Ta'aposeli 20:21 - Ata New Testament

²¹ Uto­tomu eni epilixinu vaikala lamana noxi'a Taiuta xe noxi'a Takiliki lexe vote'i vilesisi ane so ta'isalilinoxu oponenge so susu noxinge mo talopala noxou Tatananenge Iesuasi.

Ta'aposeli 20:21 Referans Kwoze

Ta'aposeli 2:38

La Pita muvikalane'i lexe, “Ngingi mukalusi ngaxiunu mo nga'isalilinoxu opongengi no anu Mosinge vaikalaou. Ukalu laso nexi ta'oxonu ilixo so kelele noxinge no anu lexa. Takeleni­ngenge axone no anu ualasou Iesua Kalaisiti xo anu ukalusou tina'u­ngenge so susu xe u'oxonu iaiama so ulosinge Ulenu Laixe.

Ta'aposeli 11:18

Taiuta talopala ne milomusou vaikalaou Pita laso ane'i opone'i lelemesou mo ivikala mi vilela uasi. Ane'i mi'itinu Mosinge ualasou mo mivikala lexe, “Ai vaimomo 'o nenge talamana. Mosinge mu'oxonu vote'i so tamitema noale'ale kalumo loxo ixali lamana no anu susu noxi'a la ixalisou pamauli.”

Ta'aposeli 20:24

Ia eni opoleli lexe maulixo anu utiatila uasi, xo loxo tamitema ivelo la anu mi vitanisi. Eni a'oxonu latilovo aloxo 'o. Eni loxo alesisi, mo opoleli ututulu lexe axali avile no anu lamakisi. Lesisi ne, anu latilovosou xaixai noxou Mosinge. Mo eni opoleli ututulu lexe asivitanoxu xaixai ane Tatana­nenge mupilixinu noxilo e so alanu vaikala laixe so iaiama noxou Mosinge.

Luku 13:3

Uasi to, anene tava'u uasi. Ia avikalangengi lexe loxo ngingi ngaxiunu opongengi mo nga'isalilinoxu uasi, la ngingi ngamamulo axone kalumo.

2 Kolini 7:10

Xo tu'umaxu no oponu itema loxo u'avuti no anu masaxa noxou Mosingesi la anene uxalixu xiu ane. Xe ili'i la itema ne u'osasou tu'umaxu anene xo muxalixu pamauli noxousi. Ia loxo itema oponu tu'umaxuou mimi so lialia 'osi la anene uxalixu nene'axu uasi, uxalixu solisi.

Lomu 10:9

Vaikala aloxo 'o. Loxo itema vile uvikala lamana lexe Iesua anu Tatana­nenge mo ulopala no oponu lexe Mosinge mutulusou no anu soli, la itema ne uxalisou pamauli ane.

Ta'aposeli 26:18

Apalusine nalai noxi'a so nalemolu vaikalaxeli manina mo so ie'i uka mo ixiunu tumali'a no anu isivoxo xe ine'e no anu lamana. Laso axone la xavi noxou Uluaou ne ukamakulune'i uasi, ane'i ivula mo ixolu no anu xavi noxou Mosinge. Mo tina'u so susu noxi'a uiasi la ane'i ixali tamitemaxeli u'isalili. Ane'i oli'a tamitema mukalusi ane ilopala noxilo.'”

Luku 24:47

Xe no anu ualasou la ane'i tamitemaou ilanu vaikala noxi'a tamitema so xale tuatuala mukalusi. Ilanu vaikala lexe ane'i ixiunu mo i'isalilinoxu opone'i laso Mosinge uiasou tina'uxa'a so susu. Laso ane, xaixai anene ngasoko'u ne Ielusalemo 'o.

1 Tioni 5:5

Ani, ena'eisi ane so uua'ulixu xavi no anu lialia? A itema e ulopala manina lexe Iesua anu Mosinge Olusi.

Ta'aposeli 26:20

Laso tei la eni evotovoto noxi'a tamitema ne Tamasikusi. Xe mune'e la ene'e ne Ielusalemo xe no xale tuatuala ne Iutea. Mo esuku avile elai noxi'a tamitema noale'ale kalumo. Evoto­voto lexe ane'i ixiunu opone'i mo i'isalilinoxu noxou Mosinge. Xe loxo i'oxo axone la anu uxalixu nene'axu no anu xoluxolu noxi'a.

1 Tioni 5:1

Ioxe, tamitema ane ilopala lexe Iesua anu ane Mosinge musoso­vosou lexe Kalaisiti, la ane'i Mosinge ta'olu ane. Xe aloxo 'o, loxo evile usexelaxu itema vile la anu usexelaxa'a ta'olu kalumo.

Vilemoni 1:5

Xo elomusou a'alosine lexe nasexelaxa'a tamitemaou Mosinge mu'isalili mo nalopala noxou Tatananenge Iesuasi.

