Ta'aposeli 2:47 - Ata New Testament

⁴⁷ La ane'i mixolu mi'itinu Mosinge ualasou mo tamitema mimaisi'a la mi'oxo lexe ilixo noxi'a ne laixe. La voxo utotomu Tatananenge mupa­mau­­line'i se'ila, ka mupitane'i kalumo noxi'a tamitema so lopala.

Ta'aposeli 2:47 Referans Kwoze

Ta'aposeli 16:5

Tatemanu pitapita milomu axone laso lopala noxi'a pakia'u mo ta'alavua mi'una noxi'a voxovoxo utotomu.

1 Kolini 1:18

Avikala aloxo 'o. Tamitema so imamulo loxo ilomusou vaikalasou soli noxou Iesua no ovu valautu, la i'oxo lexe anene vaikala xovulau­lausi. Ia nenge tamitema ane Mosinge a upa­maulinenge la talo­palanu lexe manina ane. Talopala axone laso maixene vaikala anene vote'isou xavi noxou so upamau­linenge.

Ta'aposeli 2:41

La ane'i ane milomuxu votovoto noxou Pita la ta'aposeli mi'oxonu ilixo so kelele noxi'a. La no voxo anene tamitema ta'alavua navasi'a 3000 mi'una noxi'a ane'i ane milopala.

Ta'aposeli 2:39

Xo vavalima noxou Mosinge so singe xe ta'ilinge xe tamitema latala nopaxapaxa. Vavalima ne so si'a tamitema mukalusi Tatananenge anu Mosinge u'avali'a.

Lomu 14:18

Loxo ngingi ngamulinu ilixo axone mo nga'oxonu xaixai noxou Kalaisiti la Mosinge u'osasou. Mo tamitema imaisou ilixo noxinge axone lexe laixe.

Ta'aposeli 11:24

Anu Vanavasi ne anu itema laixe mo Ulenu Laixe mupamuxanusi mo loxo mi ma'ia uxali la mulopalasi. Anu itema axone laso loxo muvotovoto la tamitema milomuxu mo milopala noxou Tatananenge.

Ta'aposeli 13:48

Ioxe, tamitema noale'ale loxo milomusou vaikala anene la mi'osa manina mo opone'i mukasou vaikalaou Polu. Xe ane'i ta'ei Mosinge musosovosi'a lexe ixalisou xoluxolu kaluxu uasi la milopala.

Lomu 9:27

Xe Aisaia muvikalasi'a Ta'isilaeli aloxo 'ola, “Manina lexe Ta'isilaeli ixali ilolutu loxo io'io'i 'o. Ia ane'i utuxa'asi ixalisou pamauli.

Lomu 8:30

Xe nenge ane musosovosinge tatei ne mu'ava­linge kalumo. Mu'avalinge mo mumoxo'inge lexe nenge tamale­malenga no iou. Mumo­xo'inge axone laso ili'i la nenge talailai noxou mo xoluxolu noxinge iaxusi no tualasou.

Luku 2:52

Xe Iesua muxali maulu avile la lavulavuou mu'asi'asi manina. La Mosinge mu'osasou mo tamitema mi'osasou kalumo.

Ta'aposeli 4:21

Ioxe, tatiatila mivikala pakia'u noxi'a iloula xo xe mukalu la mipilixine'isi. Mipilixine'isi xo tamitema latala mi'itinu Mosinge ualasou no anu sosovo so xavi ne. Laso tatiatila mi'ume so ixililiou tamitema latala opone'i, mo vote'i vile so imasuane'i Pita ilou Tioni uasi.

Ta'aposeli 4:33

La ane'i ta'aposeli utotomu mia'aloxu Tatananenge Iesua lexe Mosinge mutulusou mu'umenu no anu soli. Mo vaikalai'a mulapau noxi'a tamitema la mutu'umaxu misevile. Laso iaiama noxou Mosinge musu'asou xoluxolu noxi'a talopala mukalusi.

Luku 19:48

Ia vaikala ma'ia mulemolu la tamitema opone'i mututulusi so ilomusou, laso ane'i tatiatila ixalisou vote'i vile so ivau usoli uasi.

Ta'aposeli 4:4

Mikalavusune'i ia tamitema tapiena e tapiena ane milomusou votovoto ne milopala, la navasi'a muxali 5000.

Ta'aposeli 6:1

Ioxe, no voxovoxo ne tamitema mi'una'una noxi'a talopala mo navasi'a mutoxoxa'a. La ane'i se'i noxi'a vaikalai'a Kiliki mimunu­munuxa'a ane'i ane vaikalai'a Ipilu. Mimunumunuxa'a mo mivikala aloxo 'o, “Ai, tasema noxinge ane tamului'a misoisoli ne ngingi ngalavusou ngavelunuxa'a voxo­voxo utotomu to'. Ia ane'i noxixe 'o, ngingi ngavelunuxa'a malaxo uasi.”

Ta'aposeli 6:7

Ioxe, laso vaikala noxou Mosinge musukusuku la navasi'a tamitema so lopala ne Ielusalemo mutiatila e mutiatila manina. Mo tapilisiti tapiena kalumo milomuxu Mosinge vaikalaou mo milopala.

Ta'aposeli 9:31

Laso no voxo anene la tatemanu pitapita no xale lia ne Iutea xe ne Xalili xe ne Samalia mixolu se'isisi, itavulenu tu'umaxu vile uasi. Ane'i mixali pakia'a mo Ulenu Laixe mu'oxonu opone'i mu'osa. Mo tamitema tapiena mi'una noxi'a la oli'a mixolu so Tatananenge molu mu'uli laxune'i.

Ta'aposeli 9:35

Anu laixenu axone la tamitema so tuala ne Lita xe latia toxoxu ne Saloni milavu no anu mi ne. Milavu no anu sosovo so xavi anene laso ane'i mixiunu opone'i mo mi'isalilinoxu noxou Tatanane­ngesi.

Ta'aposeli 11:21

Mivotovoto la xavi noxou Tatananenge muxolu noxi'a. Laso ane'i tamitema tavu'alo mixiunu opone'i mo mi'isalilinoxu xe milopala noxou Tatananenge.

Ta'aposeli 14:1

Ioxe, Polu ilou Vanavasi milai mixali ne Aikoniamu la ilou mimulinu ilixo aloxo milavusou i'oxonu no tuatuala, ane'i milai no tasou lavuloto noxi'a Taiuta. Milai ne xe mivotovoto no anu xavi, la tamitema tavu'alo noxi'a Taiuta xe Takiliki, milopala.

Ta'aposeli 14:21

Ioxe, ilou mixali ne Tevi la mia'aloxu vaikala laixe noxou Tatananenge noxi'a tamitema. Mia'aloxu la tamitema tavu'alo milopala. Xe ili'i la ilou milivu milai ne Lisitila xe ne Aikoniamu xe ne Anitioki.

Ta'aposeli 17:12

Mi'oxo axone laso ane'i Taiuta tavu'alo milopala. Mo tamitema tatiatila noxi'a Takiliki tapiena milopala, tasema xe tamulu.