Ta'aposeli 20:23 - Ata New Testament

²³ Mi ano'osi mulamana noxilo. Elailai no tuala ne'ei, la Ulenu Laixe upela'ilo lexe lakalavusu mo tu'utu'umaxu a uloxosi so axalisou ili'i.

Ta'aposeli 20:23 Referans Kwoze

Ta'aposeli 9:16

La eni alosoiou lexe ua'aloxo axone mo utavulenu tu'umaxu xe navuna­vusou.”

1 Tesalonaika 3:3

Xo loxo 'o io tu'utumaxu ane ngatavulenu ne masi u'oxonu opongengi usasalo. Ia mamu, xo ngingi menge ngelavu mukalu lexe mi axone uxalisinge nenge'a la anu ulovo no anu masaxa noxou Mosingesi ane.

Ta'aposeli 21:4

Texali ne xe telu'e la texalisi'a talopala so tuala ne la noxi'a texolu voxo 7. Noxi'a texolu la Ulenu Laixe mupamuxane'i so mivikala lamana noxou Polu lexe masi la ulai ne Ielusalemo uasi.

Ta'aposeli 21:33

Ioxe, mixali mukalu la tatila ne muvikalane'i ta'amiou lexe iteteli­sou Polu mo isakinu no anu seni tamei. Mukalu la mutali'i lexe, “Itema ano'o ena'ei? Anu mu'oxonu mi ma'ia?”

Ta'aposeli 21:11

Muxali noxixe la muno'u laletiou Polu xe molu musakinu tava'u ilou avolu mo muvikala aloxo 'o, “Ngamalei 'o. Ulenu Laixe upala'anixu lexe Taiuta so Ielusalemo isakinu mosou laleti 'o aloxo 'osi. Ane'i isakinu ka ipilixinu noxi'a tami­tema noale'ale.”

Ta'aposeli 14:22

Ilou milivu no tuatuala ne so i'oxonu pakia'a talopala. Mipelototosi'a lexe, “Ngingi masi ngaxolu pakia'inge no anu lopalasi. Xo nenge'a ane so ta'una taxolu no voxo loxo Mosinge molu u'uli laxune'i tamitemaou, ia no vote'isou 'o la tatavulenu tu'umaxusou tavu'alo.”

2 Timoti 2:12

Mo loxo tatulu pakia'inge so tata­vulenu tu'utu'umaxusou, la nenge tapita noxou no anu kingi. Loxo taxiunu tumalinge noxou, la anu kalumo uxiunu tumalou noxinge.

Ta'aposeli 8:29

La Pilipi mumaleisou sila Ulenu Laixe muvikalanu lexe ulai mo umuamua'i alai noxou itema tila ne.

Tioni 16:33

Eni elemolu vaivai­kala ano'o mo so noxilo la ngaxalisou xoluxolu lalavulusi. Xo no anu xoluxolungenge so lialia 'o la ngaxalisou tu'utu'umaxu, ia laixe so opongengi uxolu pumuxusi, xo xavi so lialia a eua'ulixu 'oe.”

Luku 16:28

Xo eni tavivilo ta'uve a ixolu nesio. Laso anu ulai uvikalane'i lamana xo loxo 'o io ane'i kalumo ine'e no tuala so navunavu 'o.'

Ta'aposeli 18:5

Xe muxolu muxolu xo xe Sailasi ilou Timoti me'a ne Masetonia la mixali noxou. Ane'i mixali noxoui laso ane, anu muxolu no anu xaixai so votovoto voxovoxo utotomu. Muvotovoto xe mutovonu so upela'a Taiuta lexe Iesua anu ane so Kalaisiti ane.

Ta'aposeli 20:21

Uto­tomu eni epilixinu vaikala lamana noxi'a Taiuta xe noxi'a Takiliki lexe vote'i vilesisi ane so ta'isalilinoxu oponenge so susu noxinge mo talopala noxou Tatananenge Iesuasi.

Ta'aposeli 20:24

Ia eni opoleli lexe maulixo anu utiatila uasi, xo loxo tamitema ivelo la anu mi vitanisi. Eni a'oxonu latilovo aloxo 'o. Eni loxo alesisi, mo opoleli ututulu lexe axali avile no anu lamakisi. Lesisi ne, anu latilovosou xaixai noxou Mosinge. Mo eni opoleli ututulu lexe asivitanoxu xaixai ane Tatana­nenge mupilixinu noxilo e so alanu vaikala laixe so iaiama noxou Mosinge.

1 Timoti 4:1

Ioxe, Ulenu Laixe muvikala lamana lexe no anu voxovoxo unene'e la se'i ixiunu tumali'aou vaikala manina e talopalanu. Xo ane'i ilomuxu mo imulinu vaikala so kalavoi noxi'a ta'angelo tama­sua.