Ta'aposeli 22:21 - Ata New Testament

²¹ Evikala noxou Tatananenge aloxo ne, ia anu muvikalaleli aloxo 'o, 'Uasi, nini nalai. Eni apalusine so nalai noxi'a tami­tema noale'ale.'”

Ta'aposeli 22:21 Referans Kwoze

Ta'aposeli 9:15

Ia Tatananenge muvikalanu lexe, “Nini nalai. Eni melo esosovosou itema anene so u'oxonu xaixai noxilo. Ili'i la anu ulaixu ualasilo noxi'a Ta'isilaeli mo uxalixu avile noxi'a tamitema noale'ale oli'a takingii'a.

1 Timoti 2:7

Laso anene tava'u so musosovosilo so axali itema so alanu vaikalaou mo a aposeliou. Vaikala ano'o maninasi, akalavoi uasi. Anu mulosilo xaixai so avotone'i tamitema noale'ale no anu vaikala manina mo so ilopa­lanu.

Lomu 15:16

Muiaiama noxilo mo musosovosilo so eni amitemaou so alaixu vaikala laixe so Kalaisiti Iesua noxi'a tamitema noale'ale. La no anu xaixai noxilo ne la a'oxonu xaixai loxo tapilisiti mi'oxonu. Xo mi ane alaixu noxou Mosinge ne, ane'i tamitema noale'ale. Alanu vaikala laixe noxou Mosinge noxi'a xe loxo amaxa'a noxou Mosinge la u'osasi'a ane. U'osasi'a xo Ulenu Laixe ukalipalane'i lexe noxou mu'isalili.

Lomu 11:13

Ioxe, eni Polu a. Eni avikala ulai noxinge ngingi tamitema so laili noale'ale. Mosinge musosovosilo eni aposeliou so axaxai no taingengi. Mo eni a'osasou xaixai anene misevile.

2 Timoti 1:11

Anu mumasaxa'ilo so axaxai­sou vaikala laixe nesi, laso mutulusilo so avotovotosou vaika­laou xe a'oxonu xaixai aposeli xe apela'a tamitemaou no anu vaikala laxu.

Lomu 16:26

Mupala'a avile xo vaikalai'a tapolopeti no anu Mosinge vaikalaou muxali lamana noxi'a tamitema no xale tuatuala. Mi ne muxali loxo Mosinge Kaluxu Uasi mulemolu. Xo tamitema mixali lamana laso milopala mo mi'oxonu ilixo ane anu u'osasou.

Lomu 1:5

Laso tava'u so Mosinge mutulusixe ta'aposeliou ne, a no anu iaiama noxou Olusi. Mutu­lusixe so tapitane'i tamitema noale'ale no anu ualasou Iesua, mo so ilopala noxou mo imulinu vaikalaou.

Ta'aposeli 18:6

Ia ane'i Taiuta mixililiou Polu mo mivikala masua noxou. Laso anu mu'umu'umunu kalai no lasiotiou veveni so latilovosou ilixo masua noxi'a. La anu muvikala lexe, “Mi na'a ngingisi. Loxo ngamamulo, anu tava'u noxingesi, eni uasi. Ngalomu uasi axone, laso ngingi ngaxolu ane, eni alai noxi'a tamitema noale'alesi.”

Ta'aposeli 13:2

No voxo vile la tamitema no anu pita ne mixolu so ivikala noxou Mosinge. Opone'i mutulu no anu anene la mixolu maxuveni mo i'ani uasi. Ane'i a ivikala noxou Mosinge sila Ulenu Laixe upala'anixu noxi'a lexe, “Ningi ngatulusi'a Vanavasi ilou Sauli no anu xaixai vile esosovosi'a no anu.”

Epesusi 3:3

Mi ne Mosinge mulalaxinu oponu tatei lexe u'oxonu. Mulalaxinu ia mutalumeusi. Ia vaimomo 'o anu molu mupala'anixu noxilo a loxo ea'aloxu sevile mukalu 'oe.