Ta'aposeli 20:19 - Ata New Testament

¹⁹ Ane'i Taiuta mitovotovoleli xo mipitanu opone'i so lexe imasualeli. Ia eni opoleli mututulu no anu xaixai noxou Tatananengesi. Ngingi ngelavu lexe eni elu'eleli mo ieli lexaxu munixisingesi.

Ta'aposeli 20:19 Referans Kwoze

Kolosi 3:24

Mo mi so tangengiou aloxo 'o. Ili'i la Tatananenge ulosinge lapemenge no voxo loxo uvelu­velunu mimi lailaixe e musoso­vosou lexe noxi'a tamitemaou. Xo ngingi ngaxolu tamitema so xaixai noxou Kalaisiti, xe anusi a Vosimengi manina.

2 Kolini 2:4

Ia mala'o ekaukavunu lapasi ne la no anu navunavu mo tamasi, mole ieli lexaxu munixi. Alemolu aloxo 'o so u'oxonu opongengi tu'umaxu uasi, alemolu so ngalavu manina no anu sexelasinge u'isalili e uxolu no opoleli 'o.

Lomu 12:11

Mo ngapauxe no anu xaixai noxou Tatananenge uasi. Ngapilixingengi noxou Ulenu Laixe so u'avutini­xinge so xavingengiou xaixai anene.

Ta'aposeli 20:3

Muxali ne Kiliki la muxolu so'io tatalu. Xe ili'i la anu so utelo no lasipi so ulai ne Silia ia anu mulomu sivo lexe Taiuta milalaxinu xavutalai'a so lexe ivau usoli. Sila anu muxiunu oponu mo mumuamua'i mulivu mulai ne Masetonia.

2 Kolini 7:5

Mo mala'o loxo texali ne Mase­tonia la xoluxolunexe manamana'u sevile uasi. Utotomu tu'utu'umaxu muxalixalilinexe. Xo noale la xililisi xe no oponexi la kalauasi.

Tiemisi 1:2

Ioxe tavivilo, no voxo loxo tu'utu'umaxu iouiou uxalisinge la ngasaxisou lexe anu mi so nga'osa­sousi.

Pilipai 3:18

Xo ane'i mose'i la ixililiou xaixai noxou Kalaisiti no ovu valautu no anu muamua'ixa'a. A elemolu noxinge alaxu tavu'alo mukalu mo atama so alemolu 'ola.

Epesusi 6:7

Mo xaixai ma'ia so na'oxonu la oponeni u'osasousi. Xo na'oxonu xaixai noxou itema nesi uasi, na'oxonu xaixai noxou Tatananenge ane.

Xalesia 1:10

Xo axova, nga'oxo lexe alemolu vaikala ano'o so tamitema i'osasilo o so Mosinge u'osasilo? Eni sasaieli so axilisine'i tamitema, ne? Uasi to, xo loxo eni opoleli ututulu lexe tamitema i'osasilosi, la vote'i so axolu amitema so xaixai noxou Kalaisiti uasisi.

2 Kolini 3:5

Xo loxo nexi mexe la tamomomo so taxalixu nene'axu laixe axone uasi. Ia nexi a tamomomo, xo noxou Mosingesi.

Ta'aposeli 20:31

Laso ngalaxa'i laixe, tangengi­vulusiou pelototo noxilo uasi. Xo exolu no taingengi tau ie tatalu mo kakau olovoxo atalo so avikala lamana noxinge vilevilesi uasi. La ieli lexaxu munixi so emolo lolomumengi.

2 Pita 1:1

Ioxe, eni Saimoni Pita a. Eni amitema so xaixai noxou Iesua Kalaisiti mo a aposeliou. Eni akaukavunu lapasi 'o ulai noxinge ngingi ane ngexalisou lopala manina iou vilesisi noxixe 'o. Vote'i so ngexalisou lopala ne a no anu ilixo mulapusi noxou Iesua Kalaisiti e Mosinge xe mosou pamaulisinge.

