Ta'aposeli 2:42 - Ata New Testament

⁴² Ioxe, mixolu la opone'i mutu­tulu so ilomusou votovoto noxi'a ta'apo­seli xe so isu'uline'i ngato'o xe so ipita ivelunuxa'a pileti xe so ivikala noxou Mosinge.

Ta'aposeli 2:42 Referans Kwoze

Ipilu 10:25

Xe ngaxiunu tumalingeou pita na'a nenge uasi, xo se'i la mi'oxo axone mukalu. Mo ngamaisou, voxo olele a unene'e, laso xavinenge so tape­lototosinge ngato'o.

Ta'aposeli 1:14

Ane'i mixoxolu la utotomu mipita mo mivikala noxou Mosinge. La Malia Iesua nenu oli'a tasema se'i xe Iesua tavimovimou, ane'i kalumo ilavusou ine'e ipita noxi'a ta'aposeli.

1 Tioni 1:3

Nexi temaisou mo telomusou laso maixene tapala'anixu noxinge kalumo. Mo so axone la ngingi ngaxolu opongengi vilesisi noxixe xo nenge nenge'a taxolu oponenge vilesisi noxou Maminge ilou Olu Iesua Kalaisiti.

1 Tioni 1:7

Anu a uxoxolu no anu lamanasi, laso loxo nenge tamua­mua'i no anu lamana anenesi la nenge nenge'a taxolu oponenge vilesisi, xe sialuxu Olu Iesua u'uinenge no anu susu mukalusi.

Ta'aposeli 2:46

Mo no voxo utotomu ane'i mipita no mataunaxu tasou Mosinge. Xe ane'i mipita so i'ani no tatasi'a la opone'i laixe mo mi'osasi'a ngato'o.

Ta'aposeli 20:7

Texolu xo xe no anu voxo tei la tepita noxi'a talopala so tavelunu pileti. La Polu muvotovoto noxi'a tamitema xo voxo loxo ne'iela la anu so ulai. Muvotovoto muvoto­voto xo la muxali no olovoxo lixinu.

Epesusi 6:18

Xe mimi mukalusi e elemolu 'o ne ngapitanu no anu vaikalamengi ane ngalemolu noxou Mosinge. Ulenu usu'ulingengi so ngavikala mo ngalingau su'ulisinge noxou. Mo ngalaxa'i laixe, ngatalo uasi. Utotomu ngalingau su'uli noxou Mosinge si'a tamitemaou mu'isa­lili.

Iuti 1:20

Ia tamaula, loxo noxinge la nga'italongengi mo so lopala laixe noxinge uxalixu lemengenge. Mo ngapilixingengi noxou Ulenu Laixe so upamuxangengi no anu vaikala e ngalemolu noxou Mosinge.

Kolosi 4:2

Xe nga'italongengi avile no anu vote'i so ngavivikala noxou Mosinge. Mo loxo ngaxolu ngavikala noxou la xavutalamengi lamanasi xe opongengi u'osasi.

Kolosi 1:23

Laso ngingi la ngatulu pumungenge no anu lopala so ngasasalo uasi. Xo ngelomusou vaikala laixe mo mupela'ingexu mi e so ngalopalanu ngaxomaiou, laso ngaxexesou mamu. No anu vaikala laixe nesi eni Polu 'o exali amitema so axaixaisou. Mo votovotosou a mulala muxali no anu xale tuautala mukalusi.

2 Timoti 3:14

Ia loxo nini, la mimi ane nexalisou lavulavu no anu mo nemulaxu pakia'u no taneni, la naxolu no anu anenesi. Xo nini nelavusou xoluxolunexe nexi ane tepela'inexu ne.

Epesusi 2:20

Xe nexi ta'aposeli mo tamitema so pela'a ne loxo lavolavo'o so tani tava'u. Xe Kalaisiti Iesua anu anusi a lavo'o so tani kisou.

Ta'aposeli 14:22

Ilou milivu no tuatuala ne so i'oxonu pakia'a talopala. Mipelototosi'a lexe, “Ngingi masi ngaxolu pakia'inge no anu lopalasi. Xo nenge'a ane so ta'una taxolu no voxo loxo Mosinge molu u'uli laxune'i tamitemaou, ia no vote'isou 'o la tatavulenu tu'umaxusou tavu'alo.”

