Ta'aposeli 19:21 - Ata New Testament

²¹ Mune'e mune'e xo xe mukalu, la Ulenu Laixe mupamuxanu xavu­talaou Polu lexe ulutu ulai ne Ielusalemo. Xe mupamuxanu lexe no anu muamua'i noxou la upolo ne Masetonia xe ne Akaia. La Polu muvikala aloxo 'o, “Eni alai no tuatuala ne mukalu la eni alai ne Lomu kalumo.”

Ta'aposeli 19:21 Referans Kwoze

Ta'aposeli 20:22

Ia ngalomu, Ulenu Laixesi upamuxaleli so alai ne Ielusalemo ia mi ma'ia so uxali noxilo ne eni alavusou uasi.

Ta'aposeli 20:16

Polu mulalaxinu oponu lexe uua'ulixu tuala ne Epesusi xo anu umasaxau so upalea ulai uxali ne Ielusalemo. U'oxo lexe uvovoxo ne Esia polovinisi uasi xo loxo vote'i la umasaxau uxali ne Ielusalemo tei no anu voxo so Penikosi.

Ta'aposeli 23:11

Ioxe, mi'umenu xe muxolu no tasi'a ta'ami xo xe olovoxo la anu Polu musaxisou Tatananenge a utulu no pa'umolu la muvikala lexe, “Poluo, na'ume uasi, oponeni uai se'isisi. Xo loxo nea'aloxo ne Ielusalemo 'o la anu axonesi naa'aloxo ne Lomu kalumo.”

Lomu 1:13

Xo tavivilo, eni amasaxau ngalavu laixe lexe alaxu tavu'alo atovonu so ane'e noxinge. Ia mimi mutanutanuxo to'. Atovo ane'e noxinge so lexe xaixai noxilo uxalixu nene'axu no taingengi. Xo no anu tuatuala elai no anu la nene'axu muxali axone noxi'a tamitema noale'ale.

Ta'aposeli 18:21

Laso anu so ulutu la muvikala lamana noxi'a lexe, “Loxo Mosinge umasaxau la eni alivu ane'e noxingela.” Muvikala axone mukalu la mutelo no lasipi so mu'umesou tuala ne Epesusi mulai.

1 Tesalonaika 1:7

Ngeuanenexe laso maixene no anu xoluxolungenge la ngexali loxo pikisa laixe so talopala ne Masetonia xe Akaia polovinisi iuanengenge kalumo.

Xalesia 2:1

Ioxe, tau ie 14 mupolo mukalui la nexi noxou Vanavasi telai ne Ielusalemo. Telai la teno'u Taitusi so noxi'a.

1 Kolini 16:5

Ioxe, eni loxo ane'e noxinge la apolo ne Masetonia polovinisi xo eni alai ne tei.

Lomu 1:15

Laso maixene opoleli uauavutinge so aa'aloxu vaikala laixe noxinge Talomu kalumo.

Ta'aposeli 28:16

Ioxe, texali ne Lomui, la tatiatila noxi'a Talomu imulaxu Polu no tasou lakalavusu uasi, anu muxolu no tani vitanisi xe ami vile mutuluxu ne.

Ta'aposeli 27:24

'Poluo, na'ume uasi, nini a so nalai natulu no laxunu Sisa ane. La Mosinge mu'oxonu iaiama noxine xo anu uutulungenge ngoli'a tamenexine no lasipi 'o.'

Ta'aposeli 27:1

Ioxe, ane'i tatiatila noxi'a Talomu milalaxinu xavutalai'a lexe Poluena itelo no lasipi so ilai ne Itali. La nexi noxi'a. La mipitanu Polu noxi'a takalavusu se'i ka mipi­lixine'i no avolu tatila noxi'a ta'ami 100. Tatila ne ualasou lexe Tiuliusi. Anu vile noxi'a ta'ami noxou Sisa u'isalili.

Ta'aposeli 21:17

Texali ne Ielusalemo la talopala mi'osasixe manina.

Ta'aposeli 21:4

Texali ne xe telu'e la texalisi'a talopala so tuala ne la noxi'a texolu voxo 7. Noxi'a texolu la Ulenu Laixe mupamuxane'i so mivikala lamana noxou Polu lexe masi la ulai ne Ielusalemo uasi.

Ta'aposeli 18:12

Ia mune'e mune'e la xamani vile ualasou lexe Xaliou mutulu mutiatila no Akaia polovinisi. No voxo loxo mutulu la ane'i Taiuta mipita mixililiou Polu. Mixililiou laso mino'u milaixu no lakoti so Xaliou utongonu.

Ta'aposeli 16:12

Telutu ne Neapolisi la temuamua'i telai texali avile ne Pilipai. Pilipai ne anu taoni ane tila no xale lia ne. Ane'i Talomu tapiena mitalupexa ne. Texali la texolu ne voxo se'i.

Ta'aposeli 19:22

La anu mupa­lusi'a tamitema tamei ane milavusou isu'ulinu e Timoti ilou Elasitusi so mi'uli milai ne Masetonia. Ia anu Polu muxolu sevile ne Esia polovinisio.

Ta'aposeli 19:29

Mi'oxo axone laso tatemanu tuala ne miiauka­kasou e lapilai uasisi. La tamitema se'i mikasi'a Xaiusi ilou Alisita­kusi. Ane'i ilou oli'a Poluena me'a ne Masetonia mine'e mala'o. Mikasi'a xe alaxu vilesisi milaixi'a no tanixu pita so tuala ne.

Lomu 1:11

Avikala noxou Mosinge axone xo amasaxa manina lexe amai­singe. Xo iaiama ane Ulenu Laixe mu'oxonu noxilo la amasaxau lexe avulunu noxingela. Mo so axone la ngingi pakia'inge.

1 Kolini 4:19

Ia uasi, loxo Tatananenge umasaxau, la eni apalea so ane'e noxinge. Mo loxo ane'e la eni alomuxu vaikalai'a tamosou pai ne uasi. Eni ane'e so atilovosou xavi noxi'a lexe ipuninu anaxa'asi o vaikali'a temanu.

2 Kolini 10:16

Utitila, laso nexi talaixu vaikala laixe no tuatuala e uxolu xalevile noxinge olele kalumo. Xo mamu so nexi talai no anu tanixu xaixai ane Mosinge mupilixinu noxou itema vilela ka ta'itinexi no anu.