Ta'aposeli 2:22 - Ata New Testament

²² La Pita musolonu vaikalaou aloxo 'ola, “Ta'isilaeli, ngalomu. Iesua so Nasaleti mu'oxonu sosovo so xavi iouiou no taingengi. Anu mu'oxonu sosovo ngemaisou ne, ia Mosinge molu mu'oxonu noxou so upela'inge lexe anu molu noxou Mosingesi.

Ta'aposeli 2:22 Referans Kwoze

Tioni 3:2

La no olovoxo vile anu mune'e noxou Iesua ka muvikala lexe, “Tisao, nexi talavusine lexe nini mene noxou Mosinge nene'e so lexe natisa. Mi ne mupalasi noxixe xo telavu lexe loxo Mosinge uxolu noxou itema vile uasi la vote'i so u'oxonu sosovo so xavi aloxo 'o uasi.”

Ta'aposeli 4:10

Loxo ngatali'i axone, la ngingi ngoli'a Ta'isilaeli mukalusi ngalavu lamana axo. Itema ane ututulu no laxungengi mo ngamaisou lexe laixenu la muno'u mauli no anu ualasou Iesua Kalaisiti so Nasaleti. Itema anene ngingi ngelilixu no ovu valautu so musoli, ia Mosinge molu mu'umenu mutulusou no anu soli.”

Luku 11:20

Ia loxo Mosinge avolu uxolu noxilo so akusai'a ta'angelo tamasua la masi ngalavu lexe voxo so Mosinge molu u'uli laxune'i tamitemaou a mune'e alai noxinge 'oe.

Matiu 12:28

Ia loxo Mosinge avolu uxolu noxilo so akusai'a ta'angelo tama­sua la masi ngalavu lexe voxo so Mosinge molu u'uli laxune'i tami­temaou a mune'e alai noxinge 'oe.

Matiu 9:8

Xe tamitema latala ne mimalei axone la mama'u mukasi'a mo mi'iti'itinu Mosinge ualasou xo anu molu mupilixinu xavi anene noxi'a tamitema.

Ipilu 2:4

La Mosinge muvalaxu vaikalai'a lexe manina xo mi'oxonu sosovo so xavi ane takuluke no anu xe mipaipoune'i tamitema ipipiena iouiou. Mo Ulenu Laixe muveluvelunu lavu­lavu so xaixai iouiou no anu masaxa noxousi.

2 Kolini 12:12

Eni exolu no taingengi la e'oxonu mimi tavu'alo so umaxa'u lexe eni aposeli manina. Exolu se'isisi ne so e'oxonu sosovo so xavi mo xaixai iouiou ane so tangengilili no anu.

Ta'aposeli 26:26

Kingi Axilipa 'o anu mulamana no anu mimi ane elemolu, laso eni amomomo so avikala noxou. Eni elavu lexe mimi e'aloxu ne anu mulomusou mo mumaisou. Xo mimi ne anu utalume uasi muxali no taine'i tamitema latala.

Ta'aposeli 26:9

Tatei eni xavileliou so axililiou ualasou Iesua so Nasaleti, la eni ekalavoi lexe ilixo laixe ane.

Ta'aposeli 24:5

Xo aloxo 'o. Itema 'o temaisou lexe anu itema so uxalixu tu'utu'umaxu. Loxo ulai no xale lia ne'ei Taiuta ixolu no anu la anu u'avutinoxu oto vitanisi no taine'i. Anu tila noxi'a laili ane ileme'a lexe Tanasaleti.

Ta'aposeli 22:8

La eni evikala lexe, 'Tatila, nini ena'ei?' La anu mu'oxo lexe, 'Eni Iesua so Nasaleti a. Eni ane nini nalosilo tu'umaxu ne.'

Ta'aposeli 21:28

“Ai, ngingi tamitema so Isilaeli. Ngasu'ulinexi uaio? Itema ano'o ulavusou uvikala masua sou lo noxinge xe si'a tamitema xe sou tani ano'o. Anu mosou ano'o. Mo kalumo anu mune'enu Kiliki vile mu'una no tasou Mosinge 'o mole muxalixu loxo nuni'u no iou Mosinge.”

Ta'aposeli 14:27

Ilou mixali mukalu la mipitane'i talopala so mia'aloi'a no anu muamua'i noxi'a. La mipala'anixu noxi'a lexe, “Ai, Mosinge mu'oxonu vote'isi'a tamitema noale'ale so ilopala kalumo.”

Ta'aposeli 13:16

Ioxe, Polu mutulu la mutolosou avolu so lexe uvikala. La anu muvikala aloxo 'o, “Ngingi Ta'isi­laeli xe ngingi se'io, ngingi ane ngamama'u noxou Mosinge, ngalo­mu laixe.

Ta'aposeli 6:14

Xo nexi telomusou uvikala lexe itema e Iesua so Nasaleti umamulonu tani anene mo uxiunu ili'ilixo ane Mosisi mulosi'a ta'ilusunenge e muxali noxinge vaimomo 'o.”

Ta'aposeli 5:35

Milai noale mukalu la anu muvikalane'i tamenexu lexe, “Nenge tamitema so Isilaeli 'o, ngaxavutala laixe tei lexe nga'o­xone'i tamitema ano'o axova.

