Ta'aposeli 20:2 - Ata New Testament

² Anu mumuamua'i xe muxali no tuala aneva talopala mixolu no anu, la anu mulemolu vaikala tavu'alo so uvalaxu lopala noxi'a. Mulai axone xo la muxali ne xale lia noxi'a Takiliki.

Ta'aposeli 20:2 Referans Kwoze

1 Tesalonaika 4:1

Ioxe tavivixe, mo aloxo 'ola. Nexi tepela'ingexu vote'i so mua­mua'ingenge ane ulovou masaxa noxou Mosinge. Mo a ngamulinu ne. Ia nexi tatama so tapelototo­singe no anu ualasou Tatana­nenge Iesua lexe xavingengiou avile.

1 Tesalonaika 2:3

Xe loxo tepela'inge la takalavoingengi uasi o talai no anu ili'ilixo nuni'u uasi o ta'oxonu lolongenge uasi.

Kolosi 1:28

Laso nexi talanu vaikalasou Kalaisiti noxi'a tamitema vilevilesi mukalusi. Xe tapelototosi'a mo tavotone'i no anu vaikala mu'asi'asi loloni. Mo so loxo tatulusi'a no iou Mosinge la xoluxoluxa'a noxou Kalaisiti ulomotelesi.

1 Tesalonaika 2:11

Mo loxo ngelavu. Texolu no taingengi la tepelototosinge mo temamato­langengi mo tetatama noxinge a loxo itema u'oxo noxi'a ta'olu u'isalili.

Ta'aposeli 20:11

Mumauli mukalu la oli'a Polu milivu teitexi la anu Polu muno'u pileti ka mu'ou. Mu'ou mukalu la anu muvotovotola. Muvotovotola xo la lamana mupau laso Polu muxexesi'a.

Ta'aposeli 17:10

Xe mune'e xe no olovoxo, la tavivinge Mosinge ta'olu mipa­lusi'a Polu ilou Sailasi milai no tuala ne Velia. Ilou milutu xo xe no voxo loxo mixali la mi'unalai no tasou lavuloto noxi'a Taiuta.

Ta'aposeli 17:1

Ioxe, Poluena mixexesou tuala ne Pilipai la milai. Milai la mipolo no tuala ne Amivipolisi xe ne Apolonia. Milai milai xo la mixali avile ne Tesalonaika. No tuala ne Tesalonaika tasou lavuloto noxi'a Taiuta a muxolu ne.

Ta'aposeli 16:12

Telutu ne Neapolisi la temuamua'i telai texali avile ne Pilipai. Pilipai ne anu taoni ane tila no xale lia ne. Ane'i Talomu tapiena mitalupexa ne. Texali la texolu ne voxo se'i.

Ta'aposeli 15:41

Mi'italone'i mu­kalu laso ane'i ilou milutu milai no xale lia ne Silia xe ne Silisia. Milai xe mixali no anu pitapita no tuala aneva la mixolu mo Polu mu'oxonu pakia'a no anu vaika­laou Mosinge.

Ta'aposeli 14:22

Ilou milivu no tuatuala ne so i'oxonu pakia'a talopala. Mipelototosi'a lexe, “Ngingi masi ngaxolu pakia'inge no anu lopalasi. Xo nenge'a ane so ta'una taxolu no voxo loxo Mosinge molu u'uli laxune'i tamitemaou, ia no vote'isou 'o la tatavulenu tu'umaxusou tavu'alo.”

Ta'aposeli 2:40

Pita muvikala axone mukalu la mupelototosi'a no anu vaivaikala se'ila. La muvikala pakia'u lexe, “Ngalaxa'i laixe. Xo uasi la ngingi ngoli'a laili noxinge so susu 'o ngamamulo.”

Luku 3:18

La Tioni mupelo­totosi'a no anu vaivaikala tavu'alola so ulanu vaikala laixe noxi'a tamitema.

Ta'aposeli 20:1

Ioxe, tu'umaxu lelemesoui laso Polu mu'avali'a talopala so ipita. Mipita mukalu la anu mu'oxonu pakia'a no anu vaikala xo xe mukalu la anu mu'italone'i. Mu'ita­lone'i xe mulutu so ulai ne Masetonia polovinisi.

Ta'aposeli 20:3

Muxali ne Kiliki la muxolu so'io tatalu. Xe ili'i la anu so utelo no lasipi so ulai ne Silia ia anu mulomu sivo lexe Taiuta milalaxinu xavutalai'a so lexe ivau usoli. Sila anu muxiunu oponu mo mumuamua'i mulivu mulai ne Masetonia.

1 Kolini 4:19

Ia uasi, loxo Tatananenge umasaxau, la eni apalea so ane'e noxinge. Mo loxo ane'e la eni alomuxu vaikalai'a tamosou pai ne uasi. Eni ane'e so atilovosou xavi noxi'a lexe ipuninu anaxa'asi o vaikali'a temanu.