Ta'aposeli 2:23 - Ata New Testament

²³ Xe mune'e la Mosinge mu'italonu noxinge so uxali loxo anu mulalaxinu oponu mo mulavu lumamo. Laso ngingi ngepilixinu noxi'a tamitema tamasua so mililinu no ovu valautu so musoli.

Ta'aposeli 2:23 Referans Kwoze

Luku 22:22

Xo manina, mimi uxali noxou Itema ane molu noxou Mosinge mu'isalili a loxo Mosinge molu mulalaxinu lu­mamo. Ia masua manina noxou itema ane so upilixinu no avo'a tauluaou.”

Ta'aposeli 4:28

Mimi ane mi'oxonu ne muxali no anu xavi noxine loxo nini nelalaxinu oponeni no anu lumamo.

Ta'aposeli 3:18

Ia mi ane nge'oxonu ne, anene vote'i so Mosinge muxalixu nene'a­xu vaikala mulemolu no anaxa'a tapolopeti tatei. Vaikala milemolu lexe Kalaisiti utavulenu tu'umaxu.

1 Pita 1:20

Tei manina loxo Mosinge ukoinu lialia uao la musovosou Kalaisiti lumamo no anu xaixai ane so ulotongengi ngalivu noxou. Laso vaimomo 'o no anu kaluxusou voxovoxo 'o la anu mupala'a so usu'ulingengi.

Ta'aposeli 13:27

Xo Taielusalemo oli'a tatiatilasi'a, ane'i ilamana uasi noxou Iesua lexe anu itema e tapolopeti milemolu. Ia no voxo loxo mivau la ane'i me'a mixalixu nene'axu vaikalai'a tapolopeti e ane'i utotomu i'itisou no anu Voxovoxo so Ma'ila.

Matiu 26:24

Vaikala noxou Mosinge e tapolopetiou mikaukavunu tatei lexe Itema ane molu noxou Mosinge usoli ne, anu so uxali. Ia anu masua manina noxou itema ane upilixinu no avo'a tauluaou. Anu utavulenu tu'uma­xusou ane, laixe loxo nenu ivo'onu uasi.”

Lomu 4:17

Xo loxo Mosinge vaikalaou mulemolu lexe, “Eni exalixene mami'a laili tavu'alo.” Laso maixene no anu iou Mosinge la anu maminge ane. Anu Apala'amu ne anu oponu mututu­luou vavalima noxou Mosinge. Xo mulavu lexe Mosingesi anu umomomo so uxalixu mauli no anu soli. Mo nenge loxo ta'oxo lexe mi vile uxolu uasi, la anu umomomo so ukoi ane.

Ta'aposeli 5:30

Xo ngingi menge ngelilixu Iesua no anu ovu so musoli. Ia Mosi'a ta'ilusunenge mutulusou mu'umenu no anu soli.

Mupala'a 13:8

La tatemanu lialia i'itinu ualasou mi vova ne. Ane'i e i'itinu ne, ane'i ualasi'a uxolu no anu lavuku so mauli noxou Sipisipi Ilie uasi. Anu ane mivau mo musoli tatei. Ualauala e no anu lavuku so mauli ne Mosinge mukaukavunu mi ne ukoinu lialia uao.

Iuti 1:4

Xo tamitema se'i a mipakisi mi'una'una noxinge ne. Tamitema ane xo ne sosovo so mamulo muxolu noxi'a tateimo xo ixiunu tumali'aou ilixo noxou Mosinge. Ane'i ipilixine'i no anu ilixo masumasua iouiou kaio ixiunu vaikala so iaiama noxou Mosinge so ivalaxu ilixone'i ne. La ixiunu tumali'aou Tilasinge mo Tatananenge vilesisi e Iesua Kalaisiti.

1 Pita 1:2

Tateimo Mosinge anu Maminge mula­vusinge lumamo kaio musoso­vosinge so Ulenu ukalipalangengi lexe ngingi tano­xou u'isalili. Mo so axone la ngalomuxu vaikalaou Iesua Kalaisiti xe sialuxu e munixi la mu'uingengi so ngexali tamale­malenga no iou Mosinge. Eni amasaxau lexe ngingi ngaxa­mulinu iaiama ilou xoluxolu lala­vulusi noxou avile.

Ta'aposeli 15:18

Xo eni elalaxinu opoleli so xaixai anene tei tei manina.'”

Luku 24:20

Ia tatiatila noxi'a tapilisiti oli'a tatiatilasinge mipilixinu no avolu xamani so isakinu vaikala lexe ivau. Mukalu la mililinu no ovu valautu ka musoli ne.

