Ta'aposeli 20:7 - Ata New Testament

⁷ Texolu xo xe no anu voxo tei la tepita noxi'a talopala so tavelunu pileti. La Polu muvotovoto noxi'a tamitema xo voxo loxo ne'iela la anu so ulai. Muvotovoto muvoto­voto xo la muxali no olovoxo lixinu.

Ta'aposeli 20:7 Referans Kwoze

1 Kolini 16:2

Aloxo 'o. No anu voxo tei utotomu la ngingi vilevilesi ngaxexenu lamoli sevile no anu ane ngaxalisou. Loxo ngaxalisou tatila la ngaxexenu tatila, xe loxo kitua se la ngaxexenu sevilesi. Ngaxexenu la ngamulaxu va'axu mo so loxo eni ane'e la nga'au'au no anula uasi, xo ngepitanu mukalu.

Ta'aposeli 2:42

Ioxe, mixolu la opone'i mutu­tulu so ilomusou votovoto noxi'a ta'apo­seli xe so isu'uline'i ngato'o xe so ipita ivelunuxa'a pileti xe so ivikala noxou Mosinge.

Tioni 20:19

Ioxe, no voxo tei no anu viki nesio la tatisaipeli mixolu mipita no olovoxo. Mipita la mitatusou aitengaxu tani ne pakia'u xo mi'ume'a tatiatila noxi'a Taiuta. Mixolu sila Iesua mupa mutulu no taine'i ka muvikalane'i lexe, “Opongengi uai se'isisi.”

Tioni 20:1

Ioxe, no voxo tei no anu viki la Malia so Makatala mixali no lulu no mi ne maxasesela manina. Xe mimalei loxo 'o sila mimaisou lavo'o so lulu anaxu lexe muai muxexe.

Mupala'a 1:10

Ioxe, exoxolu xo xe voxo so ta'itinu Tatananenge ualasou la Ulenu Laixe mupamu­pamuxaleli sila elomusou xoli tatila loxo piuka no talilo.

Ta'aposeli 20:11

Mumauli mukalu la oli'a Polu milivu teitexi la anu Polu muno'u pileti ka mu'ou. Mu'ou mukalu la anu muvotovotola. Muvotovotola xo la lamana mupau laso Polu muxexesi'a.

Ta'aposeli 28:23

Mivi­kala axone mukalu la misosovosou voxo vile so tamitema latala ipita noxou Polu no tani ne. Mune'e xe mipita axone la musoko'u no kakau mulai muxali no olovoxo la mutovonu so upela'axu voxo so Mosinge molu u'uli laxune'i tami­temaou. Mo mutovonu so upalasi­noxu laxu vaikalai'a tapolopeti xe lavuku so lo e Mosisi mukauka­vunu lexe anu uvikalasou Iesua u'isalili.

Ta'aposeli 20:9

Tani ne, sitolisou tatalu, vile no lia xe vile nonixi xe ane tatalusou la nexi texolu ane. Polu muvo­tovoto la maulu vile ualasou lexe Iutikusi anu a mutalupexa no anu uinitoa vile. Anu muvotovoto muvotovoto la maulu ne iou muvuvu si mole muai. Muai la muai avile sila mulapau avile mulai no lia. Mulapau xe tamitema milu'elai mi'itinu ia musoli mukalu.

Luku 24:35

Xe ane'i ilou la misisimulinu mimi mukalusi e muxali noxi'a no vote'i. Mo mivikala lexe mune'e xo mo muse'inu pileti laso ane, ilou mitongonu lexe anusi.

1 Kolini 15:10

Ia vaimomo 'o xoluxoluxo aloxo 'o xo no anu iaiama noxou Mosingesi. Muiaiama noxilo la ulapau vitanisi uasi. Muxalixu nene'axu xo no anu xaixai noxilo la aua'ulixa'a ta'aposeli mukalusi. Ia eni melo uasi, iaiama noxou Mosinge a uxoxolu noxilo so ulosilo xavi no anu xaixai anene.

1 Kolini 10:16

Loxo nenge tasoso­vosou Kalaisiti sialuxu no anu lexa la tavikalasou laixe noxou Mosinge tei. Ukalu xe taiexu la nenge oponenge vilesisi mo nenge vilesisi no anu sialuxu Kalaisiti. Mo axone kalumo no anu pileti. Loxo tase'i­nenge mo ta'ou la anu upitanenge vilesisi xo nenge vilesisi no anu vasimolu Kalaisiti.

Ta'aposeli 20:31

Laso ngalaxa'i laixe, tangengi­vulusiou pelototo noxilo uasi. Xo exolu no taingengi tau ie tatalu mo kakau olovoxo atalo so avikala lamana noxinge vilevilesi uasi. La ieli lexaxu munixi so emolo lolomumengi.

Ta'aposeli 2:46

Mo no voxo utotomu ane'i mipita no mataunaxu tasou Mosinge. Xe ane'i mipita so i'ani no tatasi'a la opone'i laixe mo mi'osasi'a ngato'o.

Tioni 20:26

Xe voxo 7 mupolo mukalui la ane'i tatisaipeliou Iesua a mipitala, la Tomasi a oli'a mixolu. Mixolu la mitatusou aitengaxu tani ia Iesua mupa mutulu no taine'i ka muvi­kala lexe, “Opongengi uai se'isisi.”

Luku 22:19

Xe anu muno'u pileti ka muvikalasou laixe noxou Mosinge. Mukalu la muse'inu mo mulosi'a tatisaipeliou. La muvi­kala lexe, “Ano'o eni vasimelo. Eni a'italonu so ngaxalisou mauli no anu. Laso nga'oxonu aloxo 'o so xavutalemengi uno'ilo.”

2 Timoti 4:2

Xavineni so navotovo­tosou Mosinge vaikalaou. Mamu so nakalipalanu voxo se'i lexe taimusou u'isalili xe voxo se'i lexe taimusou uasi. Naxolu nalalaxi so nalanu no anu voxovoxo mukalusi. La nale­molu vaikala ane so uto'o­molu opone'i tamitema so susu noxi'a mo ane so uxiunu opone'i. Naxolu oponeni se'isisi manina noxi'a so napelototosi'a mo na'isali­linoxu Mosinge vaikalaou noxi'a.

Maki 16:9

Ioxe, Iesua mutulu mumauli no voxo tei no anu viki. La anu mupala'a tei noxi'e Malia so Makatala. Ane sema e Iesua mukusai'a ta'angelo tamasua 7 mixolu noxie.

Ta'aposeli 16:10

Polu musaxisou mi ne mukalu laso alaxu vilesisi nexi telalaxi so talai ne Masetonia. Xo nexi te'oxo lexe, “E uasi, Mosinge a u'avalinge so tavotovoto noxi'a.”

Ta'aposeli 20:5

Ane'i ane, tamitema ano'o mi'uli so mixo­maiexi ne Toloasi.