Ta'aposeli 20:16 - Ata New Testament

¹⁶ Polu mulalaxinu oponu lexe uua'ulixu tuala ne Epesusi xo anu umasaxau so upalea ulai uxali ne Ielusalemo. U'oxo lexe uvovoxo ne Esia polovinisi uasi xo loxo vote'i la umasaxau uxali ne Ielusalemo tei no anu voxo so Penikosi.

Ta'aposeli 20:16 Referans Kwoze

1 Kolini 16:8

Ia ane'e noxinge uao xo axolu ne Epesusi xo xe voxo so Penikosi ukalui laso alutu alai noxinge.

Ta'aposeli 2:1

Ioxe, no anu voxo tatila noxi'a Taiuta e ilemolu lexe Penikosi la ane'i talopala mukalusi mixolu mipita tanixa'a vilesisi.

Ta'aposeli 19:21

Mune'e mune'e xo xe mukalu, la Ulenu Laixe mupamuxanu xavu­talaou Polu lexe ulutu ulai ne Ielusalemo. Xe mupamuxanu lexe no anu muamua'i noxou la upolo ne Masetonia xe ne Akaia. La Polu muvikala aloxo 'o, “Eni alai no tuatuala ne mukalu la eni alai ne Lomu kalumo.”

Ta'aposeli 24:17

Polu mukolinu vaikala axone mukalu la mua'alo aloxo 'o, “Eni exolu tau ie se'i no tuatuala. Exolu xo xe mukalu la elivu ene'e no anu laili noxilo. Ene'e la ene'enu lamoli xe mimi se'i so usu'uline'i ane'i ane xoluxolu noxi'a masua. La exalixu mi se'i no tasou Mosinge so emulinu ilixo so navu.

Ta'aposeli 21:4

Texali ne xe telu'e la texalisi'a talopala so tuala ne la noxi'a texolu voxo 7. Noxi'a texolu la Ulenu Laixe mupamuxane'i so mivikala lamana noxou Polu lexe masi la ulai ne Ielusalemo uasi.

Ta'aposeli 20:22

Ia ngalomu, Ulenu Laixesi upamuxaleli so alai ne Ielusalemo ia mi ma'ia so uxali noxilo ne eni alavusou uasi.

Ta'aposeli 20:13

Ioxe, nexi telutu la te'uli noxou Polu. Te'uli la tetelo no lasipi so talai ne Asosi. Ia anu uasi, xo anu u'oxo lexe umuamua'isi. Nexi te'uli xe texali ne Asosi la texomaiou Polu so loxo uxali, la noxi'a tatelo no lasipi.

Ta'aposeli 20:6

Xe nexi, la texolu ne Pilipai xo mo la'ilali So Pileti Ane Isitisou Uasi mukalui laso nexi tetelo no lasipi la telutu. Telutu ne Pilipai la teiave voxo ta'uve mukalu la texali noxi'a ne Toloasi. Texali la texolu voxo 7 ne.

Ta'aposeli 18:21

Laso anu so ulutu la muvikala lamana noxi'a lexe, “Loxo Mosinge umasaxau la eni alivu ane'e noxingela.” Muvikala axone mukalu la mutelo no lasipi so mu'umesou tuala ne Epesusi mulai.

Ta'aposeli 18:19

Milutu xo la mixali no tuala ne Epesusi. Mixali ia Polu mupilixine'i xo anu uxolu ne Epesusi avile uasi. Anu muxolu voxo se'isisi mo mu'unalai no anu tasou lavuloto noxi'a Taiuta so mutovonu so upalasinoxu Mosinge vaikalaou laxu noxi'a.

Ta'aposeli 12:13

Pita muxali no aitenga la mupolopolo. xe sema so xaixai no tani ne ualasie lexe Lota mine'e so lexe ikisinu aitenga.

Ta'aposeli 16:6

Poluena milutu mimuamua'i mixixao no xale lia ne Pilixia xe Xalesia. Xo ane'i la imasaxau ilai ne Esia polovinisi so ivotovoto, ia Ulenu Laixe mu'apixa'a.

Ta'aposeli 19:1

Ioxe, no voxo ane Apolosi muxolu ne Kolini la Polu mupolo no vote'i ane mu'unalai no la'ola'olu. Mupolo ne xo xe ili'i la muxali avile ne Epesusi la muxalisi'a talopala se'i ne.

Ta'aposeli 20:4

Mulai la oli'a tamitema ano'o. Sopateli so tuala ne Velia, anu Pilusu olu. Xe Alisitakusi ilou Sekunutusi, ane'i so tuala Tesalonaika. Xe Xaiusi ne anu so Tevi xe Timoti oli'a tamitema tameila, ane'i so Esia polovinisi. Ualasi'a lexe Tikikusi xe Tolovimusi.

Ta'aposeli 20:18

Vaikala ne muxali noxi'a xe mixalixali noxou Polu la anu muvikalane'i aloxo 'o, “No voxo tei exali noxinge ne Esia 'o la ngemaisou ilixo noxilo. Ngingi menge ngelavusou xoluxolu noxilo no taingengi 'o.