Ta'aposeli 18:8 - Ata New Testament

⁸ Ioxe, mune'e la itema e musa­xila'u tasou lavuloto ne, ualasou lexe Kilisipusi oli'a ta'olu milopala noxou Tatananenge. Xe ane'i Takolini tapiena ane milomulo­musou votovoto noxou Polu la ane'i kalumo milopala. Milopala laso mi'oxonu ilixo so kelele noxi'a.

Ta'aposeli 18:8 Referans Kwoze

Ta'aposeli 11:14

La angelo muvikalanu lexe eni alanu votovoto se'i mo no anu votovoto anenesi la anu oli'a taminuminu ixalisou pamauli.

Ta'aposeli 8:12

Ia voxo loxo Pilipi muvotovoto no anu vaikala laixe so voxo loxo Mosinge molu u'uli laxune'i tamitemaou mo mua'aloxu Iesua Kalaisiti, la ane'i milopala. Ane'i milopala mukalu la mi'oxonu ilixo so kelele, tasema xe tamulu.

Ta'aposeli 18:17

Mukusai'a no anu lakoti laso mitetelisou itema tila no anu tasou lavuloto ualasou lexe Sosotenisi. Mitetelisou laso mi'o­tu'otunu. Mi'otu'otunu xe Xaliou mumaisi'a ia muvikala mi vile no anu anene uasi.

Ta'aposeli 16:34

Mukalu laso anu muno'a ilou mo mulaixi'a no tasou so mulosi'a la'ilali. La anu oli'a laili noxou mi'osa manina xo no voxo anenesi milopala noxou Mosinge.

Ta'aposeli 13:15

Ane'i tatiatila no anu tasou lavuloto ne mi'itisou pa'usou no anu lo e Mosisi mukau­kavunu tatei xe vaikalai'a tapolo­peti. Mukalu la mitali'isi'a ilou lexe, “Tavivixe, loxo ngilou pelo­toto vile so ngapilixinu noxi'a tamotu 'o, la ngalemolusi.”

Ta'aposeli 10:2

Anu Koniliasi oli'a laili noxou ne milavusou milomuxu Mosinge vaikalaou mo mimama'u noxou. Ane'i milavusou isu'uline'i ane'i ane la'ilali o mimi uasi. Mo ane'i utotomu mivikala noxou Mosinge.

Maki 5:35

Ioxe, Iesua a uvikalanesio la se'i so laili noxou tatila no anu tasou lavuloto a mixali. La mivi­kalanu itema ne lexe, “Iline ne misoli mukalu. Laso tava'u so na'au'ausou Tisamenge la uasi, vote'i so usu'ulinela uasi.”

Maki 5:22

La tatila vile so tasou lavuloto no tuala ne ualasou lexe Tiailusi mune'e. Mune'e xe mumaisou Iesua la mulalusi no tava'u.

Matiu 28:19

Laso ngingi ngalai no xale tuatuala mukalusi mo ngalapune'i tamitema mukalusi so ixali tatisaipelixeli. Mo nga'oxonu ilixo so kelele noxi'a no anu ualasou Maminge xe Olu xe Ulenu Laixe.

Ta'aposeli 18:1

Ioxe, mune'e la Polu mulutu ne Atenisi la mulai no tuala ne Kolini.

Ta'aposeli 19:1

Ioxe, no voxo ane Apolosi muxolu ne Kolini la Polu mupolo no vote'i ane mu'unalai no la'ola'olu. Mupolo ne xo xe ili'i la muxali avile ne Epesusi la muxalisi'a talopala se'i ne.

1 Kolini 1:2

Lapasi ano'o so ulai noxinge no anu pita noxou Mosinge no tuala ne Kolini. Ngingi ane mu'avalinge mo mupitangengi noxou Kalaisiti Iesua. Mupitangengi laso mukali­pala­ngengi lexe ngingi tanoxou mu'isa­lili. Ngingi ngoli'a tatemanu tuatuala aneva ilavusou i'itinu ualasou Tatananenge Iesua Kalaisiti. Anu Tatanane'i xe Tata­nanenge.

2 Kolini 1:1

Eni Polu a. Eni aposeliou Kalaisiti Iesua xo no anu masaxa noxou Mosingesi. Nexi noxou vivinge Timoti a takaukavunu lapasi 'o so ulai noxinge tatemanu pita noxou Mosinge ne Kolini ne. Xe ulai noxi'a tamitemaou Mosinge u'isalili ta'ei ixoxolu no xale tuatuala no Akaia polovonisi.

2 Kolini 1:23

Ioxe, Mosinge molu so uvalaxu vaikalaxeli 'o lexe maninasi. Xo opoleli lexe ane'e palea noxinge ne Kolini a loxo elemolu ne, ia ane'e uasi xo amasaxau lexe alosinge tu'umaxu uasi.

2 Kolini 6:11

Ai, ngingi Takolinio, mi ma'ia muxolu no oponexi la tepalasinoxu noxinge avile, ananexe papaxe so tavikalangengixusi.

2 Timoti 4:20

Elasitusi a uxoxolu ne Kolini ia Tolovimusi musiki laso e'italonu muxolu ne Miletusi.