Ta'aposeli 21:11 - Ata New Testament

¹¹ Muxali noxixe la muno'u laletiou Polu xe molu musakinu tava'u ilou avolu mo muvikala aloxo 'o, “Ngamalei 'o. Ulenu Laixe upala'anixu lexe Taiuta so Ielusalemo isakinu mosou laleti 'o aloxo 'osi. Ane'i isakinu ka ipilixinu noxi'a tami­tema noale'ale.”

Ta'aposeli 21:11 Referans Kwoze

Ta'aposeli 21:33

Ioxe, mixali mukalu la tatila ne muvikalane'i ta'amiou lexe iteteli­sou Polu mo isakinu no anu seni tamei. Mukalu la mutali'i lexe, “Itema ano'o ena'ei? Anu mu'oxonu mi ma'ia?”

Ta'aposeli 20:23

Mi ano'osi mulamana noxilo. Elailai no tuala ne'ei, la Ulenu Laixe upela'ilo lexe lakalavusu mo tu'utu'umaxu a uloxosi so axalisou ili'i.

1 Pita 1:12

Ia Mosinge mupela'a lexe vaikala milemolu ne anu so si'a uasi. Pamauli e milemolu ne anu so uxali noxinge a vaimomo 'o. Laso maixene Mosinge mupa­lusou Ulenu Laixe molu no tualasou mulu'e, xe no anu xavi noxousi la tamitemaou mine'e milanu vaikala laixe noxinge. La ane'i ta'angelo talaixe kalumo imasaxau manina so ilamana no anu mimi ane Mosinge mu'oxonu noxinge ne.

Ipilu 10:34

Xe loxo mikalavusune'i se'i noxinge la tangengixa'a mo nge'oxone'i laixe. Xe loxo taxilili mi'umenu mimi noxinge la nga'apisou uasi. Nge'osa so ngepi­lixinusi xo ngelavu lexe mimi­menge lailaixe ane kaluxusou uasi a mulalaxisinge.

Ipilu 3:7

Laso loxo Ulenu Laixe mule­molu aloxo 'o, “Vaimomo 'o ngalo­muxu vaikalaxeli.

2 Timoti 2:9

Alalanu la anenesi tava'u so tamitema ilosilo tu'utu'umaxu. Ilosilo tu'u­tu'uma­xusou mole mikalavusuleli aloxo eni alasikelisi. Ia mi vile uasi, xo imomomo so ikalavusunu vaika­laou Mosinge uasisi.

Epesusi 6:20

Xo Mosinge musosovosilo no anu xaixai so alanu vaikalaou. Elanu, laso tamitema misakileli no anu seni mo axolu akalavusu 'o. Ia mamu so a'ume, laso ngalingau mamatolasilo so alanu aloxo Mosinge umasaxau.

Epesusi 4:1

Ioxe loxo elemolu, eni Polu a. Eni e'oxonu xaixai noxou Tatananenge laso maixene ekalavususou 'o. Xaixai noxilo so elanu vaikala ane Mosinge molu mu'avalinge no anu. Ngelomuxu ava ne laso atama pakia'u noxinge lexe xoluxolu noxinge ulovou ava anene.

Epesusi 3:1

Ioxe, mo eni 'o exixao no tuatuala so e'oxonu xaixai noxou Kalaisiti Iesua so evotongengi ngingi tamitema noale'ale. Evotongengi axone xe Taiuta la'iaxa'ailo laso maixene akalavususou 'o.

Ta'aposeli 28:25

Ane'i opone'i mukalipala axone la mikusukusu'a no anu vaikala ngato'o. Xe ane'i so ilala la vaikalaou Polu kaluxusou aloxo 'o, “Ai, Ulenu Laixe muvikala manina noxi'a ta'ilusu­nenge no anu anaxu polopeti Aisaia aloxo 'o,

Ta'aposeli 28:20

Eni a'avalinge so tapita 'o xo tava'u aloxo 'o. Eni emasaxau avikala lamana lexe misakileli no anu seni ano'o xo ma'ia. Misakileli xo eni opoleli ututulu no anu mi e nenge Ta'isilaeli taxomaiou.”

