Ta'aposeli 21:40 - Ata New Testament

⁴⁰ Laso tatila noxi'a ta'ami mu'oxo lexe, “Ioxe.” La Polu mutulu no valovalo mo mutolosou avolu lexe tamitema ixolu tasiau. Ane'i mixolu tasiau mukalu la Polu muvikalane'i no anu vaikala Ipilu.

Ta'aposeli 21:40 Referans Kwoze

Ta'aposeli 12:17

La Pita mulosi no avolu lexe ixolu tasiau. Mukalu la mua'alo no anu mi ane Tatananenge mu'oxonu noxou so mulanu no tasou lakalavusu. La anu muvikalane'i lexe, “Nga'aloi'a Tiemisi oli'a tavivinge so mimi 'o.” Muvikalane'i xe mukalu la anu mulutu mulai no apu vile.

Ta'aposeli 26:14

Nexi telapau teai no lia. Sila eni elomusou xolinu vile muvikala no anu vaikala Ipilu. La mutali'isilo aloxo 'o, 'Saulio, Sauli, loxova so nalosilo tu'umaxu 'o? Ilixo ne nini na'oxonu no anu la'ia noxine, nini mene natavulenu navunavusou. Anu loxo nakikinu mi vile anaxu. Nakikinu nakikinu ia anu uto'omene mo navuxenesi.'

Ta'aposeli 22:2

Ane'i milomusou Polu muvikala no anu Ipilu la mitomunu anaxa'asi. Xe Polu muvikala aloxo 'ola,

Tioni 5:2

Ioxe, ne Ielusalemo la anu kupa vile uxolu alai no aitenga vile no anu vimelusou taoni. Aitenga ne ilemolu lexe tasipisipi aitengasi'a. Xe loxo kupa ne la ilemolu no anu vaikala Ipilu lexe Veteseta. Mo loxo no pa'umolu kupa la lavalata ta'uve a mutulu ne.

Ta'aposeli 21:35

Milaixu xe mixali no anu valovalo so tani ne, ia ta'ami mimalei lexe tamitema opone'i ututulu lexe ivau Polusio. Sila ane'i ta'ami mivo'onu teitexi so tamitema avo'a imomomo so ixalisou uasi.

Ta'aposeli 19:33

Itema vile ualasou lexe Alekisana muxolu. Taiuta mikalanu so mutulu no ie'i tamitema ne. Anu mutolosou avolu so lexe ukolinu vaikalai'a ane mito'omolu no anu.

Mupala'a 16:16

Ioxe, ta'angelo tamasua mipi­tane'i takingi mine'ene'e no anu xale lia ilemolu no anu vaikala Ipilu lexe Alimaxetoni.

Mupala'a 9:11

La ane'i kingii'a so u'uli laxune'i ne anu angelo e tatananu taxa e mulu'elai avile. No anu vaikala Ipilu la imoxo'u lexe Avatoni. Xe loxo nenge la talemolu lexe Mosou Mamulo.

Ta'aposeli 13:16

Ioxe, Polu mutulu la mutolosou avolu so lexe uvikala. La anu muvikala aloxo 'o, “Ngingi Ta'isi­laeli xe ngingi se'io, ngingi ane ngamama'u noxou Mosinge, ngalo­mu laixe.

Ta'aposeli 6:1

Ioxe, no voxovoxo ne tamitema mi'una'una noxi'a talopala mo navasi'a mutoxoxa'a. La ane'i se'i noxi'a vaikalai'a Kiliki mimunu­munuxa'a ane'i ane vaikalai'a Ipilu. Mimunumunuxa'a mo mivikala aloxo 'o, “Ai, tasema noxinge ane tamului'a misoisoli ne ngingi ngalavusou ngavelunuxa'a voxo­voxo utotomu to'. Ia ane'i noxixe 'o, ngingi ngavelunuxa'a malaxo uasi.”

Tioni 19:20

Kaukavu anene mimulaxu no anu vaikala Ipilu xe Lomu xe Kiliki. La ane'i Taiuta tavu'alo mine'e mi'iti'itisou vaikala anene xo apu e mililixu Iesua no anu muxolu alai no taoni sesi.

Tioni 19:17

Ioxe, mukalu la mino'u Iesua milaixu mo anu molu a muta­tavulenu ovu valautu so ulili no anu. Milai xo la mixalixu no anu apu vile e ilemolu lexe Kisou Xinu. Anene ilemolu no anu vaikala Ipilu lexe Xoloxota.

Tioni 19:13

Ioxe, Pailati mulomusou vaikalai'a ne laso mulanu Iesua noale ka mutalupexa no anu sia noxi'a tatiasi no anu ngiou e milemolu lexe Poloa Lavo'o. No anu vaikala Ipilu la ilemolu lexe Xavata.

Luku 23:38

La ane'i mikaukavu no anu mi vile mo miteinoxu no ovu valautu teitexi no kisou. Kaukavu ne aloxo 'o, “Ano'o kingi noxi'a Taiuta.”

Ta'aposeli 1:19

A'alosou muiaveiave noxi'a tamitema ne Ielusalemo, la ane'i milemolu tanixu ne lexe Akelitama. No anu vaikalai'a la anu laxu lexe apu so sialu.