Ta'aposeli 2:33 - Ata New Testament

³³ Mosinge mutulusou no anu soli ka mulaixu mo mutalupexasou no avolu tema so u'itinu. Mo mulosou Ulenu Laixe la munixi'u noxixe vaimomo 'o aloxo ngingi ngasaxisou mo ngalomusou.

Ta'aposeli 2:33 Referans Kwoze

Ta'aposeli 1:4

Ioxe, no voxo vile ane muxoxo­lusio la oli'a mixolu mipita. La anu mupelototosi'a lexe, “Mamu so ngaxexesou Ielusalemo. Ngingi ngaxolu ngaxomaiou anu ane Mamilo muvavalimasou e elemolu noxinge mala'o.

Ta'aposeli 5:31

Mo muno'u mulaixu mutalu­pexasou no avolu tema so uxolu Tiatilasinge mo tava'u pamauli. La uxolu ne so loxo nenge Ta'isilaeli taxiunu oponenge mo ta'isalilinoxu no anu vaikalaou la anu ukalusou tina'unenge so susu.

Ta'aposeli 2:17

'Mosinge muvikala aloxo 'o, Alai no anu voxo so lialia ukalu la eni akalanu Uleleli uxali noxinge tamitema. La ta'ilinge tamulu xe tasema ipela'axu vaikalaxeli. Xe tamaulumengi xe tatiatilamengi iai isaxi.

Tioni 14:26

Ia Mosou Su'uli anu Ulenu Laixe e Maminge upalusou une'e no anu ualasilo, la anu so upelapela'ingexu mimi mukalusi mo ulivunoxu xavutalamengi no anu vaikala mukalusi e elemolu noxinge 'o.

Maki 16:19

Ioxe, Tatananenge Iesua mupelototosi'a mukalu la anu mutelai muxali no tualasou Mosinge. Muxali, la mutalupexa no avolu Mosinge tema.

1 Pita 3:22

Xe vaimomo 'o Kalaisiti ne a mu'u­nalai no tualasou Mosinge mukalu mo a uxoxolu no anu avolu tema noxou Mosinge. Mo ane'i ta'angelo xe ta'ulenu ane xavine'i xe tami ma'ia xavine'i musuku ixolu no laxu xaviou Kalaisiti.

Xalesia 3:14

Kalaisiti mu'oxo axone laso anene nene'axu vaikalaou Mosinge lexe uxalixu su'ulisi'a tamitema noale'ale noxou Apala'amu. Laso no anu xaixai noxou Iesua Kalaisiti ne mu'oxonu vote'isinge so nenge ta'ei talopala la taxalisou Ulenu Laixe a loxo Mosinge muvavalimasou.

Ta'aposeli 10:45

La ane'i talopala Taiuta ane oli'a Pita mine'e milomu lexe ane'i mivi­vikala no anu vaikala iouiou xe mi'itinu Mosinge ualasou. Milomu axone la mikuluke mo mivikala lexe, “Ai ngamalei, Mosinge munixi'u Ulenu Laixe muxali noxi'a tamitema noale'ale kalumo.”

Matiu 28:18

Xe Iesua mune'e alai noxi'a la muvikalane'i lexe, “Mosinge mulosilo xavi so a'uli laxunu mimi mukalusi no lialia xe no tualasou.

Tioni 14:16

Xe eni alinga noxou Mamilo, la anu upalusou Mosou Su'uli vilela une'e noxinge, mo so anu uxolu noxinge kaluxu uasi.

1 Pita 1:21

Mu­su'ulingengi la ngingi a ngelopala noxou Mosinge e mutulusou Kalaisiti no anu soli kaio mulosou uala ane u'uli'uli. Laso maixene lopala noxinge utulu pumuxu noxou Mosinge mo ngingi a ngalopalanu ngaxomaiou mimi e muvavali­masou.

Ipilu 10:12

Ia noxou Kalaisiti la alaxu vilesisisi mupilixinu mi vilesisi so lapesou susu. Mupilixinu mukalu la mutalupexa no anu Mosinge avolu tema.

Lomu 5:5

Xo lopala noxinge anu umomomo so ulapau vitanisi uasi, nene'axu uxali ane. Xo Mosinge mulosinge Ulenu Laixe mukalu. Mo no anu vote'i anenesi munixi'u sexela noxou no opo­nenge.

Taitusi 3:6

Xo no anu xaixai noxou Iesua Kalaisiti anu Itema so Pamauli la anu munixi'u Ulenu Laixe noxinge laso tepalava noxou.

Epesusi 4:8

Laso maixene uvikala no anu Mosinge vaikalaou lexe, “No voxo loxo mutelai la anu mu'uli laxune'i takalavusu. Mo muiti'a tamitema mimi lailaixe.”

Tioni 17:5

Laso Papao, nalivunixilo so axolu no ieni no anu tanixo mu'uli'uli aloxo nenge nengei texoxolu mi ne lialia uxali uao.

Tioni 15:26

Mosou Su'uli e Ulenu so vai­kala manina, anu uxolu noxou Maminge kaio une'e. Eni apalusou molu noxou Maminge so une'e noxinge. Anu une'e mo ulanu vaikala so uvalavalaxo.

Luku 24:49

Mo ngalomu. Anu ane Mamilo muvavalimasou la eni a so apalusou une'e noxinge. Laso ngingi ngaxolu no taoni 'o xo mo xavi ane molu teitexi une'e usu'asinge.

Epesusi 1:13

Xe mukalu la ngingi kalumo ngelomusou vaikala manina e vaikala laixe so pamauli noxou Mosinge. Ngelomusou la ngelo­pala noxou Kalaisiti laso anu mumulinu vavalima noxou so ulosinge Ulenu Laixe. Ulenu ne anu sosovo noxinge lexe ngingi ngaxolu noxou Kalaisiti.

Ipilu 2:9

Ia mi vile uasi, xo nenge tasaxi noxou Iesuasi. Xo anu mulu'enu so muxolu no laxa'a ta'angelo, ia voxo ataxusi. Mulu'enu ne so utavulenu navunavu mumomomo avile no anu soli. La anene vote'isou iaiama noxou Mosinge xo Iesua muno'u tanixa'a tamitema mukalusi so u'unalai no anu soli axone. Laso maixene Mosinge mu'itinu mo mulosou uala tatila mo tanixu e mu'uli'uli avile.