Ta'aposeli 28:17

Ioxe, texali ne Lomu la Polu muxolu voxo tatalu. Mukalu la mu'avali'a tatiatila noxi'a Taiuta mipita. Mipita mukalu la muvi­kalane'i lexe, “Tavivilo, eni a'oxonu mi vile so axililie'i laili noxinge uasi mo axola'u lavuloto vile noxi'a ta'ilusunenge uasi. Ia ane'i Taiuta ne Ielusalemo mitete­lisilo xe mipilixileli no avo'a Talomu.

Ta'aposeli 26:29

La Polu muvikalanu lexe, “Loxo vaikala ataxu o veveni ne, anu mi vitanisi. Eni linga noxilo noxou Mosinge lexe ngingi latala ane ngalomusou vaikalaxeli 'o ngaxali loxo eni 'o. Ngaxali lamana loxo eni la laixe, ia seni isakileli no anu 'osi. Anenesi laixe so uxali noxinge uasi.”

Ta'aposeli 24:27

Muxoxolu muxo­xolu xo mo tau ie tamei mulai mukalu. Peliki ne anu mumasaxau uxilisi noxi'a Taiuta so i'osasou laso anu upilixinu Polu ula no lakalavusu uasi. Xe mune'e la itema vilela muno'u tanixu Peliki so mutulu tila no anu xamani, ualasou lexe Posiusi Vesitusi.

Ta'aposeli 22:25

Laso ane'i ta'ami misakinu tava'u ilou avolu mo milalaxi so ipuapuasou. Milalaxi axone ia Polu iou mukaou tila vile noxi'a ta'ami a mututulu la mutali'isou lexe, “Loxova? Loxo tiasi utongonu itema vile Lomu no anu lakoti uao, la anu laixe so ngapuasou vitanisi. Anu lo uvikala axone, ne?”

Ta'aposeli 16:6

Poluena milutu mimuamua'i mixixao no xale lia ne Pilixia xe Xalesia. Xo ane'i la imasaxau ilai ne Esia polovinisi so ivotovoto, ia Ulenu Laixe mu'apixa'a.

Ta'aposeli 13:2

No voxo vile la tamitema no anu pita ne mixolu so ivikala noxou Mosinge. Opone'i mutulu no anu anene la mixolu maxuveni mo i'ani uasi. Ane'i a ivikala noxou Mosinge sila Ulenu Laixe upala'anixu noxi'a lexe, “Ningi ngatulusi'a Vanavasi ilou Sauli no anu xaixai vile esosovosi'a no anu.”

Ta'aposeli 9:16

La eni alosoiou lexe ua'aloxo axone mo utavulenu tu'umaxu xe navuna­vusou.”

Tioni 18:1

Ioxe, Iesua mulemolu vaikala anene noxou Mosinge mukalu la oli'a tatisaipeliou milutu xo la mikisa'isou lexa se ne Kitiloni. Mikisa'isou la oli'a tatisaipeli mi'unalai no xai vile e muxolu xalevile ne.

Ta'aposeli 8:29

La Pilipi mumaleisou sila Ulenu Laixe muvikalanu lexe ulai mo umuamua'i alai noxou itema tila ne.

Ta'aposeli 21:4

Texali ne xe telu'e la texalisi'a talopala so tuala ne la noxi'a texolu voxo 7. Noxi'a texolu la Ulenu Laixe mupamuxane'i so mivikala lamana noxou Polu lexe masi la ulai ne Ielusalemo uasi.

1 Timoti 4:1

Ioxe, Ulenu Laixe muvikala lamana lexe no anu voxovoxo unene'e la se'i ixiunu tumali'aou vaikala manina e talopalanu. Xo ane'i ilomuxu mo imulinu vaikala so kalavoi noxi'a ta'angelo tama­sua.