vaikala ane Pita mulemolu la mixamulinu lexe muto'omolu opone'i. La ane'i mitali'isou oli'a tamenexu ta'aposeli aloxo 'o, “Tavivixe, laso nexi tanavaio?”

Ipilu 6:2

Mo kalumo mi loxo lavuloto so ili'ilixo no anu ulo'ulo mo ane so tamulaxu avonge xe vaivaikalasou voxo so tatulu tamauli no anu soli mo voxo so tamitema ixalisou nene'axu ilixo noxi'a kaluxu uasi ne, mimi axone ta'oso'oso no anu uasi.

Ipilu 12:21

Mimalei­sou la'olu lexe muxali masua axone la Mosisi kalumo oponu kalaua xo mu'oxo lexe, “Ai, eni vasimelo u'olo'olo u'oki 'o!”

Lomu 14:12

Mo no voxo anene nenge mukalusi tatulu no laxunu Mosinge. La nenge tavikala lamana noxou no anu mi ma'ia te'oxonu o telemolu o texavutalanu.

Lomu 12:1

Laso tavivilo, nenge tamaisou iaiama noxou Mosinge axone laso eni atama pakia'u noxinge aloxo 'o. Tamitema ilaixi'a tamisoposi so lexe noxou Mosinge. Ioxe, ngingi nga'oxo axone no anu vasimenge. Ngalosinge mo ngakalipalangengi lexe noxou u'isalili, xo anu u'osasinge ane. Ngaxolu nga'itinu ualasou no anu mauli noxinge.

Lomu 2:16

Laso Mosinge musosovosou Iesua Kalaisiti so utongone'i tamitema no voxo ili'i loxo anu musosovosou. No voxo anene la tamitema imomomo so italumeu mi vile noxou uasi. Xo anu opo­nenge upala'a noxou avile. Laso loxo eni alanu vaikala laixe noxou Mosinge, la avikala lamana so voxo anene kalumo.

Ta'aposeli 26:28

Ia Axilipa mukolinu lexe, “Loxova, naxavutala lexe alomu­sou vaikalameni ataxu se 'osi ka alopala mo axali itemaou Kalaisiti?”

Ta'aposeli 17:13

Xe mune'e la Taiuta so tuala ne Tesalonaika milomu lexe Polu muvotovotou Mosinge vaikalaou ne Velia. Milomu axone laso ane'i milutu milai no tuala ne mo mi'unanu tane'i noxi'a. Mo mi'avutinoxu opone'i Tavelia so ixililiie'i Polu ilou Sailasi kalumo.

Ta'aposeli 9:6

Nini natulu ka na'unalai no tuala Tamasikusi 'o. Mo naxolu xe ili'i la itema vile ulemolu mi ma'ia so na'oxonu.”

Matiu 22:5

Laso ane'i tauokuvoiou milai milemolu vaikalaou noxi'a tami­tema ne ia milomua avilesi mo milailai no anu masaxa na'asi. Vile mulai no xaixu xe vile mulai no anu xaixai noxou e so lailoto.

Ta'aposeli 24:26

Xe ili'i la anu utotomu mu'avalou Polu so ilou ivivikalala anu umasaxa lexe Polu ulosou lamoli so u'italonu ula no lakalavusu.

Taitusi 1:8

Mo loxo tamitema ine'e no tasou la uvu'uline'i laixe. Itema loxo natulusou ne la oponu utulu no anu mi ane laixe mo mulapusi. Loxo mi vile uxali la anu utilovosou laixe xo oponu ututu­luou masaxa noxou Mosingesi. Xe masamasaxa noxou upalusou vitanisi uasi, anu molu upamuxanu laixe.