Ta'aposeli 2:40 - Ata New Testament

⁴⁰ Pita muvikala axone mukalu la mupelototosi'a no anu vaivaikala se'ila. La muvikala pakia'u lexe, “Ngalaxa'i laixe. Xo uasi la ngingi ngoli'a laili noxinge so susu 'o ngamamulo.”

Ta'aposeli 2:40 Referans Kwoze

Pilipai 2:15

Mo so axone la ngingi menge ngapala'aningenge lexe ngingi Mosinge ta'olu ane xolu­xolungenge mulapusi mo lama­nasi. Xo ngingi ngaxolu no tainu laili so ilixo ukilikalu mo xililisi laso laixe so mi vile no anu xoluxolungenge so ito'omengexu uasi. Ngaxolu loxo lalamo no anu isivoxo so lialia 'osi.

1 Timoti 4:16

Nini nalaxa'i laixe no anu muamua'ixene mo votovoto noxine. Xo loxo natalo uasi la naxalisou nene'axu laixe no anu xoluxolu noxine xe noxi'a ane'i ane ilomuxu vaikalameni.

Epesusi 4:17

Ioxe, eni apelototosinge pakia'u no anu ualasou Tatananenge aloxo 'o. Mamu so ngamuamua'i no anu xoluxolu noxi'a tamitema noale'ale e ilamana uasi. Xo xavutalai'a uxovulaulausi.

2 Kolini 6:17

Laso ane, tamulinu loxo Tatananenge mulemolu aloxo 'ola, “Ngala no taine'i mo ngakalitotongengi. Mo ngakasi no anu mi ane nuni'u uasi. Laso eni opoleli u'osasinge.

Matiu 17:17

Iesua mulomusou itema ne mukalu la muvikalane'i tamitema latala ne lexe, “Uo, ngingi tamitema vaimomo 'o ne ngalopala uasisi. Axolu noxinge voxo veveni axova mo so ngano'u lavulavu? Ngamolo kalakala'ilo axo'o la ukalu talu? Ngano'u molomolo ne une'e noxilo.”

Matiu 16:4

Ngingi tamitema ane laili so vaimomo 'o ne ilixo noxinge masuamo. Ngingi opongengi ututuluou sosovo vile, ia avikala lamana lexe sosovo vilesisi ane ngamaisou a sosovo ane muxali noxou Iona.” Muvika­lane'i mukalu la muxexesi'a mulai.

Xalesia 5:3

Noxinge tamulu ta'ei a so ngaxalisou sosovo no anu vasimenge la avikala aloxo 'ola. Nini ena'ei na'oxo axone la nini mene napilixineni no laxu lo so namomoxu lavuloto no anu mukalusii ane.

Ta'aposeli 28:23

Mivi­kala axone mukalu la misosovosou voxo vile so tamitema latala ipita noxou Polu no tani ne. Mune'e xe mipita axone la musoko'u no kakau mulai muxali no olovoxo la mutovonu so upela'axu voxo so Mosinge molu u'uli laxune'i tami­temaou. Mo mutovonu so upalasi­noxu laxu vaikalai'a tapolopeti xe lavuku so lo e Mosisi mukauka­vunu lexe anu uvikalasou Iesua u'isalili.

Matiu 23:33

Ngingi taiaulu ane. Ngingi loxo tasineke ane lamalasini masua uxolu no anangenge ne. Mosinge utongo­ngengi ka upalusinge no anu navu so mamulosi, laso ngamaxale axovae?

1 Pita 5:12

Sailasi musu'ulileli no anu lapasi 'o xo eni elemolu vaikala kaio anu mukaukavunu. Eni emaisou vivinge 'o lexe usaxila'u laixe xaixai ma'ia tapilixinu noxou. No anu lapasi ataxu se 'o la emasaxau apelototosinge mo avikala lamana no anu iaiama maninasou noxou Mosinge. La emasaxau a'avutinixinge lexe ngatulu pumungenge no anusi.

1 Tesalonaika 2:11

Mo loxo ngelavu. Texolu no taingengi la tepelototosinge mo temamato­langengi mo tetatama noxinge a loxo itema u'oxo noxi'a ta'olu u'isalili.

2 Kolini 5:20

Ioxe, laso Kalaisiti mutulusixe so tasosovosou mo talemolu vaika­laou. Mo no anu xolinexi la anu loxo Mosinge a u'ava'avali'a tami­tema. Nexi a tavikalangengi 'o ia nexi uasi, anu loxo Kalaisiti molu uxolu 'o so ukatu noxinge aloxo 'o, “Tu'umaxu ane ukalipa­langengi ne ukalui, xo vote'i a uxolu so ngalivu ngapita noxou Mosinge.”

