Ta'aposeli 23:6 - Ata New Testament

⁶ Ioxe, Polu mulavu lexe tatiatila se'i ne ane'i so laili Satusi xe se'i so laili Palisi laso anu muvikala tatila lexe, “Tavivilo, eni vile noxi'a Tapalisi xe mamilo anu Palisi kalumo. Eni atutulu no lakoti 'o, tava'u xo eni alopala lexe tamitema ane misoisoli la imamaulila.”

Ta'aposeli 23:6 Referans Kwoze

Ta'aposeli 24:21

Masi mi vilesisi aloxo 'o. Mala'o e etulu no laxune'i ne la evikala lexe, 'Ane'i ane isoisoli, la imaulila. Vaikalanesi ngato'omelo no anu 'o.' Ane'i opone'i masi ialuxuou vaikalaxeli nesi.”

Ta'aposeli 24:15

Eni lopala noxilo iou vilesisi noxi'a tamitema ano'o, lexe ili'i la ane'i ane misoisoli la imaulila, tamitema tamalemalenga xe tamitema tamasua kalumo.

Pilipai 3:5

No anu lavulo'o noxilo la exolu xe no anu voxo 8-sou la mi'oxonu sosovo no anu vasimelo. Eni itema Isilaeli no laili noxou Peniamini. Vaikalaxeli Ipilu u'isalili aloxo papa olie atie. Mo opoleli mututuluou lo no anu vote'i e noxi'a Tapalisi.

Ta'aposeli 28:20

Eni a'avalinge so tapita 'o xo tava'u aloxo 'o. Eni emasaxau avikala lamana lexe misakileli no anu seni ano'o xo ma'ia. Misakileli xo eni opoleli ututulu no anu mi e nenge Ta'isilaeli taxomaiou.”

Matiu 22:23

Ioxe, no voxo anenesi la Tasatusi se'i mine'e mixali noxou Iesua. Ane'i Tasatusi ne xavutalai'a lexe loxo itema usoli la ukalu avile, Mosinge utulusoula uasi. Mine'e mixali noxou Iesua la mitali'isou aloxo 'o,

Ta'aposeli 22:5

Xe eno'u lapasi noxou pilisiti tatila oli'a tatiatila noxinge Taiuta. Ane'i tamosou ixoxolusio mo loxo imasaxau la ivalaxu vaikalaxeli 'o. Ane'i mikaukavunu lapasi ne mulai noxi'a tatiatila ne Tamasikusi lexe isu'ulileli no anu xaixai noxilo. Xaixai ne so atetelisi'a tamitemaou Iesua xe ane'ene'i ne Ielusalemo so tatiatila ilosi'a nene'axu ilixo noxi'a.”

Matiu 10:16

La Iesua musolonu aloxo 'ola, “Ngalomu, eni apalusinge ngalai la ngingi loxo tasipisipi ilailai no taine'i ta'a'a tavova. Laso no anu lavulavu mo tilovo noxinge la loxo tasineke ia no ilixo noxinge la malemalenga mo lamanasi a loxo tangiala ta'utu 'o.

Matiu 3:7

Ia anu mumaisi'a tavu'alo noxi'a Tapalisi xe Tasatusi ine'ene'e no apu ne so u'oxonu iloxo so kelele noxi'a la muvikala tatila noxi'a aloxo 'o, “Ngingi ne, ngingi nga­xilisi mo nga'oxo loloxa'a tami­tema, ia anu loxo lamalasini masua uxolu no anangene a loxo tasineke tamasua to. Ena'ei muvikalan­gengi so nga'u­mesou voxo so la'ia e unene'e 'o?

Ta'aposeli 22:3

“Eni Iuta 'o. Atie mivo'oleli no tuala ne Tasusi e no xale lia ne Silisia. Ia eni ene'e ne Ielusalemo 'o mi ne molomoloxomo. La exolu esikulu noxou Xamalieli. Mo eno'u lavulavu laixe noxou so lavuloto noxi'a tatiatilasinge. Mo opoleli mutulu noxou Mosinge a loxo ngingi o'osi.

Ta'aposeli 22:30

Xe mune'e loxo ne'iela la tatila noxi'a ta'ami umasaxau ulavu laixe lexe Taiuta mito'omolu Polu no anu vaikala ma'ia. Laso anu mululusou seni noxou Polu. Mukalu la mukalanu vaikala mulai noxi'a tatiatila noxi'a tapilisiti xe noxi'a tatiatila noxi'a Taiuta lexe ipita. Mipita mukalu la mune'enu Polu so mutulusou no laxune'i.

Ta'aposeli 23:1

Ioxe, Polu mutulu no laxune'i tatiatila noxi'a Taiuta la iou mumatakisi'a. Mo muvikala aloxo 'o, “Ai tavivilo, eni taleli uai laixe no iou Mosinge uasi. xo emulinu vaikala noxou Mosinge tatei mo mune'e muxali vaimomo 'o.”

Ta'aposeli 23:7

Polu muvikala axone la ane'i tatiatila me'a misoko'u so mipelesou anaxa'a. Tapalisi xe Tasatusi ane mipita ne mixililii'o ngato'o mo mikalipala.

Ta'aposeli 23:15

Laso ngingi ngoli'a tatiatila mukalusi ngakalanu vaikala ulai noxou tatila noxi'a ta'ami. Ngavi­kalanu lexe une'enu Polu noxinge 'o. Ngakalavoi lexe ngamasaxau une'e so ngatali'i noxou sevilela. Laso axone, la nexi taloxu no vote'i so tavau usoli.”

Ta'aposeli 23:20

La anu mupela'u lexe, “Ane'i Taiuta milalaxinu opone'i mukalu lexe ne'iela la ilinga noxine lexe nalu'elaixu Polu noxi'a tatiatilasi'a. Ane'i ikalavoi lexe itatali'i noxou Polu xo mi se'i uxali lamana noxi'a uao.

Kolosi 1:5

No voxo loxo vaikala laixe anu temanu manina muxali noxinge tei la ngeno'u lavulavusou nene'axu laixe e so ngaxalisou ili'i. Laso maixene ngingi a ngalopalanu ngaxomaiou mi e Mosinge ulaxa'inu laixe so ulalaxisinge ne.

Ipilu 6:19

Talopalanu taxo­maiou axone la anu loxo axa so xoluxolu noxinge xo anu manina mo pumuxusi. Tava'u e noxou Iesua xo anu mupolo no tainu lavalava mo mu'unalai avile no anu ngiou noxou Mosinge mu'isalili.