Ta'aposeli 2:10 - Ata New Testament

¹⁰ xe Vilixia xe Pamivilia xe Isipi xe Livia ane alai ne Sailini, xe ane'i se'i so Lomu mixolu kalumo.

Ta'aposeli 2:10 Referans Kwoze

Ta'aposeli 16:6

Poluena milutu mimuamua'i mixixao no xale lia ne Pilixia xe Xalesia. Xo ane'i la imasaxau ilai ne Esia polovinisi so ivotovoto, ia Ulenu Laixe mu'apixa'a.

Ta'aposeli 18:23

Polu muxali ne Anitioki xe muxolu maxuveni sevile ka mulutula. Mulutula la muxixao no tuatuala no xale lia ne Xalesia xe ne Vilixia so mu'oxonu pakia'a talopala no tuatuala ne.

Ta'aposeli 15:38

Ia Polu pakia'u lexe oli'a itema ne uasi xo anu mosou e mu'umesi'a ne Pamivilia so usu'uline'i no anu xaixai noxi'ala uasi.

Ta'aposeli 13:43

Xe tamotu mixexesou tasou lavuloto mukalu la ane'i tapiena mimuline'i Polu ilou Vanavasi no vote'i. Ane'i ane mimuline'i ne, ane'i se'i Taiuta xe se'i tamitema noale'ale ane mila­vusou mi'itinu Mosinge ualasou no anu ilixo noxi'a Taiuta. Mimuli­muline'i la ilou mipeloto­tosi'a lexe opone'i utulu no anu iaiama noxou Mosingesi.

Ta'aposeli 13:13

Ioxe, Poluena milutu no tuala ne Pavosi la lasipi muno'a milai no tuala Pexa e no xale lia ne Pamivilia. Mixali ne Pamivilia la Tioni Maki mupilixine'i ane so mulivu mulai ne Ielusalemo.

2 Timoti 1:17

Xo loxo muxali ne Lomu 'o la xavinu so mukamulileli. Mukaka­mulileli xo laso muxalisilo.

Lomu 1:15

Laso maixene opoleli uauavutinge so aa'aloxu vaikala laixe noxinge Talomu kalumo.

Ta'aposeli 27:5

Telai xe teua'ulixu ailani ne mukalu la tepolo noale avile no luakisou polovinisi Silisia xe Pamivilia. Laso telai tesua no tuala ne Maila ne Lisia polovinisi.

Ta'aposeli 14:24

Ioxe, ilou milivu la mipolo no anu tuatuala ane tei mine'e no anu no xale lia ne Pisitia xe ne Pamivilia.

Ta'aposeli 11:20

Ia se'i no taine'i ane'i tamitema so xale lia ne Saipilasi xe so tuala Sailini, ane'i kalumo milai ne Anitioki. Milai la misoko'u so mivotovoto noxi'a Takiliki kalumo. Mivotovoto no anu a'alo laixe so Tatananenge Iesua.

Maki 15:21

Ane'i mino'u milaixu xe mixalisou itema vile ualasou lexe Saimoni. Anu so tuala ne Sailini mo anu a unene'e so u'una no tuala ne Ielusalemo ne. Anu Alekisana ilou Luvusi mami'a. Ane'i mixa­lisou laso ta'ami mipalupa­lusou so utavu­lenu ovu valautusou Iesua.

Matiu 27:32

Ioxe, ane'i a mila la mixalisou itema vile so tuala Sailini ualasou lexe Saimoni. La mipalupalusou so utavulenu ovu valautusou Iesua.

Mupala'a 11:8

La vasime'a uta'olu vitanisi no loxomala no anu taoni tatila. Taoni ne tatotokalasou no anu uala vile lexe Sotomu xe vile lexe Isipi. Anu taoni e tatei mililixu Tatanane'i no ovu valautu so musoli.

Lomu 1:7

Laso lapasi ano'o ulai noxinge ngingi Talomu ane Mosinge muse­xelangenge mo mukalipalangengi lexe noxou mu'isalili. Masaxa noxilo lexe ngingi ngaxa­mulinu iaiama mo mamatola noxou Mosinge anu Maminge xe Tatana­nenge Iesua Kalaisiti.