Ta'aposeli 20:24

Ia eni opoleli lexe maulixo anu utiatila uasi, xo loxo tamitema ivelo la anu mi vitanisi. Eni a'oxonu latilovo aloxo 'o. Eni loxo alesisi, mo opoleli ututulu lexe axali avile no anu lamakisi. Lesisi ne, anu latilovosou xaixai noxou Mosinge. Mo eni opoleli ututulu lexe asivitanoxu xaixai ane Tatana­nenge mupilixinu noxilo e so alanu vaikala laixe so iaiama noxou Mosinge.

Luku 21:36

Ia ngingi la iengi uka laixe voxovoxo utotomu. Mo ngalingau xavi noxou Mosinge so loxo vote'i la mimi anene uua'ulingengi uasi. Mo so axone la ili'i ngingi ngatulu no laxunu Itema ane molu noxou Mosinge.”

Maki 8:38

Xo tamitema no voxo ano'o milailai vitanisi va'axu noxou Mosinge mo opone'i utulu no anu sususi. Laso maixene ane'i tavu'alo imaila so imulileli mo ane'i ixiunu tuma­li'aou vaikalaxeli. I'oxo axone ia ili'i la Itema ane molu noxou Mosinge une'e no anu iaxu Momu mo oli'a ta'angelo talaixe ane. Une'e axone laso ane'i ane mixiunu tumali'a noxou vaimomo 'o, la anu ukoline'i mo uxiunu tumalou noxi'a ane.”

Ta'aposeli 20:21

Uto­tomu eni epilixinu vaikala lamana noxi'a Taiuta xe noxi'a Takiliki lexe vote'i vilesisi ane so ta'isalilinoxu oponenge so susu noxinge mo talopala noxou Tatananenge Iesuasi.

Tioni 21:25

La Iesua mu'oxonu mimi pienala, ia loxo takaukavunu mi kikitu no anu mukalusi la eni axavutala lexe lialia 'o umomomo no anu lavulavukusou uasi.

Ta'aposeli 20:11

Mumauli mukalu la oli'a Polu milivu teitexi la anu Polu muno'u pileti ka mu'ou. Mu'ou mukalu la anu muvotovotola. Muvotovotola xo la lamana mupau laso Polu muxexesi'a.

Ta'aposeli 20:9

Tani ne, sitolisou tatalu, vile no lia xe vile nonixi xe ane tatalusou la nexi texolu ane. Polu muvo­tovoto la maulu vile ualasou lexe Iutikusi anu a mutalupexa no anu uinitoa vile. Anu muvotovoto muvotovoto la maulu ne iou muvuvu si mole muai. Muai la muai avile sila mulapau avile mulai no lia. Mulapau xe tamitema milu'elai mi'itinu ia musoli mukalu.

Ta'aposeli 20:2

Anu mumuamua'i xe muxali no tuala aneva talopala mixolu no anu, la anu mulemolu vaikala tavu'alo so uvalaxu lopala noxi'a. Mulai axone xo la muxali ne xale lia noxi'a Takiliki.

Ta'aposeli 15:32

La Iutasi ilou Sailasi ne ane'i tamitema so pela'a. Laso ane'i ilou milosi'a vaikala so mi'itinu Tatananenge ualasou mo mu'oxonu pakia'a talopala.

Ta'aposeli 10:42

Taa'aloxu xo anu molu mupelototosixe lexe tavoto­voto noxi'a tamitema mo tapela'a. Tapela'a lexe anu ane Mosinge musosovosou lexe utongone'i tami­tema no lakoti noxou. Utongone'i tamitema imamaulisio xe ane'i isoisoli mukalusi.

Matiu 12:34

Ngingi loxo tasineke tamasua ane lamalasini masua uxolu no anaxa'a to! Ngingi tamitema so sususi laso vote'i so ngalemolu vaikala laixe axova? Xo mi ma'ia uana'ananixu itema oponu la ula no anaxusi ane.

Luku 16:28

Xo eni tavivilo ta'uve a ixolu nesio. Laso anu ulai uvikalane'i lamana xo loxo 'o io ane'i kalumo ine'e no tuala so navunavu 'o.'

Ta'aposeli 4:36

Ioxe, vile noxi'a ualasou lexe Iosepu. Ta'aposeli mivotongalelenu lexe Vanavasi, xo laxu lexe, “itema so su'uli”. Iosepu ne anu so laili Livai ia molu no ailani ilemolu lexe Saipilasi.