Ta'aposeli 19:22 - Ata New Testament

²² La anu mupa­lusi'a tamitema tamei ane milavusou isu'ulinu e Timoti ilou Elasitusi so mi'uli milai ne Masetonia. Ia anu Polu muxolu sevile ne Esia polovinisio.

Ta'aposeli 19:22 Referans Kwoze

2 Timoti 4:20

Elasitusi a uxoxolu ne Kolini ia Tolovimusi musiki laso e'italonu muxolu ne Miletusi.

Lomu 16:23

Xe Xaiusi mulemolu aso noxinge. Eni Polu a axoxolu no tasou xe Mosinge ta'olu ipitapita ne kalumo. Xe Elasitusi e itema so usaxila'u lamoli noxou xamani no tuala ano'o ulemolu aso noxinge. Xe vimou Kualitusi kalumo.

Ta'aposeli 19:29

Mi'oxo axone laso tatemanu tuala ne miiauka­kasou e lapilai uasisi. La tamitema se'i mikasi'a Xaiusi ilou Alisita­kusi. Ane'i ilou oli'a Poluena me'a ne Masetonia mine'e mala'o. Mikasi'a xe alaxu vilesisi milaixi'a no tanixu pita so tuala ne.

Ta'aposeli 19:10

Anu muxolu mu'oxo axone mumomomo no anu tau ie tamei. Laso tatemanu Esia polovinisi, Taiuta xe Takiliki latala ne milomusou vaikalaou Tatana­nenge.

Ta'aposeli 18:5

Xe muxolu muxolu xo xe Sailasi ilou Timoti me'a ne Masetonia la mixali noxou. Ane'i mixali noxoui laso ane, anu muxolu no anu xaixai so votovoto voxovoxo utotomu. Muvotovoto xe mutovonu so upela'a Taiuta lexe Iesua anu ane so Kalaisiti ane.

Ta'aposeli 16:3

Milemolu axone xe Polu mumasaxa lexe oli'a ilai. Ia tei la mu'oxo lexe i'oxo ilixo so ixotosou Timoti vasimolu. Mu'oxo axone xo muxavutala noxi'a Taiuta ane mixoxolu no anu apu ne. Xo aloxo 'o, ane'i Taiuta ne milavu lexe Timoti momu Kiliki mo ane'i i'oxonu ilixo ne no molomoloxu uasi.

Ta'aposeli 16:1

Ioxe, Polu ilou Sailasi milutu xo la mixali no tuala ne Tevi mo milai avile ne Lisitila. Xe no tuala ne la lopala vile a muxoxolu, ualasou lexe Timoti. Anu ne sema Iuta vile ilie xe momu so Kiliki. Nenu ne lopala vile kalumo.

Ta'aposeli 13:5

Ilou mixali no ailani Saipilasi la mi'unalai no tuala vile ne Salamisi. Ilou milai no tasou lavuloto noxi'a Taiuta so mia'aloxu vaikala laixe noxou Mosinge. La itema e ualasou lexe Tioni Maki ne anu oli'a so musu'uline'i no anu xaixai noxi'a.

1 Tesalonaika 1:8

Xo ngelanu vaikalaou Tatananenge la tatila, mo loxo lauxu muxali nopaxapaxa. La ne Masetonia xe Akaia polovinisisi uasi. Xo loxo nexi talai no tuala ne'ei la taa'aloxu lopala noxinge noxou Mosinge la uasi xo a'alosou muiaveiave no tuatuala mukalusi.

2 Kolini 8:1

Ioxe tavivixe, nexi tapalo mata­nangengi no anu iaiama noxou Mosinge ane mu'avutinoxu no taine'i tatemanu pitapita ne Masetonia polovinisi.

Ta'aposeli 20:1

Ioxe, tu'umaxu lelemesoui laso Polu mu'avali'a talopala so ipita. Mipita mukalu la anu mu'oxonu pakia'a no anu vaikala xo xe mukalu la anu mu'italone'i. Mu'ita­lone'i xe mulutu so ulai ne Masetonia polovinisi.

2 Kolini 11:9

Mo exolu no taingengi xe loxo esoti no anu mi vile la alosou vile noxinge tu'umaxu no anu uasi. Ane'i tavivinge me'a ne Masetonia mixali ne Kolini la misaxila'ilo no anu mi ma'ia eni no anu uasi. Eni opoleli lexe ngata­vulenu tu'umaxu so ngasu'uli­leli uasi mo ili'i la anu uxolu axonesi.

2 Kolini 2:13

Ia opoleli uai se'isisi uasi xo axalisou vivilo Taitusi ne uasi. Laso epilixine'i Tatoloasi xe elutu la ene'e exali ne Masetonia polovinisi 'o.

Ta'aposeli 19:21

Mune'e mune'e xo xe mukalu, la Ulenu Laixe mupamuxanu xavu­talaou Polu lexe ulutu ulai ne Ielusalemo. Xe mupamuxanu lexe no anu muamua'i noxou la upolo ne Masetonia xe ne Akaia. La Polu muvikala aloxo 'o, “Eni alai no tuatuala ne mukalu la eni alai ne Lomu kalumo.”

Ta'aposeli 20:34

Ngingi menge ngelavu lexe eni melo exaxai so eno'u mimixeli no avolosi. Mo la'ilalinexe noxi'a tamitema ane misu'ulileli, la eni melo elotonusi.

2 Kolini 8:19

Mo aloxo 'ola. Ane'i tatemanu pitapita miso­sovosou so noxi'a taxixao ta'oxonu xaixai so iaiama e nenge nenge'a tapitanu avonge no anu 'o. Nexi tasaxila'u xaixai anene so u'itinu ualasou Tatananenge xe umaxa'u oponexi lexe ututuluou su'ulisi.