Ta'aposeli 21:3 - Ata New Testament

³ Tetelo no anu lasipi ne xe teiave teiave. Teiave xo la tesu'anu iexi loxo 'o la ailani Saipilasi muxolu no avoxe kaisi. Teiave xo xe tepolopepenu la telai avile tesua no tuala ne Taili no anu Silia polovinisi. Lasipi mulai ne xo mulu'enu lakako se'i.

Ta'aposeli 21:3 Referans Kwoze

Ta'aposeli 27:4

Texolu xe ili'i telutula la telai noale no luaki. Ia sivo molu loxo no laxunexi mune'e xe mutanuxu lasipi xo mutavulenu laseli. Laso tepolo no tumalou ailani Saipilasi so tatalume no sivo.

Ta'aposeli 21:16

La ane'i talopala se'i so tuala ne Sisalia misaxanexi. Misaxanexi xo la milaixixe no tani noxou Nasoni so taxolu ne. Anu so Saipilasi mo anu lopala vile tei manina.

Ta'aposeli 12:20

Kingi Eloti ne oli'a tatemanu tuala ne Taili xe Saitoni mipelesou anaxa'a mo tu'umaxu muxolu no taine'i. Laso ane'i tatiatila so tuala tamei ne mipita so ilai ivikala noxou Eloti. Ane'i mimasaxau lexe tu'umaxu ne ukalu xo ane'i milavusou ino'u xa'a la'ilali no xale lia noxou Eloti. Ane'i mivikala tei noxou Valasitusi so uvalaxu vaikalai'a. Valasitusi ne anu itema tila no anu tasou kingi xo anu musaxila'u ngiou so ai'ai noxou. Mivikala noxou Valasitusi mukalu laso mikalanu vaikala mulai noxou Eloti lexe ipita so isolixu tu'umaxu anene.

Ta'aposeli 4:36

Ioxe, vile noxi'a ualasou lexe Iosepu. Ta'aposeli mivotongalelenu lexe Vanavasi, xo laxu lexe, “itema so su'uli”. Iosepu ne anu so laili Livai ia molu no ailani ilemolu lexe Saipilasi.

Matiu 4:24

Ioxe, a'alosou muxixaousou xale lia ne Silia mukalusi. Laso mine'ene'i tamene­xi'a ta'ei pipiena iouiou mukasi'a xe mitavulenu tu'umaxu xe ta'angelo tamasua mikasi'a xe ane'i ane i'olo'olo sika ilapau xe ane'i ane xixine'i musoisoli. Mine'ene'i noxou Iesua laso mupamauline'i.

Ta'aposeli 18:18

Ioxe, Polu muxolu ne Kolini voxo se'i. Xe mune'e la anu mupilixine'i tavivinge no anu lopala xe mulutu mulai no tuala ne Senikilia. Muxali ne la anu mu'oxonu vavalima noxou Mosinge la muluinu kisou so usosovosou vavalima ne. Mukalu la oli'a Pilisila xe Akuila mitelo no lasipi so ilai ne Silia.

Ta'aposeli 15:41

Mi'italone'i mu­kalu laso ane'i ilou milutu milai no xale lia ne Silia xe ne Silisia. Milai xe mixali no anu pitapita no tuala aneva la mixolu mo Polu mu'oxonu pakia'a no anu vaika­laou Mosinge.

Ta'aposeli 15:39

Laso ilou mipelesou anaxa'asou mi ne sila mikalipala. Vanavasi ilou Maki mitelo no anu lasipi la milai no ailani Saipilasi.

Ta'aposeli 15:23

Ilou milai la mino'u lapasi vile ane ne muvikala aloxo 'o, “Nexi ta'apo­seli xe tamitema so saxila'u, nexi ane tavivinge 'o. Nexi takau­kavunu lapasi ano'o ulai noxinge talopala so noale'ale no tuala ne Anitioki xe ne Silia xe ne Silisia. Aso noxinge.

Ta'aposeli 13:4

Ioxe, ilou milutu la Ulenu Laixe mupamuxane'i so ilou milai no tuala ne Selusia. Mixali ne Selusia la mitelo no lasipi so ilou milai no ailani vile no luaki ne Saipilasi.

Ta'aposeli 11:19

Ioxe, mala'o no voxo loxo mivau Sitiveni musoli la talopala mixalisou tu'umaxu kaio mipa­xelele milai no xale tuatuala. Se'i milai nopaxapaxa mo mixali avile ne Vonisia xe ne Saipilasi xe ne Anitioki. Ane'i milailai la mivo­tone'i Taiutasi.

Luku 10:13

La Iesua musolonu aloxo 'ola, “Auo, anu uxali masua manina noxinge ne Kolasini, mo uxali masua manina noxinge ne Vetisaita to. Xo loxo sosovo so xavi muxali no taoni ne Taili mo Saitoni a loxo muxali no taingengi ne la ane'i masi mixiunu mo mi'isalilinoxu opone'i tateimo. Xe axone la masi a isakinu lavalava so tama mo ipeipenu lomulu no kisi'a.

Luku 2:2

Anene alaxu tei so mi'oxonu senisisi no voxo loxo Kuiniliusi muxolu tatila no anu xamani no anu polovinisi ne Silia.

Matiu 11:21

La muvikala lexe, “Auo, anu uxali masua manina noxinge ne Kolasini, mo uxali masua manina noxinge ne Vetisaita to. Xo loxo sosovo so xavi muxali no taoni ne Taili mo Saitoni a loxo muxali no taingengi ne la ane'i masi mixiunu mo mi'isalilinoxu opone'i tateimo. Xe axone la masi a isakinu lavalava so tama mo ipeipenu lomulo no kisi'a so imaxa'u mama'u so susu noxi'a.

Ta'aposeli 21:2

Lasipi musua ne Patala la lasipi vile a so ulai no xale lia ne Vonisia, sila nexi tetelo no anu.

Ta'aposeli 21:7

Nexi telutu ne Taili xo la texali ne Tolemesi. Texali la tevikala aso noxi'a talopala mo noxi'a texolu olovoxo nesi.