Ta'aposeli 2:39 - Ata New Testament

³⁹ Xo vavalima noxou Mosinge so singe xe ta'ilinge xe tamitema latala nopaxapaxa. Vavalima ne so si'a tamitema mukalusi Tatananenge anu Mosinge u'avali'a.

Ta'aposeli 2:39 Referans Kwoze

Lomu 8:30

Xe nenge ane musosovosinge tatei ne mu'ava­linge kalumo. Mu'avalinge mo mumoxo'inge lexe nenge tamale­malenga no iou. Mumo­xo'inge axone laso ili'i la nenge talailai noxou mo xoluxolu noxinge iaxusi no tualasou.

Epesusi 4:4

Xo vasimolu Kalaisiti vilesisi mo Ulenu vilesisi mo ngalopalanu ngaxomaiou mi vilesisi kalumo. Mosinge molu mu'avalinge so ngalopalanu ngaxomaiou mi vilesisi e voxo lailaixe ili'io.

Ta'aposeli 15:8

Mosinge ne anu ulavusou oponenge tamitema mukalusi. Laso anu mupilixinu Ulenu Laixe noxi'a iou vilesisi a loxo nenge 'osi so upala'anixu lexe oponu axova noxi'a.

1 Pita 5:10

Mo ngalavu aloxo 'o kalumo. Mosinge e mosou iaiama mu'avalinge mupitangengi noxou Kalaisiti mo so ngingi kalumo nga'una no anu xoluxoluxu iaxu e kaluxusou uasisi. Laso ngingi ngatavulenu navunavu voxo ataxu se 'osi ka so ili'i la anu uxalixinge ulomotele mo pumungenge mo pakia'inge mo so ngasasalo uasi.

Mupala'a 19:9

La angelo muvikalaleli aloxo 'ola, “Nakaukavunu vaikala 'o. Tamitema ta'ei Mosinge muali'a so ine'e no anu lavilelu so taula'i noxou Sipisipi Ilie la ixalisou osa'ilasi.” Mo mu'oxo lexe anene vaikala manina noxou Mosingesi.

2 Pita 1:3

No anu xaviou Kalaisiti so uxolu Mosinge la muitimenge mimi mukalusi so taxolu muamua'inenge no anu ili'ilixou Mosinge u'isalili. Mu'itimenge axova? A no anu vote'i e so molu mupala'anixu noxinge so talavusou. Mupala'a­nixu noxinge xe temaisou lexe anu xoluxoluxu iaxu mo lailaixe mu'u­li'uli, la anene vote'i so mu'ava­linge.

Ipilu 9:15

Laso ano'o tava'u so Kalaisiti utulu nonixi mo uvalaxu konitalaki alavua. Mo so ane'i ane Mosinge mu'avali'a la ixalisou nene'axu vavalima ane uxolu kaluxu uasi. Mi ne umomomo uxali xo susu ane tamitema mi'oxonu no anu koni­talaki tei la anu soli noxou mulotonu. Laso maixene anu vote'i uxolu so ixolu lalavulusi.

Mupala'a 17:14

La ane'i i'otoxu Sipisipi Ilie. I'otoxu ia anu oli'a tamitemaou ane mu'avali'a xe musosovosi'a xe milopalanu ne, iua'ulixa'a. Iua'ulixa'a tauluaou Sipisipi Ilie xo anu Tila manina noxi'a tatiatila xe anu Kingi manina noxi'a takingi.”

2 Pita 1:10

Laso ane tavivilo, xavingengi avile so ngapala'anixu no anu ilixomengi lexe anu manina, anu mu'avalinge mo muiloungengi lexe ngingi tamitemaou. Xo loxo ngamaxa'u lexe mi ne maninasou, la vote'i so ngatulatulaki no anu lopala na'a ngingi uasi.

2 Timoti 1:9

Xo Mosinge mupamaulinenge mo mu'avalinge so ukalipalanenge lexe nenge tanoxou u'isalili. Anu mi so xaixai noxinge to uasi, muxali no anu masaxa noxousi. La anene nene'axu iaiama noxou ane mupilixinu noxinge no anu vote'i e noxou Kalaisiti Iesua tei tei manina loxo voxovoxo usoko'u uao.

Epesusi 1:18

Mo eni alinga noxou lexe anu ulamananixu opongengi. Xo anu laixe so ngalavu lexe anu mu'avalingexu ma'ia, mo so ngalopalanu ngaxomaiou. Xe anu laixe so ngalavu lexe mimi lailaixe ma'ia anu musosovosou lexe noxinge tamitemaou mu'isalili.

