Ta'aposeli 24:23 - Ata New Testament

²³ Mukalu la muvikalanu tila noxi'a ta'ami 100 so ukala­vusunu Polu. Muvikalanu lexe ukalavusunu ia u'okinu malamenge malaxo uasi. Mu'oxo lexe loxo tamenexu Polu ilosou la'ilali o isu'ulinu la mi vile uasi.

Ta'aposeli 24:23 Referans Kwoze

Ta'aposeli 28:16

Ioxe, texali ne Lomui, la tatiatila noxi'a Talomu imulaxu Polu no tasou lakalavusu uasi, anu muxolu no tani vitanisi xe ami vile mutuluxu ne.

Ta'aposeli 27:3

Telutu telai xo xe loxo ne'iela la te'axa ne Saitoni. La Tiuliusi tanuxu Polu laso mu'ita­lonu mulai noxi'a tamenexu so misu'ulinu no anu la'ilali xe mi se'i.

Ta'aposeli 28:31

Oli'a ivivikala la anu u'ume uasi so ulanu vaikala so voxo ane Mosinge molu u'uli laxune'i tamitemaou. Mo anu muvotovoto so Tatananenge Iesua Kalaisiti la evile u'apixu uasi.

Ta'aposeli 24:26

Xe ili'i la anu utotomu mu'avalou Polu so ilou ivivikalala anu umasaxa lexe Polu ulosou lamoli so u'italonu ula no lakalavusu.

Ta'aposeli 23:35

La tatila ne muvikala lexe, “Loxo tamitema ane ito'omene no anu vaikala ixali oe, laso atongonu tu'umaxu ano'o laixe.” Mo muvikalane'i ta'amiou lexe Polu uxolu no anu tasou lakalavusu noxou Eloti so uxo­maiou voxosou lakoti.

Ta'aposeli 23:16

Mivotoxu Polu axone, ia Polu vimou sema ilie mulomusou sivo so mi ne la anu mulai no tasi'a ta'ami la mua'aloxu noxou Polu.

Ta'aposeli 25:4

Ane'i mivikala axone ia Vesitusi mukoline'i lexe, “Polu ukalavusu ne Sisalia mukalu mo eni so alivu alai ne kalumo.