Epesusi 1:15

Ioxe, eni elomusou a'alosou lopala noxinge noxou Tatananenge Iesuasi. Mo elomu lexe ngingi tamitemaou Mosinge mu'isalili ngasexelangenge ngato'o.

Xalesia 2:20

Xo loxo mililixu Kalaisiti no ovu valautu so musoli la eni kalumo ane. Laso no anu xoluxoluxo alavua 'o la enisi uasi, Kalaisiti a upolonu maulixu noxilo 'o. Mo so no anu xolu­xoluxo so lialia 'o la eni alopala noxou Mosinge Olusi e muse­xelaxo ka mupilixinu maulixu so silo.

Lomu 5:1

Ioxe, nenge telopala mukalui la Mosinge mumoxo'inge lexe nenge tamalemalenga. Xo Tatananenge Iesua Kalaisiti molu mupitanenge so nenge'a Mosinge oponenge vilesisi.

Lomu 4:24

Vaikala anene so singe kalumo. Xo nenge telopala noxou Mosinge lexe anu mupa­maulinu Iesua anu Tatananenge no anu soli. Laso Mosinge ukalusou tina'unenge so susu mo umo­xo'inge lexe tamalemalenga no iou.

Lomu 1:16

Eni amama'u so alanu vaikala laixe ne uasi. Xo anene vote'i so xavi noxou Mosinge so upamau­line'i tamitema ane'i ane ilopalanu. Anene vote'i so Taiuta xe tamitema noale'ale kalumo ixalisou pamau­lisi.

Ta'aposeli 17:30

Xo tatei la tamitema ilamana axone uasi la Mosinge iou muvaxaousi. Ia vaimomo 'o anu uvikala pakia'u lexe tamitema ixiunu opone'i mo i'isalilinoxu noxou.

Maki 6:12

Iesua mupela'a tatisaipeliou axone mukalu la ane'i milai. Milai la milanu vaikala noxi'a tamitema lexe ane'i ixiunu opone'i so susu noxi'a.

Maki 1:15

La muvikala aloxo 'o, “Taimu mutiatila a muxali 'oe. Voxo so Mosinge molu u'uli laxune'i tamitemaou a mune'e ala'alai mukalu. Ngingi ngaxiunu opongengi mo nga'isalilinoxu no anu Mosinge oponu so susu noxinge. Mo opongengi ukasou vaikalaou laixe lexe maninasou.”

Matiu 4:17

Ioxe, no voxo anene la Iesua musoko'u so uvotovotone'i tami­tema la muvikala aloxo 'o, “Ngingi ngaxiunu mo nga'isalilinoxu opo­nge­ngi so susu noxinge xo voxo so Mosinge molu u'uli laxune'i tamitemaou no tualasou a mune'e alai mukalu 'oe.”

Xalesia 3:22

Ia uasi, xo vaikala no anu lavukuou Mosinge ukapikapine'i tamitema mukalusi so ilavu lexe ixoxolu no laxu sususi. Mosinge mu'italonu axone mo so ane'i ane ilopala noxou Iesua Kalaisitisi la ixalisou nene'axu vavalima noxou.

Xalesia 2:16

Ia loxo nenge telavu, vote'i so itema uxali ulapu no iou Mosinge a so umulimulinu lo uasi. Vote'isou a so ulopala noxou Kalaisiti Iesuasi. Laso ane, nexi kalumo telopala noxou Kalaisiti Iesua. Xo talavu lexe vote'i so nexi kalumo taxali talapu no iou Mosinge a so tamulimulinu lo uasi. Nexi vote'isixe kalumo a so talopala noxou Kalaisitisi. Xo umomomo uasisi manina so itema uxali ulapu no iou Mosinge no anu vote'i so lo.

1 Kolini 1:22

Xo manina. Taiuta imasaxau imaisou sosovo so xavisi xe Takiliki opone'i ututuluou lavulavu lailaixe so imolo.

Lomu 2:4

Xo vaimomo 'o Mosinge uiaiama noxinge mise­vile so ukolinu susu noxinge palea uao. Anu uxoxomaiengi so ngaxiu­nu opongengi mo nga'isalilinoxu noxou. Ngingi ngamaisou sexela noxou axone ia anu loxo ulapu­ngengi uasi. Masi nge'oxo lexe anene mi vitanisi, ne?

Lomu 1:14

Mosinge musosovosilo so alanu vaikalaou, laso mamu so a'apisou noxi'a tamitema se'i. Mamu so a'apisou noxi'a Takiliki o noxi'a ane'i Takiliki uasi. Xe noxi'a tamitema so lavulavu o tamitema so lavulavu uasi.