Luku 22:37

Xo no anu lavukuou Mosinge la vaikala vile mukaukavu no anu aloxo 'o, 'Ane'i tamitema isaxisou lexe anu vile noxi'a tamitema tamasua.' La avikalangengi lexe tamitema i'oxo axone noxilo xo vaikala ma'ia ulemolu silo la uxalixu nene'axu ane.”

Ta'aposeli 7:52

Xo polopeti aneva ta'ilusungengi mi'oxo laixesou? E uasi! Ane'i mixililiie'i mo mi'oxo­ne'i masua mukalusi. Mo ane'i ane misaxi mu'uli mo mia'aloxu Itema Malemalenga lexe une'e, la mive'ave'a misoisoli. Xe Itema Malemalenga e mia'aloxu ne muxa­li ia ngingi nge'italonu no avo'a tauluaou mo mivau musoli.

Tioni 19:24

Ta'ami mimalei axone laso ane'i mivikala lexe, “Mamu so takakanu, nenge'a ta'oxonu ilixo so uala so lexe ena'ei uno'u.” Mi'oxo axone la anene muxalixu nene'axu vaikala vile ane uxolu no anu lavukuou Mosinge lexe, “Ane'i mivelunu lavulutixeli xe mi'oxonu ilixo so uala so lexe ena'ei uno'u lasiotixeli veveni.” La ane'i ta'ami mi'oxo axonesi.

1 Pita 2:8

Xe muvikalasou aloxo 'ola, “Anu loxo lavo'o e mitulatulaki no anu mole opone'i tu'umaxuou manina.” Ani, ane'i itulatulaki noxou xo ilomuxu vaikalaou to uasi. Laso maixene ixalisou mamulo e Mosinge mule­molu si'axu lumamo.

Matiu 20:19

La ane'i i'italonu noxi'a tamitema noale'ale so ane'i imolo sukusou xe ipuapuasou. Ukalu la ililixu no anu ovu valautu so usoli. Usoli ia no anu voxo tatalusou la utulu umaulila.”

Matiu 27:35

Xe ane'i ta'ami mililinu no ovu valautu mukalu laso mi'oxonu ilixo so uala so lexe ta'ei ualasi'a uxali, la mivelunu mimiou.

Maki 15:24

Mukalu la mililinu avo'avolu no ovu ane muvalautu xe tava'u no anu ovu ane so utulu. Mukalu la mitulusou so mulili ne. La ta'ami mi'oxonu ilixo so uala so lexe ta'ei ualasi'a uxali, la mivelunu mimiou.

Luku 23:33

Milutu xo xe mixali no apu vile ilemolu lexe Kisou Xinu laso lai ne ane'i mililixu Iesua no ovu valautu. Xe tamitema so susu tamei ne la mililixa'a no pa'umolu, vile no avolu tema xe vile no avolu kaisi.

Tioni 19:18

La no apu ne mililinu no ovu valautu. Xe mililixa'a tamitema tamei no anu ovu valavalautusi'a kalumo, vile xalevile xe vile xalevile, io Iesua mulili nonixi.

Ta'aposeli 2:36

Pita muvulunu vaika­laou Teviti ne mukalu la muvikala aloxo 'ola, “Ngingi Ta'isilaeli mukalusi ngalamana lexe Iesua e ngelilinu no ovu valautu ne, Mosinge musosovosou lexe anu Kalaisiti mo anu Tatananenge.”

Ta'aposeli 5:28

“Loxova? Mala'o nexi te'apingenge lexe ngavotovoto no anu uala anene mamu. Ia ngingi ngea'alo ngea'alosi. La a'alo mu­su'a­sou Ielusalemo avile mo ngingi ngato'omexe no anu soli noxou.”

Lomu 2:12

Ioxe, mo aloxo 'o. Axova noxi'a tamitema ane ilavusou lo ane Mosisi mukaukavunu uasi? Ane'i kalumo isusu. Xo loxo isoli, la axova noxi'a? Mosinge u'oxo axo'. Anu ulemolu lo noxi'a uasi, ia anu ukolinu susu noxi'a kalumo. Xe ane'i ane ilavusou lo, la Mosinge utongone'i u'isalili no anu, xo ane'i kalumo isusu ane.

1 Tesalonaika 2:15

Xe noxou Tata­nanenge Iesua la ane'i Taiuta mivau. Xe mive'ave'a tapolopeti mo mipalenenexe so ikusaixe. Tami­tema anene ixililiou masaxa noxou Mosinge mo imatapiane'i tamitema mukalusi.