Ta'aposeli 21:13 - Ata New Testament

¹³ Ia anu muvikala lexe, “Loxova so ngatatama mo nga'oxonu opoleli tu'umaxu aloxo 'o? Anu mi vile uasi loxo ane'i isakileli. Mo loxo asoli ne Ielusalemo xe soli noxilo u'itinu ualasou Iesua la anu mi vile uasi. Axone la eni a'osasi, opoleli mulalaxisi.”

Ta'aposeli 21:13 Referans Kwoze

Ta'aposeli 20:24

Ia eni opoleli lexe maulixo anu utiatila uasi, xo loxo tamitema ivelo la anu mi vitanisi. Eni a'oxonu latilovo aloxo 'o. Eni loxo alesisi, mo opoleli ututulu lexe axali avile no anu lamakisi. Lesisi ne, anu latilovosou xaixai noxou Mosinge. Mo eni opoleli ututulu lexe asivitanoxu xaixai ane Tatana­nenge mupilixinu noxilo e so alanu vaikala laixe so iaiama noxou Mosinge.

Pilipai 2:17

Laso loxo tava'u maulixo 'o so unixi ula la anu loxo usiali upita ilou mi e ngepilixinu no anu lopala noxinge lexe noxou Mosinge. Eni a'osa so uxali axone mo amasaxau lexe ngingi kalumo ngaxamulinu osa noxilo 'o.

2 Timoti 4:6

Ioxe, voxo mune'e alai mukalu so sialuxo unixi ula aloxo uaini e inixi'u so lexe noxou Mosinge. Voxo so alutu a so uxali 'oe.

Mupala'a 12:11

Mukusukusu'a tavivinge axone ia loxo manina la ane'i miua'ulixu lumamo no anu xavinu sialuxu Sipisipi Ilie. Xe miua'ulixu kalumo no anu vaikala laixe milanu. Milanu laso maulixa'a ne ixavu­talanu uasi, mi'italone'i umomomo no anu solisi.

Kolosi 1:24

Ioxe, vaimomo loxo atavulenu navunavu so asu'ulingengi la a'osasousi. Xo Kalaisiti a utata­vulenu navunavu so vasimolu e pita noxousio. Laso eni a'una ava'isu no anu xo opoleli ututulu lexe usivita avile.

2 Pita 1:14

Xo eni elavu lexe maxuveni uasi la axexesou vasimelo so lialia 'o. A Tatananenge Iesua Kalaisiti molu mupela'ilo axone.

Ta'aposeli 20:37

Mivikala noxou Mosinge mukalu, la ane'i misavunoxu xe mimaxa'u sexela noxou mo ane'i mitatamasi.

Ta'aposeli 5:41

Ane'i mila la mivikalane'i ngato'o lexe, “Ai, aloxo 'o laixe xo Mosinge muilonenge so tatavulenu tu'umaxu mo maila no anu ualasou Iesua.”

Mupala'a 3:10

Ia loxo ngingi la vaikalaxeli muxolu no alaiengi laso tu'utu'u­maxu muxalisinge ia pakia'ingesi. Laso eni a'oxonu latolosinge no anu voxo so tovotovo ane so uxali. Eni apilixinu tu'umaxu no lialia muka­lusi so atovone'i tatemanu, ia ngingi la uxalisinge uasi.

2 Timoti 1:4

Mo axavutalanu mala'o loxo ieni lexaxu mulapau, la opoleli utatama so amaisine ne. Xo axone la axamulinu osa'ila tatila ane.

1 Kolini 15:31

Tavi­vilo, xoluxolungenge ne noxou Kalaisiti Iesua anu Tatananenge anu nene'a­xu xaixai noxilo. Mi ne a'osasou mo alemolu lamana mo so ngingi ngalomuxu pelototo noxilo 'o. Eni la loxo soli so xaixai noxilo 'o a utotomu uxolu no ielisi.

Ta'aposeli 9:16

La eni alosoiou lexe ua'aloxo axone mo utavulenu tu'umaxu xe navuna­vusou.”

Pilipai 2:26

Apalu­sou ulivu xo anu oponu utama lexe umaisingela. Anu muuali xo mulavu lexe ngingi ngelomusou a'alo so siki noxou.