Ta'aposeli 21:19 - Ata New Testament

¹⁹ Tepita mukalu la Polu muvikala kakau laixe noxi'a. Mukalu la anu mua'alo no anu mimi ane Mosinge muxalixu no avolu no taine'i tamitema noale'ale.

Ta'aposeli 21:19 Referans Kwoze

Ta'aposeli 14:27

Ilou mixali mukalu la mipitane'i talopala so mia'aloi'a no anu muamua'i noxi'a. La mipala'anixu noxi'a lexe, “Ai, Mosinge mu'oxonu vote'isi'a tamitema noale'ale so ilopala kalumo.”

Ta'aposeli 1:17

Xo tei la Iutasi ne anu vile noxixe mo mu'oxonu xaixai noxixe nexi ta'aposeliou Iesua 'o.

1 Kolini 15:10

Ia vaimomo 'o xoluxoluxo aloxo 'o xo no anu iaiama noxou Mosingesi. Muiaiama noxilo la ulapau vitanisi uasi. Muxalixu nene'axu xo no anu xaixai noxilo la aua'ulixa'a ta'aposeli mukalusi. Ia eni melo uasi, iaiama noxou Mosinge a uxoxolu noxilo so ulosilo xavi no anu xaixai anene.

Ta'aposeli 20:24

Ia eni opoleli lexe maulixo anu utiatila uasi, xo loxo tamitema ivelo la anu mi vitanisi. Eni a'oxonu latilovo aloxo 'o. Eni loxo alesisi, mo opoleli ututulu lexe axali avile no anu lamakisi. Lesisi ne, anu latilovosou xaixai noxou Mosinge. Mo eni opoleli ututulu lexe asivitanoxu xaixai ane Tatana­nenge mupilixinu noxilo e so alanu vaikala laixe so iaiama noxou Mosinge.

Kolosi 1:29

Laso maixene asoa mo sasaieliou xaixai ne, xe xavisou ano'u noxou Kalaisitisi xo anenesi uauavutunixilo 'o.

2 Kolini 12:12

Eni exolu no taingengi la e'oxonu mimi tavu'alo so umaxa'u lexe eni aposeli manina. Exolu se'isisi ne so e'oxonu sosovo so xavi mo xaixai iouiou ane so tangengilili no anu.

2 Kolini 6:1

La nexi noxou Mosinge tava'isuxu xaixai noxou. Laso nexi tavikala pakia'u noxinge lexe iaiama noxou Mosinge la ngatololonu mamu.

Ta'aposeli 15:12

Pita mupilixinu vaikala axone mukalu la ane'i latala mixolu tasiausi. Mo mixolu milomusi'a Vanavasi ilou Polu so mia'aloi'a no anu sosovo so xavi iouiou Mosinge mu'oxonu no avo'a no taine'i tamitema noale'ale.

Ta'aposeli 15:4

Poluena milai milai xo xe mixali ne Ielusalemo la tatemanu pita xe ta'aposeli xe tamitema so saxila'u mi'osasi'a. La Poluena mia'aloi'a no anu mimi ane Mosinge muxalixu no avo'a.

Matiu 23:7

Ane'i imasaxau so loxo ixixao no loxoloxomala la tamitema itaxane'i so ivikala aso noxi'a mo ileme'a no anu uala lexe 'Tisa'.