Ta'aposeli 20:6 - Ata New Testament

⁶ Xe nexi, la texolu ne Pilipai xo mo la'ilali So Pileti Ane Isitisou Uasi mukalui laso nexi tetelo no lasipi la telutu. Telutu ne Pilipai la teiave voxo ta'uve mukalu la texali noxi'a ne Toloasi. Texali la texolu voxo 7 ne.

Ta'aposeli 20:6 Referans Kwoze

Ta'aposeli 12:3

La Eloti mumalei lexe Taiuta mi'osasou mi anene laso anu mutetelisou Pita kalumo. Anu mutetelisou no anu voxosou lavilelu so Pileti Isitisou Uasi.

Ta'aposeli 16:12

Telutu ne Neapolisi la temuamua'i telai texali avile ne Pilipai. Pilipai ne anu taoni ane tila no xale lia ne. Ane'i Talomu tapiena mitalupexa ne. Texali la texolu ne voxo se'i.

2 Timoti 4:13

No voxo loxo nane'e la nano'u saketi veveni ane e'italonu no tasou Kalipusi ne Toloasi. Xe nataxusou lavulavuku mukalusi, ia lavula­vuku ane mi'oxonu no anu tami­soposi sosoie'i la taneniou u'isalili so nane'enu kalumo.

1 Tesalonaika 2:2

La ngelavu lexe texolu ne Pilipai mala'o mine taxali noxinge uao la ane'i milosixe tu'umaxu mo tetavulenu navunavusou. Tetavu­lenu navusou ia texali noxinge la Mosixe mu'oxo pakia'ixe mo ta'ume uasi. Xilili mu'oki ia pumunexe so telanu vaikala laixe noxou Mosinge.

Pilipai 1:1

Nexi Polu xe Timoti a. Nexi noxou tamitema so xaixai noxou Kalaisiti Iesua. Takaukavunu lapasi 'o so ulai noxinge tamitemaou Kalaisiti Iesua u'isalili e so taoni Pilipai oli'a tamitema so ivu'ulinu xe tamitema so su'uli no anu pita ne.

Ta'aposeli 28:14

Texali ne la tavivinge talopala se'i a mixoxolu. Laso ane'i mialixe mo noxi'a texolu viki vile loloni. Mukalu la telutu telai texali avile ne Lomu.

Ta'aposeli 21:8

Texolu xe no kakaula la nexi telutu teiave no lasipila. Telutu teiave xo la texali avile tesua no tuala ne Sisalia. Telu'e la telai no tani noxou Pilipi e itema so votovoto. Pilipi e anu vile noxi'a tamitema 7 so su'uli e misosovosi'a mala'o. Telai no tasou so noxi'a texolu.

Ta'aposeli 21:4

Texali ne xe telu'e la texalisi'a talopala so tuala ne la noxi'a texolu voxo 7. Noxi'a texolu la Ulenu Laixe mupamuxane'i so mivikala lamana noxou Polu lexe masi la ulai ne Ielusalemo uasi.

Ta'aposeli 16:8

Laso ane'i miua'u­lixu Misia xe milai avile ne Toloasi.

Ta'aposeli 16:10

Polu musaxisou mi ne mukalu laso alaxu vilesisi nexi telalaxi so talai ne Masetonia. Xo nexi te'oxo lexe, “E uasi, Mosinge a u'avalinge so tavotovoto noxi'a.”

Ta'aposeli 20:5

Ane'i ane, tamitema ano'o mi'uli so mixo­maiexi ne Toloasi.

Ta'aposeli 20:16

Polu mulalaxinu oponu lexe uua'ulixu tuala ne Epesusi xo anu umasaxau so upalea ulai uxali ne Ielusalemo. U'oxo lexe uvovoxo ne Esia polovinisi uasi xo loxo vote'i la umasaxau uxali ne Ielusalemo tei no anu voxo so Penikosi.