Ta'aposeli 22:10 - Ata New Testament

¹⁰ La eni evikala lexe, 'Tatila, laso eni anava?' La Tatananenge muvikalaleli lexe, 'Nini natulu mo na'unalai no tuala ne Tamasikusi. Naxolu ne la itema vile uvikalaneni so lexe xaixai ma'ia esosovosine no anu.'

Ta'aposeli 22:10 Referans Kwoze

Ta'aposeli 16:30

Mukalu la muno'a ilou milai noale la mutali'isi'a lexe, “Tatiatilao, vote'i so axalisou pamauli axova?”

Ta'aposeli 2:37

Ioxe, tamitema milomusou vaikala ane Pita mulemolu la mixamulinu lexe muto'omolu opone'i. La ane'i mitali'isou oli'a tamenexu ta'aposeli aloxo 'o, “Tavivixe, laso nexi tanavaio?”

Ta'aposeli 10:33

Laso maixene epalusi'a se'i milai mi'avaline. La laixe so nene'e noxilo xo vaimomo 'o nenge tapita no iou Mosinge mo nexi talalaxi so talomusou vaikala mukalusi ane Tatananenge mupalusine so nalo­sixe.”

Ta'aposeli 9:6

Nini natulu ka na'unalai no tuala Tamasikusi 'o. Mo naxolu xe ili'i la itema vile ulemolu mi ma'ia so na'oxonu.”

Ta'aposeli 22:11

La anu iaxu ne mutalosou ieli mu'oki e mu'oki manina mole amomomo so asaxisaxi uasi. Laso ane'i ane noxi'a telai la mitetelisilo mo mitila'ilosi so te'unalai ne Tamasikusi.