Lomu 11:29

Xo aloxo 'o. Loxo Mosinge u'avalou itema vile mo uvavalima noxou so lexe ulosou mimi laixe la anu umomomo so uxiunu oponula uasi.

Ipilu 3:1

Ioxe tavivilo, Mosinge muxolu no tualasou la mu'avalinge so ukali­palangengi lexe ngingi tano­xou mu'isalili. Laso ngaxolu tangengi utaxunu Iesua. Anu apo­seli xo anu musosovosou Mosinge noxinge. Xe anu Pilisiti Tatila xo anu usosovosinge noxou Mosinge mo so no anu lopala noxinge talemolu, la anu uvalaxu.

1 Kolini 7:14

Xo manina, sema ane Mosinge olu ne mulue ulopala uasi, ia Mosinge u'osasou taula'i noxi'a xo noxie sema nesi. Xe itema ane ulopala ia semau uasi, la axone kalumo. Mosinge u'osasou taula'i noxi'a xo no anu lopala noxou muluesi. Laso noxi'a ta'ili'a kalumo la ane'i loxo ovu voloxu uasi, xo no anu lopala noxie neni'a o mami'a olele la usakine'i no anu taula'i noxi'a taneni'a tamami'a.

2 Tesalonaika 1:11

Ioxe, loxo nexi tapilixingengi noxou Mosinge la utotomu tali­ngausinge aloxo 'o kalumo. Lexe anu usu'ulingengi so xoluxolu­ngenge ulovou ava noxou. Xe mi ma'ia laixe ngamasaxau so nga'o­xonu la uxalixu nene'axu. Xe xaixai noxinge aneva la ngalopa­lanu mo so ulosinge xavi so nga'oxonu.

Lomu 9:24

Nenge ane mu'avalinge so taxalisou iaiama noxou ne, nenge so laili noxi'a Taiutasi uasi. Nenge ane so laili noale'ale kalumo.

Lomu 9:4

Tavivilo ne, ane'i Ta'isilaeli ane. Ane'i ane Mosinge mumoxo'a lexe ane'i ta'olu mo mumaxa'u iaxu noxi'a. Xe kalumo mu'oxonu konitalaki noxi'a mo mulosi'a lo mo mulosi'a vote'i so i'itinu ualasou mo muvavalima noxi'a.

Ta'aposeli 15:14

Saimoni mua'alo­menge mukalu so voxo tei ane Mosinge mupa­la'anixu sexelasou noxi'a tamitema noale'ale. Anu musosovosi'a se'i lexe tamitemaou mu'isalili mukalu.

Ta'aposeli 15:3

Ioxe, milutu la tatemanu pita latala mi'italone'i laixe so milai. Poluena milutu milai la mipolo no xale lia ne Vonisia xe ne Samalia. Mipolo ne xe mixali no tuala aneva la mia'aloi'a talopala no anu mimi ane Mosinge mu'oxonu no avo'a so tamitema noale'ale milo­pala kalumo. Mia'aloi'a talopala xe milomu la ane'i opone'i mu'osa manina.

Ta'aposeli 14:27

Ilou mixali mukalu la mipitane'i talopala so mia'aloi'a no anu muamua'i noxi'a. La mipala'anixu noxi'a lexe, “Ai, Mosinge mu'oxonu vote'isi'a tamitema noale'ale so ilopala kalumo.”

Ta'aposeli 10:45

La ane'i talopala Taiuta ane oli'a Pita mine'e milomu lexe ane'i mivi­vikala no anu vaikala iouiou xe mi'itinu Mosinge ualasou. Milomu axone la mikuluke mo mivikala lexe, “Ai ngamalei, Mosinge munixi'u Ulenu Laixe muxali noxi'a tamitema noale'ale kalumo.”

Epesusi 2:12

Xo ngaxavu­talanu xoluxolu noxinge tei ne. Tei la ngexolu va'axu noxou Kalaisiti. Mo ngexolu loxo Ta'isilaeli uasi, ngexolu laili vilemo xo vavalima e Mosinge mu'oxonu noxi'a la usu'asinge uasi. Ngingi ne mi vile laixe so ngalopalanu ngaxomaiou uasi xo ngexixao no lialia vitanisi, ngelavusou Mosinge uasi.