Ta'aposeli 3:12

Pita mumaisi'a milasi mine'ene'e axone, la anu muvikala lexe, “Ngingi Ta'isilaeli, ngakuluke molu mi 'o xo ma'ia? Mo loxova so ngamatakisixe loxo ne? Xo nge'oxo lexe nexi mexe xavinexi o nexi tamitema malema­lenga no iou Mosinge laso tepai­pounu itema umuamua'i 'o? Ne? Uasi to. Nexi mexe uasi.

Tioni 19:19

Xe aloxo 'o. Pailati mupilixinu vaikala so lexe kaukavu vile ulili teitexi no anu ovu valautusou Iesua. Kaukavu ne aloxo 'o, “Ano'o Iesua so Nasaleti, anu kingi noxi'a Taiuta.”

Tioni 15:24

Eni ene'e mo e'oxonu xaixai xavinu ane evilela umomomo so u'oxonu uasi. Loxo e'oxo axone no taine'i uasi la susu noxi'a upala'a uae. Ia aloxo 'o la ane'i a mimaisilo mukalu, sika imatapialeli xe a imatapianu Mamilo kalumo.

Tioni 12:17

La ane'i tamotu latala ane mixolu loxo Iesua mu'avalou Lasalusu uuatu no anu lulu, la mixolu kalumo no voxo ano'o mo a mia'aloxu mi e mu'oxonu ne.

Tioni 11:47

Mia'aloi'a laso tatiatila noxi'a tapilisiti oli'a Tapalisi mikalakalanu vaikala lexe ane'i mukalusi ipita. Mipita mukalu la mivikalane'i ngato'o lexe, “Nenge a ta'oxo ma'ie? Itema anene u'oxo sosovo so xavi tapiena toe.

Tioni 10:37

Loxo eni a'oxonu xaixai noxou Mamilo uasi, ioxe laso ngalopalaleli uasi.

Tioni 9:33

Loxo itema ane mupaipoleli molu noxou Mosinge uasi, la vote'i so u'oxonu mi vile uasisi.”

Tioni 7:31

Ia tavu'alo noxi'a tamitema latala ne milopala noxou xo mivikala lexe, “Xo vile so Kalaisiti uxalila ka u'oxonu sosovo so xavi uua'ulixu ane aliku 'o u'oxonu 'o? Uasi manina.”

Tioni 6:27

Mamu so ngaxaxai so ngaxa­lisou la'ilali ane ukalu paleasi. Ngaxaxai so ngaxalisou la'ilali ane uxoxolu avile umomomo no anu mauli kaluxu uasi. La'ilali anene ngaxalisou noxou Itema ane molu noxou Mosinge, anu e Mosinge anu Maminge musosovosou lexe u'osasou.”

Tioni 6:14

Ioxe, ane'i tamitema mimaisou sosovosou so xavi anene la ane'i mivikala lexe, “Ai manina misevile, ano'o ne Polopeti e Mosinge muvikala lexe upalusou une'e no lialia.”

Tioni 5:36

Ia vote'i so eni melo apala'a­nixilo la uua'ulixu vaikalaou Tioni e mulemolusilo. Xo mi ma'ia Maminge mupilixinu noxilo so axalixu, a mimi e axaxalixu 'o, anu so uvalaxo lexe Maminge molu mupalusilo ene'e 'o.

Tioni 4:48

La Iesua muvikalanu lexe, “Ngingi tamitema ano'o loxo ngamaisou sosovo so xavi uasi mo loxo ngasaxisou mimi lailaixe so tangengililiou uasi, la ngingi ngalopalasi uasisi.”

Tioni 1:45

Ioxe, Pilipi mu'avuti mulai xe loxo muxalisou menexu e Natanieli la muvikalanu lexe, “Ai, nexi texalisou itema e Mosisi mulemolu no anu lavuku so lo xe tapolopeti mikaukavusou tatei. Anu Iesua so tuala Nasaleti e Iosepu olu.”

Luku 24:18

Laso vile noxi'a e ualasou lexe Kiliopasi muvikalanu lexe, “Axova? No taine'i taasila muka­lusi mixolu no Ielusalemo no anu voxo mukalu se 'o la ninisisi nala­vusou mimi e muxali ne uasi?”

Matiu 2:23

Ane'i milai no xale lia ne la mixolu no tuala ilemolu lexe Nasaleti. Mixolu ne laso muxalixu nene'axu vaikalaou Tata­na­nenge ane polopeti vile mukaukavunu tatei lexe, “Ane'i imoxo'u lexe itema so Nasaleti.”

Ta'aposeli 2:19

La eni alosoie'i tamitema mimi iou vilemo manina no loxotolo. Xe a'oxonu sosovo no anu xavileli no lia, sialu xe navu xe umuxu tatila.

Ta'aposeli 2:43

Xe ane'i latala mimama'u xo mimaisou sosovo so xavi Mosinge mu'oxonu no avo'a ta'aposeli.

Ta'aposeli 3:6

Ia Pita muvikalanu aloxo 'o, “Eni lamoli uasi, ia mi ane uxolu noxilo, la alosinesi. No anu ualasou Iesua Kalaisiti so Nasaleti avikalaneni aloxo 'o. Natulu mo namuamua'i.”

Luku 18:37

La ane'i mivikalanu lexe, “A Iesua so Nasaleti a unene'e 'o.”