Ta'aposeli 19:11 - Ata New Testament

¹¹ Ioxe, no avolu Polu la Mosinge mu'oxonu sosovo so xavi iouiou mo xavinu musuku.

Ta'aposeli 19:11 Referans Kwoze

Ta'aposeli 5:12

Ioxe, ta'aposeli mi'oxonu sosovo so xavi iouiou no taine'i tamitema. La tamitema so lopala milavusou mipita voxo utotomu no tasou Mosinge no mataunaxu e ilemolu lexe noxou Solomoni.

Ipilu 2:4

La Mosinge muvalaxu vaikalai'a lexe manina xo mi'oxonu sosovo so xavi ane takuluke no anu xe mipaipoune'i tamitema ipipiena iouiou. Mo Ulenu Laixe muveluvelunu lavu­lavu so xaixai iouiou no anu masaxa noxousi.

Ta'aposeli 8:13

La Saimoni kalumo mulopala mo muxalisou kelele. Mo loxo Pilipi mulai no tuala ne'ei la anu ilou mixixaoxao xe musaxisou sososovo so xavi Pilipi mu'oxonu mo anu tanulili misevile.

Ta'aposeli 16:18

La voxovoxo utotomu ane mi'ava'ava axone. Mi'ava'ava axone mune'e mune'e sila Polu oponu tu'umaxu laso anu muxiu muvikala noxou angelo masua ne lexe, “Eni apalusine no anu ualasou Iesua Kalaisiti lexe naxexesie sema ne mo nalai.” Sila alaxu vilesisi angelo masua muxe­xesie.

Xalesia 3:5

Mosinge mupilixinu Ulenu Laixe noxinge mo mu'oxonu sosovo so xavi no taingengi. Ia axova, mu'oxo axone xo ngemulimulinu lo? Uasi e, anu mu'oxo axone xo ngingi ngelo­muxu vaikala laixe mo ngelopa­lanusi.

Ta'aposeli 15:12

Pita mupilixinu vaikala axone mukalu la ane'i latala mixolu tasiausi. Mo mixolu milomusi'a Vanavasi ilou Polu so mia'aloi'a no anu sosovo so xavi iouiou Mosinge mu'oxonu no avo'a no taine'i tamitema noale'ale.

Ta'aposeli 14:3

Laso Polu ilou Vanavasi mixolu ne Aikoniamu maxuveni sevile mo ilou i'ume'a tamitema uasi, mivotosou Tatana­nengesi. La anu musu'uline'i so mi'oxonu sosovo so xavi iouiou xe tamitema mimaisou la tane'ililiou. Laso axone, la Tatananenge muvalaxu vaikalai'a so iaiama noxou lexe manina.

Tioni 14:12

Eni avikalangengi manina e maninasi, itema ena'ei ulopalaleli la anu kalumo u'oxonu xaixai aloxo eni a'oxonu 'o. Ani, mo u'oxonu xaixai uua'ulixu ane noxilo 'o xo eni a so alai noxou Mamilo.