Ta'aposeli 2:32 - Ata New Testament

³² Ioxe, anu itema e Iesua, Mosinge mutulusou mu'u­menu no anu soli. Mo nexi latala temaisou lexe mumaulila laso nexi taa'aloxu.

Ta'aposeli 2:32 Referans Kwoze

Ta'aposeli 3:15

Ngingi ngevau Mosou Mauli musoli, ia Mosinge mutulusou mu'umenu no anu soli. Nexi taa'alomengi xo nexi mexe temaisou mi ne.

Ta'aposeli 1:8

Ia ili'i no voxo Ulenu Laixe uxali noxinge la ngingi ngano'u xavi so ngaa'a­loxo noxi'a tamitema. Ngaa'aloxo ne Ielusalemo mo no xale lia ne Iutea mo ne Samalia mo ulai avile no xale tuatuala ukalusi.”

Ta'aposeli 4:33

La ane'i ta'aposeli utotomu mia'aloxu Tatananenge Iesua lexe Mosinge mutulusou mu'umenu no anu soli. Mo vaikalai'a mulapau noxi'a tamitema la mutu'umaxu misevile. Laso iaiama noxou Mosinge musu'asou xoluxolu noxi'a talopala mukalusi.

Ta'aposeli 1:22

Usoko'u no voxo loxo Tioni mu'oxonu ilixo so mukelenixa'a tamitema no lexa mune'e avile no voxo so Mosinge mulivunoxu Iesua mutelaixu. Nenge tasosovosou itema vile ane mumaisou mimi anene mo so noxou taa'aloxu Iesua. Taa'aloxu, la taa'alo lexe Mosinge mupamaulinu mu'umenu no anu soli.

Ta'aposeli 2:24

Ia Mosinge mutulu­sou mu'umenu no anu soli mo no anu navunavu so soli. Xo soli umomomo so utetelisou itema anene uasi.

Tioni 15:27

Xe ngingi la ngalanu vaikala so ngavalavalaxo kalumo xo ngingi ngexoxolu noxilo no anu soko'u xaixai noxilo mune'e avile 'o.

Ta'aposeli 3:26

Pita mulemolu Mosisi vaikalaou axone mukalu la muvi­kala lexe, “Laso maixene Mosinge mutulusou itema so xaixai noxou mo mupalusou muxali noxinge tei so uxiungengi no anu vote'i so susu ngamulinu 'o.”

Ta'aposeli 4:10

Loxo ngatali'i axone, la ngingi ngoli'a Ta'isilaeli mukalusi ngalavu lamana axo. Itema ane ututulu no laxungengi mo ngamaisou lexe laixenu la muno'u mauli no anu ualasou Iesua Kalaisiti so Nasaleti. Itema anene ngingi ngelilixu no ovu valautu so musoli, ia Mosinge molu mu'umenu mutulusou no anu soli.”

Ta'aposeli 5:30

Xo ngingi menge ngelilixu Iesua no anu ovu so musoli. Ia Mosi'a ta'ilusunenge mutulusou mu'umenu no anu soli.

Ta'aposeli 13:30

Ia Mosinge mutulusou mu'umenu no anu soli.

Ta'aposeli 13:33

Muxalixu nene'axu noxixe ta'ilusune'i vaimomo 'o no anu mi e so mutulusou Iesua no anu soli. Vaikalasou mi ne a uxolu no anu Lexelexe mautunu tamei. Uvikala aloxo 'o, 'Nini alixeli, vaimomo 'o asosovosine lexe eni amamine'.

Ta'aposeli 17:31

Xo anu musosovosou voxo mukalu so tamitema latala no lialia 'o ikoti ili'i. Xe anu musosovosou Itema vile so uto­ngone'i tamitema mo utilovosi'a lexe ilixo noxi'a axova. Anu mumaxa'u noxinge latala lexe anu musosovosou Itema ena'ei no anu xaixai ne. Mumaxa'u no anu vote'i e so mutulusou mu'umenu no anu soli.”

1 Kolini 6:14

Umamulonu ia no anu xavi tatila noxou la utulusou vasime­ngela a loxo mutulusou mu'umenu Tatananenge no anu soli.

1 Kolini 15:15

Xe aloxo 'ola. Nexi ta'aposeli tevikala lamana lexe Mosinge mutulusou mupamaulinu Kalaisiti ka nexi temaisou no iexi. Ia loxo vaika­lamengi lexe tamitema ane misoisoli imaulila uasi ne manina, la nexi tekalavoisi ane. Nexi tamitema so takalavoisou Mosinge xo axone la anu upamaulinu Kalaisiti uasi ane.

2 Kolini 4:14

Xo telavu lexe Mosinge mutelonu Tatananenge Iesua laso nenge ane taxolu noxou Iesua la utelonenge axone kalumo. Ukalu la anu utulusinge nenge'a no iou.

Xalesia 1:1

Eni aposeli Polu a. Tamitema ipalusilo aloxo 'o uasi xe itema vile utulusilo no anu xaixai ano'o uasi. Eni exali a aposeli xo noxou Iesua Kalaisiti ilou Mosinge anu Maminge e mutulusou Kalaisiti no anu soli.

Epesusi 1:20

No anu xavi nesi la mutulusou Kalaisiti no anu soli. Mutulusou la mulaixu mutalupe­xasou no avolu tema no tualasou laixe.

Kolosi 2:12

Xo ngingi ngekelele ngepita noxou Kalaisiti laso no voxo so mi'asixu la anu loxo ngingi kalumo ngeai ne. Xe ngelopala no anu xaixai noxou Mosinge so mutulusou Kalaisiti no anu soli laso anu loxo ngingi kalumo ngetulu ngemauli.

Ipilu 13:20

Eni apilixingengi noxou Mosinge e mosou xoluxolu lala­vulusi. Anu mutulusou Iesua anu Tatananenge no anu soli. Iesua ne anu mupilixinu sialuxu so ulotone'i tasipisipiou mo usosovosou konita­laki ane kaluxusou uasi. Mutulu­sou laso Iesua muxali Itema Tila so usaxila'a tasipisipiou ne.

1 Pita 1:21

Mu­su'ulingengi la ngingi a ngelopala noxou Mosinge e mutulusou Kalaisiti no anu soli kaio mulosou uala ane u'uli'uli. Laso maixene lopala noxinge utulu pumuxu noxou Mosinge mo ngingi a ngalopalanu ngaxomaiou mimi e muvavali­masou.