Ta'aposeli 28:15

Telai xe tavivinge ne Lomu milomu lexe nexi a tene'e laso ane'i mialanexe so mixalisixe no vote'i. Mialanexe la se'i mixalisixe no maketi ne Apiusi. Xe se'i mixalisixe no anu tuala ilemolu lexe Tani Tatalu Si'a Tapasinitia. Anu Polu mumaisi'a, la anu muvikala laixe noxou Mosinge mo ume noxou tasiau.

Ta'aposeli 18:2

Mulai la muxalisou Iuta vile ualasou lexe Akuila. Semau ualasie lexe Pilisila. Ane'i ilou so Ponitusi polovinisi. Ilou mixexesou xale lia ne Itali mala'o se'osi xo kingi noxi'a Talomu e ualasou lexe Kalautiusi mu'oxonu lo lexe mamu so Taiuta ixolu no tualasi'a Talomu. Ioxe, Polu muxalisi'a ilou ne Kolini.

Ta'aposeli 13:1

Ioxe, no anu pita noxou Tatananenge ne Anitioki ne tamitema so pela'a xe tatisa so votovoto se'i a mixoxolu. Ualaua­lasi'a aloxo 'o. Vanavasi xe Simioni ualasou vilela lexe Nixeli xe Lusiusi so tuala Sailini xe Sauli xe Manaini. Manaini ne anu menexu itema tila no anu xamani so xale lia ne, ualasou lexe Eloti.

Ta'aposeli 6:9

Ia tamitema se'i mixililiou. Ane'i tamitema ane mipita no anu tasou lavuloto ane milemolu lexe “Noxi'a Tamitema Lalavulusi”. Ane'i tamitema so tuala ne Sailini xe Alekisanita. Mo tamitema so xale lia ne Silisia xe Esia ane'i kalumo mixililiou Sitiveni.

Ta'aposeli 6:5

Tamitema milomusou vaikala anene la mi'osasou. Laso miso­sovosou Sitiveni. Anu itema ane Ulenu Laixesi mupamuxanu mo loxo mi ma'ia muxali la anu mulopalasi. Misosovosou Sitiveni xe misosovosi'a se'ila so tamenexu, ualasi'a aloxo 'o; Pilipi xe Pilokolusi xe Nikanoli xe Timoni xe Palimenasi xe Nikolasi. Nikolasi ne anu itema Iuta uasi. Anu so tuala Anitioki, ia anu mumulinu ilixo noxi'a Taiuta so i'itinu Mosinge ualasou.

Matiu 2:15

La ane'i milai mixolu ne Isipi xo mo Eloti musoli mukalu. La mi ne mumu­linu Tatananenge vaikalou e polopeti mukaukavunu tatei lexe, “Eni e'avalou alixeli muuatu no xale lia ne Isipi.”

Ta'aposeli 23:11

Ioxe, mi'umenu xe muxolu no tasi'a ta'ami xo xe olovoxo la anu Polu musaxisou Tatananenge a utulu no pa'umolu la muvikala lexe, “Poluo, na'ume uasi, oponeni uai se'isisi. Xo loxo nea'aloxo ne Ielusalemo 'o la anu axonesi naa'aloxo ne Lomu kalumo.”

Matiu 23:15

Anu masua noxinge ngingi tamitema so lavulavu no anu lavuloto xe ngingi Tapalisi. Vaika­lamengi ilou ilixomenge vilesisi uasi. Xo ngingi ativoku so ngaxixao no luaki loxo'u mo no lialia so ngalapune'i se'i so ixiu i'una no anu vote'i e Mosinge mulosinge Taiuta. Ia loxo vile noxi'a u'una noxinge axone la ngaolexu no anu ilixomengi mole ngapalusou no navu so mamulo xo ilixou masua u'ualixu noxinge ne.

Ta'aposeli 2:11

Xe ane'i se'i ne Takiliti xe Ta'alevia. Se'i noxi'a ne Taiuta maninasou. Xe se'i ne so laili vilemo ia ane'i mimulinu ilixo mo lavuloto noxi'a Taiuta. La ane'i mi'oxo lexe, “Nenge talomusi'a tamitema ano'o ilulusou xaixai xavinu noxou Mosinge no anu vaikalamenge vilevilesi.”

Ta'aposeli 17:21

Ane'i Ta'atenisi oli'a tamitema ta'ei mixolu no tuala ne, mi'oxonu mi vilela uasi, mixolu mi'ole'olesi so loxo vaikala ma'ia alavua uxali la mivulunu mivikalasousi.