Ta'aposeli 6:4

Xo axone la nexi tamulaxu oponexi no anu xaixai noxixe ane so tavivikala noxou Mosinge mo so tavelunu vaika­laou.”

Ta'aposeli 4:31

Ioxe, mivikala noxou Mosinge mukalu la tani ane mipita no anu ne mukunikuni. La Ulenu Laixe mupamuxane'i ka milemolu vaikala noxou Mosinge mo i'ume uasi.

1 Kolini 10:21

Mamu so ngingi ngaie no anu lexa so usosovosou Tatananenge sialuxu kaio ngaie no anu lexa e misosovosou lexe noxi'a ta'angelo tamasua. Xe mamu so nga'ani no anu la'ilali so usoso­vosou Tatananenge vasimolu kaio nga'ani no anu la'ilali e misoso­vosou lexe noxi'a ta'angelo tamasua.

Lomu 12:12

Ngaxolu opongengi ulu'e mo ngalopalanu voxo so osa'ila ili'i. Xe loxo tu'umaxu uxali la ngatulu pakia'ingesi. Mo opongengi ututu­lusi so ngavikala noxou Mosinge.

Ipilu 10:39

Ia nenge tamitema so taxiu tumalinge talivu no anu vote'i so mamulo uasi. Nenge nenge'a 'o, nenge telopala laso texalisou pamauli 'o.

Ta'aposeli 11:23

Vanavasi mulutu xo xe muxali la mumalei lexe nene'axu iaiama noxou Mosinge muxali noxi'a Ta'anitioki. Mumalei axone la anu mu'osa misevile mo mupelototosi'a talopala ne lexe ane'i masi opone'i ututulu noxou Tatananengesi.

1 Kolini 11:2

La eni a'osasinge manina xo ngatetelisou vaika­laxeli mo mi ma'ia epilixinu noxinge la ngala­vusou ngamulaxu no anu xavutala­mengi.

Ta'aposeli 20:11

Mumauli mukalu la oli'a Polu milivu teitexi la anu Polu muno'u pileti ka mu'ou. Mu'ou mukalu la anu muvotovotola. Muvotovotola xo la lamana mupau laso Polu muxexesi'a.

1 Tioni 2:19

Ane'i anene mixolu mipita noxinge kaio mixexesinge mila. Mipita noxinge tei ia ane'i tanoxinge manina uasi xo axone la ane'i ixolu noxinge avile. Ia mila axone so umaxa'u lexe ane'i mukalusi ne tanoxinge to uasi.

Xalesia 1:6

Ai, eni akuluke manina noxinge. Xo no anu iaiama noxou Kalaisiti la Mosinge mu'avalinge ka ngexali tamitemaou. Ia ngingi to ne ngepalea so nga'ume'umesou mo ngalomuxu vaikala vilemo ane upolo va'axu no anu vaikala laixe.

Ta'aposeli 4:23

Ioxe, tatiatila noxi'a tapilisiti oli'a tatiatila noxi'a Taiuta mipi­lixine'i axone mukalu la ane'i ilou milivu milai noxi'a tamenexi'a talopala. Laso ilou mia'aloi'a no anu vaikala kitukitu ane tatiatila milemolu noxi'a.

Luku 24:35

Xe ane'i ilou la misisimulinu mimi mukalusi e muxali noxi'a no vote'i. Mo mivikala lexe mune'e xo mo muse'inu pileti laso ane, ilou mitongonu lexe anusi.

Luku 24:30

Mixolu mo ane'i a so i'ani la anu oli'a mixolu mipita so i'ani no latevolo. Xe anu muno'u pileti ka muvikalasou laixe noxou Mosinge. Mukalu la anu muse'inu mo muvelunuxa'a.

1 Kolini 14:6

Laso tavivilo, loxo eni ane'e noxinge mo avikala no anu vaikala iouiou ane ngalavusou uasi, la anene usu'ulingengi axova? Ia loxo avulunu vaikala vile Mosinge mupala'anixu noxilo o alemolu vaikala vile so lavulavu o so pela'a o avotongengi, laso ane. Anene su'uli ane.

Pilipai 1:5

Tava'u osa noxilo ne xo musoko'u no anu voxo tei xo mo muxali avile vaimomo 'osi, la ngeva'isu no anu xaixai so talanu vaikala laixe.