Ta'aposeli 19:10 - Ata New Testament

¹⁰ Anu muxolu mu'oxo axone mumomomo no anu tau ie tamei. Laso tatemanu Esia polovinisi, Taiuta xe Takiliki latala ne milomusou vaikalaou Tatana­nenge.

Ta'aposeli 19:10 Referans Kwoze

Ta'aposeli 20:31

Laso ngalaxa'i laixe, tangengi­vulusiou pelototo noxilo uasi. Xo exolu no taingengi tau ie tatalu mo kakau olovoxo atalo so avikala lamana noxinge vilevilesi uasi. La ieli lexaxu munixi so emolo lolomumengi.

2 Timoti 1:15

Xe loxo nelavu, tamitema so Esia polovinisi e misu'ulileli a mixexesilo mukalusi. Ane'i tamei noxi'a ane Vixelusi ilou Elimo­xenesi milai kalumo.

Kolosi 3:11

Nenge mukalusi texali ta'ala­vua laso mi vile so ukali­palanengela uasi. Nenge taxavutalanenge lexe nenge se'i Takiliki xe Taiuta o ane'i so sosovo xe ane'i so sosovo uasi xe tokipelesi iouiou xe ane'i no anu lailaili o tasilevi xe ane'i ane ixolu lalavulusimo uasi. Mimi so ukalipalanenge axone la uasi xo nenge mukalusi taxolu noxou Kalaisiti mo anu a uxolu nonano noxinge mukalusi.

Xalesia 3:28

Ngexolu noxou axone laso no iou Mosinge la ngingi loxo Taiuta xe Takiliki o tasilevi xe tamitema ixolu lalavulusi o tamulu xe tasemamo uasi. Mi vile ukalipalangengi axone la uasi, xo ngingi ngaxolu vilesisi noxou Kalaisiti Iesua.

Lomu 10:18

Mo nenge talavu lexe Ta'isilaeli milomusou Vaikala ne mukalu, utalume noxi'a uasi. Xo loxo Mosinge mulemolu no vaikalaou, “Xoline'i tamitemaxeli mulailai no xale tuatuala mukalusi. Mo vaikalai'a muxali no anu teletelexu muka­lu.”

Lomu 10:12

Ioxe, noxinge Taiuta xe Takiliki ne ienge vilesisi. Tatananenge tamitema mukalusi ne vilesisi. Xe loxo nenge talinga noxou la mimi so usu'ulinenge no anu mulolutu e mulolutu.

Lomu 1:16

Eni amama'u so alanu vaikala laixe ne uasi. Xo anene vote'i so xavi noxou Mosinge so upamau­line'i tamitema ane'i ane ilopalanu. Anene vote'i so Taiuta xe tamitema noale'ale kalumo ixalisou pamau­lisi.

Ta'aposeli 16:6

Poluena milutu mimuamua'i mixixao no xale lia ne Pilixia xe Xalesia. Xo ane'i la imasaxau ilai ne Esia polovinisi so ivotovoto, ia Ulenu Laixe mu'apixa'a.

Mupala'a 1:11

La muvika­laleli aloxo 'o, “Mimi ane so nasaxisou la nakaukavunu no lavuku vile ka nakalanu ulai no anu pita 7 no tuatuala ano'o. Ne Epesusi xe ne Semelena xe ne Pelexamumi xe ne Taiataila xe ne Salitisi xe ne Vilatelevia xe ne Laotisea.”

Mupala'a 1:4

Eni Tioni a. Vaikala ano'o ulai noxinge ngingi tatemanu pita 7 ne Esia polovinisi. Mosinge uiaiamangenge mo ulosinge xoluxolu lalavulusi xo anu muxolu tei tei manina mo a uxoxolu vaimomo 'o mo anu a une'e uxolu ili'i kalumo. Xe su'uli anene kalumo ngaxalisou noxou Ulenu ane noxou 7 e uxoxolu no laxunu sia kingi noxou Mosinge.

1 Pita 1:1

Eni Pita a. Eni aposeliou Iesua Kalaisiti. Akaukavunu lapasi 'o ulai noxinge tamitemaou Mosinge e ngepaxelele ka ngaxolu loxo taasila no anu polovinisi ne Ponitusi xe Xalesia xe Kapatosia xe Esia xe Vitinia.

Ta'aposeli 20:18

Vaikala ne muxali noxi'a xe mixalixali noxou Polu la anu muvikalane'i aloxo 'o, “No voxo tei exali noxinge ne Esia 'o la ngemaisou ilixo noxilo. Ngingi menge ngelavusou xoluxolu noxilo no taingengi 'o.

Ta'aposeli 19:22

La anu mupa­lusi'a tamitema tamei ane milavusou isu'ulinu e Timoti ilou Elasitusi so mi'uli milai ne Masetonia. Ia anu Polu muxolu sevile ne Esia polovinisio.

Ta'aposeli 19:8

Ioxe, mune'e la Polu mu'u­na'unalai no anu tasou lavuloto noxi'a Taiuta. Mu'unalai la anu muvotovoto pakia'u so voxo ane Mosinge molu u'uli laxune'i tamitemaou. Anu mulanu vaikala so upela'a mo uxiunu oponu la mu'oxo axone mumomomo no anu so'io tatalu.

Ta'aposeli 18:11

Polu mulomusou vaikala anene laso muxolu ne Kolini tau ie vile mo so'io 6. Muxolu muvotovotosou Mosinge vaikalaou noxi'a tamitema.

Ta'aposeli 18:4

Polu muxoxolu ne mo no anu Voxo so Ma'ila utotomu anu mu'unalai no tasou lavuloto noxi'a Taiuta. Mu'unalai so upalasinoxu Mosinge vaikalaou laxulaxu noxi'a Taiuta oli'a Takiliki.

Ta'aposeli 2:9

Ane'i mivikala axone xo ane'i so tuatuala iouiou. Loxo ne Palitia xe Mitia xe Elamu xe Mesopotemia xe Iutea xe Kapatosia xe Ponitusi xe Esia

Ta'aposeli 6:9

Ia tamitema se'i mixililiou. Ane'i tamitema ane mipita no anu tasou lavuloto ane milemolu lexe “Noxi'a Tamitema Lalavulusi”. Ane'i tamitema so tuala ne Sailini xe Alekisanita. Mo tamitema so xale lia ne Silisia xe Esia ane'i kalumo mixililiou Sitiveni.

Ta'aposeli 13:12

Xe itema tila no anu xamani mumaisou mi ne lexe xavinu musuku laso anu mulopala xo mukulukemolu mo mu'osasou vaikalasou Tatananenge.

Ta'aposeli 19:20

Mi'oxo axone laso vaikalasou muiaveiave no tuatuala. La no anu vote'i anenesi vaikalaou Tatana­nenge musukusuku no tuatuala mo pakia'u misevile.