Ta'aposeli 2:45 - Ata New Testament

⁴⁵ Xo aloxo 'o, loxo vile noxi'a uno'u lamoli so lia o mi ma'ia, la anu uvelunu noxi'a ane'i ane loxo umaisi'a lexe la'ilalixa'a uasi o xoluxolu noxi'a masuasi.

Ta'aposeli 2:45 Referans Kwoze

1 Tioni 3:17

Ia loxo misomisou lialia muai noxou evile xe utatusou oponu noxi'a tavimou ane tasi'a xalusou avile, la sexela noxou Mosinge uxolu noxou axovae? Uasi to.

Ta'aposeli 4:34

La itema vile no taine'i uxolu vitanisi no anu ani'ani uasi. Xo aloxo 'o, loxo itema vile liaxu o tasou xe usalimunu, la anu uno'u lamolisou une'enu ulosi'a ta'apo­seli.

Luku 18:22

Iesua mulomusou vaikalaou ne la muvikalanu lexe, “Mi vile na'oxonu uao. Nalai nasalimunu mimimeni mukalusi xe lamolisou, la naitii'a tamitema ane lamolixa'a uasi. Laso axone la naxalisou mimi lailaixe no tualasou Mosinge. Naitii'a ukalu la nane'e namulileli.”

2 Kolini 9:9

Mosinge vaikalaou ulemolu mi ne aloxo 'o, “Itema ane upilipilixinu avolu noxi'a ta'olo­xola la anu loxo itema upeipeinu ngiangiaxu no xai. Ilixo ulapu noxou itema ne uxolu kaluxu uasi.”

Ta'aposeli 11:29

Xe talopala ne Anitioki milo­musou vaikalaou Axavusi la ane'i milalaxinu opone'i lexe ane'i isu'uline'i tavimovimo'a no anu lopala ne Iutea. Misu'uline'i la mikalanu lamoli so iloto xa'a la'ilali no anu voxo so vitolo. Loxo itema vile lamolixu la ukalanu lamoli tatila. Xe loxo vile lamolixu malaxo uasi, la mukalanu isusu'a sesi.

Matiu 19:21

La Iesua mukolinu lexe, “Loxo namasaxau lexe ilixomeni uxali laixe loloni la na'oxo aloxo 'o. Nalai nasalimunu mimimeni mukalusi xe lamolisou, la naitii'a tamitema ane lamolixa'a uasi. Laso axone la naxalisou mimi lailaixe no tualasou Mosinge. Naitii'a ukalu la nane'e namulileli.”

Luku 19:8

Ane'i Sakiusiena mixoxolu no tasou xo xe mu'avuti muvikalanu Tatananenge lexe, “Tilao nalomu. Masi eni akalipalanu mimixeli mukalusi uxali pa'usou tamei mo so apilixinu vile noxi'a ta'oloxola. Xe loxo e'oxo loloxa'a tamitema ta'ei so exalisou mi vile noxi'a la akolinu no anu tamitami'a.”

Luku 16:9

Mo manina, lamoli so lialia anu loxo nuni'u ia laixe loxo ngapamuxanu so uxalixu vote'i so tamitema i'osa­singe. Mo so axone loxo ili'i voxo so lamoli ukalui la tamitema ngelapune'i ne i'avalinge nga'una­lai no anu tatani ane uxolu kaluxu uasi.

2 Kolini 9:1

Ioxe, tava'u uasi so akaukavunu vaikala piena so su'uli ane ngakalanu noxi'a tamitemaou Mosinge mu'isalili.

Ta'aposeli 4:35

Ulosi'a ta'aposeli mukalu laso ane'i ivelunui'a tamitema ane la'ilali uasi.