Ta'aposeli 28:23

Mivi­kala axone mukalu la misosovosou voxo vile so tamitema latala ipita noxou Polu no tani ne. Mune'e xe mipita axone la musoko'u no kakau mulai muxali no olovoxo la mutovonu so upela'axu voxo so Mosinge molu u'uli laxune'i tami­temaou. Mo mutovonu so upalasi­noxu laxu vaikalai'a tapolopeti xe lavuku so lo e Mosisi mukauka­vunu lexe anu uvikalasou Iesua u'isalili.

Ta'aposeli 16:31

La ane'i mikolinu lexe, “Nini nalopala noxou Tatananenge Iesuasi, laso Mosinge upamaulineni. Xe axone, la tatemanu tasine vote'isi'a kalumo.”

Ta'aposeli 10:43

Xe tapolopeti mukalusi ipela'ingexu lexe ta'ei ane ilopala noxou la Mosinge ukalusou tina'uxa'a so susu no anu ualasou nesi.”

Ta'aposeli 8:25

Ioxe, ta'aposeli tamei mivoto­voto mo mia'aloxu Tatananenge vaikalaou noxi'a tamitema mukalu, laso ilou milivu ne Ielusalemo. Milivu xe mipolo no anu tuala aneva noxi'a Tasamalia la ilou mivotone'i no anu vaikala laixe noxou Mosinge.

Ta'aposeli 3:19

Laso ngingi ngaxiu­nu opo­ngengi so susu noxinge mo nga'isa­lilinoxu no anu Mosinge vaikalaou. Laso Mosinge uiasou susu noxinge mo Tatananenge u'oxonu vasi­menge uxolu mana­mana'u.

Ta'aposeli 2:40

Pita muvikala axone mukalu la mupelototosi'a no anu vaivaikala se'ila. La muvikala pakia'u lexe, “Ngalaxa'i laixe. Xo uasi la ngingi ngoli'a laili noxinge so susu 'o ngamamulo.”

Tioni 20:31

Ia mimi ano'o mukaukavu muai aloxo 'o mo so ngingi ngalopala lexe Iesua anu ane so Kalaisiti e Mosinge Olusi. Xe loxo ngalopala la ngaxalisou mauli no anu ualasousi.

Tioni 3:36

Itema aneva ulopala noxou Olu la uxalisou mauli kaluxu uasi. Ia loxo itema ulomuxu Olu uasi la uxalisou mauli uasi mo uxolu no laxu la'ia noxou Mosingesi.

Luku 15:10

La Iesua muvikalane'i lexe, “Avikalangengi lexe osa'ila axone uxali no taine'i ta'angelou Mosinge no voxo loxo itema so ilixo masumasua soxu vilesisi uxiunu oponu mo u'isalilinoxu.”

Luku 15:7

La Iesua muvikala aloxo 'ola, “Avikalangengi lexe tami­tema 99 loxo milapusi mukalu la tava'u so ixiunu opone'i mo i'isalilinoxula uasi. Laso anu laixe, ia loxo itema so ilixo masumasua soxu vilesisi uxiunu oponu mo u'isalilinoxu la osa'ilasou no tualasou Mosinge uua'ulixu ane so si'a 99 olele.”

Luku 13:5

La uasisi, tava'u axone uasi. Ia avikalangengi lexe loxo ngingi ngaxiunu opongengi mo nga'isalilinoxu uasi, la ngingi ngamamulo axonesi.”

Matiu 3:2

La anu muvivikala lexe, “Ngaxiunu opon­gengi so susu noxinge mo nga'isa­lilinoxu no anu Mosinge oponu. Xo voxo so Mosinge molu u'uli laxune'i tamitemaou no tualasou a alaimanasi.”

Kolosi 2:5

Xo manina, eni exolu nopaxa noxinge aloxo 'o ia taleli a uxolu noxinge ne. Laso eni a'osa so amaisou xaixai noxinge ulovosi mo lopala noxinge pakia'u noxou Kalaisiti.

Ta'aposeli 24:24

Xe mune'e xe voxo vile la Peliki olie semau Talusila mixali. Talusila ne ane Iuta. Ilou mixali la mu'avalou Polu so une'e noxi'a. Polu muxali noxi'a la muvi­kalane'i no anu vote'i so lopala noxou Iesua.

Ta'aposeli 19:17

A'alo so mi ne muiaveiave la Taiuta oli'a Takiliki latala e mixolu ne Epesusi ne milomusou. Milomusou la ane'i mimama'u manina mo mitaxanu ualasou Tatananenge Iesua mo mi'itinusi.

Luku 16:28

Xo eni tavivilo ta'uve a ixolu nesio. Laso anu ulai uvikalane'i lamana xo loxo 'o io ane'i kalumo ine'e no tuala so navunavu 'o.'

Ta'aposeli 20:23

Mi ano'osi mulamana noxilo. Elailai no tuala ne'ei, la Ulenu Laixe upela'ilo lexe lakalavusu mo tu'utu'umaxu a uloxosi so axalisou ili'i.