Ta'aposeli 18:7 - Ata New Testament

⁷ Polu muvikala axone mukalu la mula no tasou lavuloto xe mu'unalai no tani vile a muxolu no pa'umolu. Tani ne, mosou ualasou lexe Titiusi Iasitusi. Itema ano'o ulavusou umama'u noxou Mosinge.

Ta'aposeli 18:7 Referans Kwoze

Ta'aposeli 16:14

La sema vile ualasie lexe Litia ane a mixolu milomusou vaikalamexi. Ane milavusou i'itinu Mosinge ualasou. Ane sema so tuala Taiataila mo ane milavusou isalimunu lavalava lauoinu so lailoto. Mixolu milomusou vaika­lamexi, xe Tatananenge mulama­nanixie la mi'osasou votovoto noxou Polu.

Kolosi 4:11

Xe vivinge Iesua e ilemolu lexe Iasitusi anu kalumo muvikala aso noxinge. No taine'i laili Taiuta la tamitema tatalu ano'osi a iva'isu no anu xaixai so ta'unane'i tamitema ixolu no laxu Mosinge. La ane'i ilavusou isu'uli­leli laixe manina.

Ta'aposeli 17:4

Muvikala axone la Taiuta se'i no taine'i milamana mo mipita noxi'a Polu ilou Sailasi. Xe Takiliki tapiena ane mimama'u noxou Mosinge oli'a tasema mose'i ane tamitema no tuala mitaxane'i, la ane'i kalumo mipita noxi'a ilou.

Ta'aposeli 13:42

Ioxe, Polu muvotone'i mukalu la tamitema milala no anu tasou lavuloto. Milala sila tamitema mivikala noxi'a ilou lexe no anu Voxo so Ma'ila u'uli 'o la ilou ilivu ine'e so ia'aloi'ala.

Ta'aposeli 10:22

La ane'i mivikalanu lexe, “A Koniliasi e tatila noxi'a ta'ami 100 mupalusixe tene'e 'o. Anu ilixo noxou laixe mo umama'u noxou Mosinge. Ane'i Taiuta mukalusi itaxanu mo ivikala lexe anu itema laixe. Anu mupalusixe tene'e xo angelo laixe vile muvikalanu lexe u'avaline nalai no tasou so ulomusou vaikalameni.”

Ta'aposeli 10:2

Anu Koniliasi oli'a laili noxou ne milavusou milomuxu Mosinge vaikalaou mo mimama'u noxou. Ane'i milavusou isu'uline'i ane'i ane la'ilali o mimi uasi. Mo ane'i utotomu mivikala noxou Mosinge.

Tioni 9:31

Nenge telavu lexe Mosinge ulomuxu linga noxi'a tamitema so susu uasisi. Ia loxo itema ena'ei umama'u mo umulinu masaxa noxou Mosingesi, la Mosinge ulomuxu linga noxou.

Ta'aposeli 13:43

Xe tamotu mixexesou tasou lavuloto mukalu la ane'i tapiena mimuline'i Polu ilou Vanavasi no vote'i. Ane'i ane mimuline'i ne, ane'i se'i Taiuta xe se'i tamitema noale'ale ane mila­vusou mi'itinu Mosinge ualasou no anu ilixo noxi'a Taiuta. Mimuli­muline'i la ilou mipeloto­tosi'a lexe opone'i utulu no anu iaiama noxou Mosingesi.

Ta'aposeli 13:50

Ia Taiuta se'i mi'avutinoxu opone'i tasema Taiuta tatiatila ane opone'i mututulu no anu ili'ilixo so lavuloto noxou Mosinge. Xe mi'avutinoxu tatiatila no tuala ne kalumo. Mi'avutinoxu opone'i tami­tema axone laso ane'i misoko'u so ivikalasi'a Polu ilou Vanavasi masua. Mivikalasi'a masua xo xe mukalu la mikusai'a no xale lia noxi'a ne.