1 Pita 1:6

Ioxe, loxo ngaxavutalanu mimiou Mosinge so ulosinge ne la mi so osa'ilasi. Ia voxo vaimomo 'o ataxu sesi ngingi masi ngatavulenu navunavusou tu'umaxu iouiou.

1 Tesalonaika 1:9

Laso loxo taxali ne'ei la ane'i me'a ia'alo. Ia'alo so voxo tei texali noxinge lexe nge'osasou vaikala­mexi. La ngexiunu tumalingeou ilixo so nge'itinu momosinge kalavoi mo vaimomo 'o a ngaxolu ngamulinu masaxa noxou Mosinge maninasou e umamauli.

Lomu 1:9

Eni asexelaxu Mosinge misevile mo xavileliou xaixai mulosilo. Xaixai anene so alanu vaikala laixe so Olu. Anu ulavusou opoleli lexe ututulu noxingesi.

Lomu 1:1

Eni Polu a. Eni amitema so xaixai noxou Kalaisiti Iesua. Anu molu mutulusilo so axali aposeliou mo musosovosilo so alanu vaikala laixe noxou Mosinge.

Ta'aposeli 27:23

Eni amitemaou Mosinge mo eni alavusou a'itinu ualasou. Vaimomo 'o no olovoxo la angelou mutulu no pa'umelo mo muvikala lexe,

Ta'aposeli 17:13

Xe mune'e la Taiuta so tuala ne Tesalonaika milomu lexe Polu muvotovotou Mosinge vaikalaou ne Velia. Milomu axone laso ane'i milutu milai no tuala ne mo mi'unanu tane'i noxi'a. Mo mi'avutinoxu opone'i Tavelia so ixililiie'i Polu ilou Sailasi kalumo.

Tioni 12:26

Loxo itema ena'ei so u'oxonu xaixai noxilo la anu masi umulilelisi, mo so loxo eni axolu ne'ei la itema so xaixai noxilo ne uxolu kalumo. Mo loxo itema so u'oxonu xaixai noxilo la Maminge u'itinu itema ne ualasouxu.”

Luku 19:41

Ioxe, Iesua mulutu xo xe muxali alai ne Ielusalemo xe musu'anu iouou taoni ne la tanuxu mo mutamasou.

Mupala'a 7:15

Laso maixene ane'i itulu no laxunu sia kingi noxou Mosinge. La aso mo olovoxo ane'i ixolu i'oxonu xaixai noxou no anu tasou. Mo Mosinge uxolu no anu sia kingi noxou alai noxi'a axone so usaxila'a.

2 Timoti 1:4

Mo axavutalanu mala'o loxo ieni lexaxu mulapau, la opoleli utatama so amaisine ne. Xo axone la axamulinu osa'ila tatila ane.

Ta'aposeli 17:5

Ia Taiuta mimaisi'a lexe tami­tema tapiena mipita noxi'a la mi'isu laso mitakunune'i talasikeli ane mixixaoxao vitanisi no loxomala. Mitakunune'i ka mi'avuti mipita so ixalixu tu'umaxu mo mamulo no tuala. Mi'avuti la miiaveiave mipita no tasou itema vile ualasou lexe Iesoni ka mi'unalai so ikaka­muline'i Polu ilou Sailasi. Xo imasaxa lexe ilaixi'a so ipilixine'i no avo'a tamitema latala noale ne.

Ta'aposeli 21:27

Mune'e xe voxo 7 so ili'ilixo so malemalenga a so ukalui la Polu muxolu no tasou Mosinge. La Taiuta se'i so Esia polovinisi mine'e la mimaisou Polu a muxolu nonano ne. Mimaisou axone la ane'i mi'avutinoxu tamitema opone'i so la'iaxa'aou Polu, sila ane'i mite­telisou avile mo mi'ava'ava tatila lexe,