Ta'aposeli 22:3 - Ata New Testament

³ “Eni Iuta 'o. Atie mivo'oleli no tuala ne Tasusi e no xale lia ne Silisia. Ia eni ene'e ne Ielusalemo 'o mi ne molomoloxomo. La exolu esikulu noxou Xamalieli. Mo eno'u lavulavu laixe noxou so lavuloto noxi'a tatiatilasinge. Mo opoleli mutulu noxou Mosinge a loxo ngingi o'osi.

Ta'aposeli 22:3 Referans Kwoze

Ta'aposeli 26:5

Milavusou xoluxolu noxilo tatei axone, mo loxo imasaxau la ivalaxu vaikalaxeli 'o. Ane'i ilavu lexe eni vile noxi'a laili Tapalisi mo emulimulinu lavuloto noxixe. Tapalisi ne i'oki'oki so imulinu mi kitukitusou lavuloto. No anu anene la ane'i iua'ulixu laili se'i no anu lalotu noxixe.

Ta'aposeli 9:11

La Tatananenge muvikala lexe, “Nalutu mo nalai no vote'i e ilemolu lexe Lapusi. Nalai naka­mulinu tani noxou Iutasi mo natali'isouxu itema vile so tuala Tasusi. Itema ne ualasou lexe Sauli. Anu a uxoxolu oponu utatama noxilo.

Ta'aposeli 5:34

Ia vile noxi'a, ualasou lexe Xamalieli, mu'avuti mutulu no taine'i. Anu tisa vile so lavuloto no anu laili noxi'a Tapalisi. Tamitema milavusou i'itinu ualasou itema ne lexe lavulavuou mutoxoxa'a. Mutulu no taine'i la muvikala lexe tamitema so latolo ilaixi'a ta'aposeli noale sevileo.

Ta'aposeli 21:39

La Polu muvikalanu lexe, “Uasi, eni Iuta ano'o. Eni so tuala ne Tasusi so xale lia Silisia. Tualasilo ne anu ualasou tatila, tamitema latala ilavusou. Laso maula, eni amasaxau avikalane'i tamitema.”

Ta'aposeli 21:20

Anu Polu mua'aloi'a xe milo­musou mukalu la ane'i mi'itinu Mosinge ualasou. Ia mivikalanu aloxo 'o, “Ai vivixeo, nini nelavu mukalu lexe Taiuta tavu'alo e tavu'alo milopala noxou Iesua mukalu. Milopala ia ane'i opone'i ututulu so imulinu lavuloto no anu lo.

2 Kolini 11:22

Xo axova, ane'i i'oxo lexe ane'i vaikalai'a Ipilu, ne? Ua, eni kalumo Ipilu a. Xe i'oxo lexe ane'i so laili Isilaeli, ne? Ua, eni kalumo Isilaeli a. Xe i'oxo lexe ane'i ta'ilusunu Apala'amu, ne? Ua, eni kalumo ilusunu Apala'amu a.

Luku 10:39

Mu'unalai xe muxolu nonano la ane vimoe ualasie lexe Malia a mixolu no lia no laxunu Tatananenge so ilomusou vaivaika­laou.

Lomu 11:1

Ioxe, eni atali'i aloxo 'o. Axova, Mosinge muxiunu tumalou noxi'a tamitemaou Ta'isilaeli avile? E uasi manina. Eni kalumo a Isilaeli a. Eni vile exali a ilusunu Apala'amu no anu laili noxou Peniamini.

Ta'aposeli 23:6

Ioxe, Polu mulavu lexe tatiatila se'i ne ane'i so laili Satusi xe se'i so laili Palisi laso anu muvikala tatila lexe, “Tavivilo, eni vile noxi'a Tapalisi xe mamilo anu Palisi kalumo. Eni atutulu no lakoti 'o, tava'u xo eni alopala lexe tamitema ane misoisoli la imamaulila.”

Ta'aposeli 6:9

Ia tamitema se'i mixililiou. Ane'i tamitema ane mipita no anu tasou lavuloto ane milemolu lexe “Noxi'a Tamitema Lalavulusi”. Ane'i tamitema so tuala ne Sailini xe Alekisanita. Mo tamitema so xale lia ne Silisia xe Esia ane'i kalumo mixililiou Sitiveni.

Xalesia 1:21

Xe mune'e la exixaosou polovinisi tamei ne Silia xe Silisia.

Xalesia 1:14

La opoleli mututuluou mo mu'oxoxu ili'ilixo noxi'a tatiatila noxixe Taiuta so lexe amulinusi. La no anu vote'i anene eni e'uli noxi'a tamaulu Taiuta ane lasililinexe vilesisi.

Ta'aposeli 23:34

Milosou lapasi xe mu'itisou la mutali'i noxou Polu lexe, “Nini so polovinisi aneva?” La Polu mu'oxo lexe, “Eni so Silisia polovinisi.”

Ta'aposeli 15:41

Mi'italone'i mu­kalu laso ane'i ilou milutu milai no xale lia ne Silia xe ne Silisia. Milai xe mixali no anu pitapita no tuala aneva la mixolu mo Polu mu'oxonu pakia'a no anu vaika­laou Mosinge.

Ta'aposeli 15:23

Ilou milai la mino'u lapasi vile ane ne muvikala aloxo 'o, “Nexi ta'apo­seli xe tamitema so saxila'u, nexi ane tavivinge 'o. Nexi takau­kavunu lapasi ano'o ulai noxinge talopala so noale'ale no tuala ne Anitioki xe ne Silia xe ne Silisia. Aso noxinge.

Ta'aposeli 11:25

Vanavasi muxolu ne Anitioki xo xe mukalu la mulutu mulai ne Tasusi so mukamulinu Sauli.

Ta'aposeli 9:30

Xe ane'i tavimovimou no anu lopala milavusoui la mi'umenu milaixu no tuala Sisalia, mo mipalusou avile mulai ne Tasusi.

Luku 8:35

A'alosou mulailai xe tamitema mine'ene'e so lexe imalei. Mine'e­ne'e xe mixali noxou Iesua la mimaisou itema e ta'angelo tama­sua tapiena mixexesou ne a muxo­xolu no tava'u Iesua. Mimaisou la anu uxovulaulau loxo tei la uasi, xavutalaou mulamana mo anu a musakinu lavalava. Tamitema mimaisou aloxo ne la mimama'u manina.

Luku 2:46

Ilou mixali ne Ielusalemo la mikaka­mu­linu xo mole voxo tatalu. Xe mukalui sila mixalisou muxolu no mataunaxu tasou Mosinge. La muxoxolu no taine'i tamitema so lavulavu no anu lavuloto ne mo a mulolomusou vaikalai'a xe mutata­li'i­si'axu.

Ta'aposeli 9:1

Ioxe no voxo anene, la Sauli utotomu muvotoxa'a tamitema ane milopala noxou Tatananenge so umasuane'i. Laso anu mulai noxou tatila noxi'a tapilisiti.

Ta'aposeli 26:9

Tatei eni xavileliou so axililiou ualasou Iesua so Nasaleti, la eni ekalavoi lexe ilixo laixe ane.