Ta'aposeli 24:1 - Ata New Testament

¹ Ioxe, Polu muxolu mukalavusu voxoxu ta'uve xo xe ili'i la ane'i e so itulusou no lakoti a mixali ne Sisalia. Ane'i ne, tila noxi'a tapilisiti e Ananaiasi xe tatiatila se'i noxi'a Taiuta. Xe kalumo la itema so lavulavu no anu lo noxi'a Talomu oli'a mine'e. Anu ualasou lexe Tetulusi. Ane'i mixali ne Sisalia la mipela'u tila so xamani no vaikala e so ikotixu Polu no anu.

Ta'aposeli 24:1 Referans Kwoze

Ta'aposeli 24:11

Loxo natali'isi'a tamitema la anu masi upalasi noxine lexe eni elai ne Ielusalemo so a'itinu Mosinge ualasou mala'o se'osi, anu voxo 12 'osi.

Ta'aposeli 23:2

Muvikala axone, la tatila noxi'a tapilisiti Ananaiasi muvikalane'i tamitema ane itulu alai noxou Polu lexe isavalou Polu anaxu.

Ta'aposeli 25:2

Mulutu xe muxali la tatiatila noxi'a Tapilisiti xe tatiatila noxi'a Taiuta mipita noxou so milanu vaikala ane so ito'omolu Polu no anu.

Ta'aposeli 23:35

La tatila ne muvikala lexe, “Loxo tamitema ane ito'omene no anu vaikala ixali oe, laso atongonu tu'umaxu ano'o laixe.” Mo muvikalane'i ta'amiou lexe Polu uxolu no anu tasou lakalavusu noxou Eloti so uxo­maiou voxosou lakoti.

Ta'aposeli 23:30

Xe mune'e la evile mupela'ilo lexe ane'i se'i mivotoxu so ivau usoli. Laso maixene epalusou mune'e noxine. Xe ane'i ane ito'omolu no anu vaikala la evikalane'i lexe ine'e noxine kalumo. Mo so loxo ixali noxine la nini mene natilovosou vaikalai'a e ito'omolu no anu.”

Ta'aposeli 23:24

Mo ngalalaxinu iou Polu osi vile mo ngasaxanu ulai noxou tatila no anu xamani e Peliki.”

Ta'aposeli 21:27

Mune'e xe voxo 7 so ili'ilixo so malemalenga a so ukalui la Polu muxolu no tasou Mosinge. La Taiuta se'i so Esia polovinisi mine'e la mimaisou Polu a muxolu nonano ne. Mimaisou axone la ane'i mi'avutinoxu tamitema opone'i so la'iaxa'aou Polu, sila ane'i mite­telisou avile mo mi'ava'ava tatila lexe,

1 Kolini 2:4

Xe evotovoto la atovonu so axiunu opongengi no anu vaikalaxeli lailaixe o no anu lavulavu noxilosi uasi. Evotovo­tosi, sila Ulenu Laixe molu mupa­lasinoxu vaikala ne noxinge no anu xavi noxousi.

1 Kolini 2:1

Ioxe tavivilo, mala'o loxo ene'e noxinge la elanu Mosinge vaika­laou. Elanu la avikala tila o alexa vitanisi loxo takeleva uasi.

Ta'aposeli 25:15

No voxo e elai ne Ielusalemo la tatiatila noxi'a tapilisiti xe tatiatila noxi'a Taiuta mito'omolu itema ne no anu vaikala se'i. Mito'omolu no anu vaikala mo milinga noxilo lexe tavauxu susu noxou.

Ta'aposeli 12:21

Ioxe, Eloti musosovosou voxo vile so oli'a ipita. No voxo anene la mutokolomo no anu lavulutiou kingi mo mutalupexa no anu sia noxi'a takingi. Mutalupexa mo mu'uli laxune'i tamitema no anu vaikala.

Ta'aposeli 23:33

Oli'a milai xo xe mixali ne Sisalia la ta'ami milosou tila so xamani lapasi mo mipilixinu Polu no avolu.

Ta'aposeli 24:2

Ioxe, mi'avalou Polu mu'unae laso Tetulusi musoko'u so uto'omolu no anu vaikala. La muvikalanu tila so xamani e Peliki aloxo 'o, “Ai, nini ne'uli laxunexi la xoluxolu noxixe laixe manina mo tu'umaxu vile uxali no tainexi uasi. Xo mi ma'ia so uxalixu tu'umaxu no tualasixe 'o la nelovonixu lumamo.