Ta'aposeli 18:6 - Ata New Testament

⁶ Ia ane'i Taiuta mixililiou Polu mo mivikala masua noxou. Laso anu mu'umu'umunu kalai no lasiotiou veveni so latilovosou ilixo masua noxi'a. La anu muvikala lexe, “Mi na'a ngingisi. Loxo ngamamulo, anu tava'u noxingesi, eni uasi. Ngalomu uasi axone, laso ngingi ngaxolu ane, eni alai noxi'a tamitema noale'alesi.”

Ta'aposeli 18:6 Referans Kwoze

Ta'aposeli 13:51

Mikusai'a laso ilou mipupanu tava'a so liasou xale lia ne upei. Ane'i mi'oxo axone so isosovo lexe i'italone'i tamitema anene no anu ilixo masua noxi'asi. Mipupanu tava'a mukalu laso milutu milai no anu tuala ne Aiko­niamu.

1 Pita 4:4

Laso loxo ngakei noxi'a so ngavaxa no anu susu u'oki'oki axone la uasi, la ane'i ikulukemengi ka ipupuienge.

Luku 9:5

Ia loxo tatemanu tuala vile i'osasinge uasi la ngaxexesi'asi ngalaisi. Xe loxo so ngalutu la ngapupanu tava'inge so kalaisou uxexe mo so ilavusou lexe anene latilovosou ilixo masua noxi'a.”

Matiu 27:25

Ia ane'i tamitema latala ne mikolinu lexe, “Io' mi vile uasi, tava'u noxixesi. Sialuxu uai noxixe mo uxali avile noxi'a ta'ilixe.”

1 Pita 4:14

Loxo tamitema ipupuiengixu ualasou Kalaisiti la anu mi so nga'osasousi, xo Ulenu Mosinge lailaixe misevile mo xavinu a uxolu noxinge ne.

2 Timoti 2:25

Mo ane'i tamitema so xilili la uxaxaisi'a se'isisi so ulovonixu xavutalai'a. Xo axone la Mosinge masi uxalixu vote'i so ixiunu mo i'isalilinoxu opone'i so susu noxi'a kaio vaikala manina upalasi noxi'a.

Lomu 3:29

Xe nenge Taiuta ta'itinenge lexe Mosinge anu Mosinge Taiutasi? Anu Mosi'a tamitema noale'ale kalumo uasi? Uasi to! Anu Mosi'a kalumo ane.

Ta'aposeli 28:28

Polu mulemolu vaikalaou polo­peti mukalu la musolonu aloxo 'o, “Laso ngingi ngalamana, vaikala laixe so pamauli noxou Mosinge anu mukalanu noxi'a tamitema noale'ale. Xe ane'i ilomusou la ilomuxu.”

Ta'aposeli 26:20

Laso tei la eni evotovoto noxi'a tamitema ne Tamasikusi. Xe mune'e la ene'e ne Ielusalemo xe no xale tuatuala ne Iutea. Mo esuku avile elai noxi'a tamitema noale'ale kalumo. Evoto­voto lexe ane'i ixiunu opone'i mo i'isalilinoxu noxou Mosinge. Xe loxo i'oxo axone la anu uxalixu nene'axu no anu xoluxolu noxi'a.

Ta'aposeli 26:11

Mo alaxu tavu'alo eni e'una'unalai no anu tatasou lavuloto so ekamuline'i talopala. Ekamuline'i xe exalisi'a la epilixine'i noxi'a tatiatila so ixalisou tu'umaxu. Mo ekamulinu vote'i so tamitemaou Iesua ivikala masuasou ualasou. Mo eni opoleli sixulai'a axone la ekakamuline'i no tuatuala nopaxapaxa kalumo.”

Matiu 22:10

Anu mupalusi'a axone la ane'i tauo­kuvoi mipaxele milai no votevote'i. Milai xe mixalisi'a tamitema ta'ei talaixe xe tamasua, la mipitane'i mukalusi. Mipitane'i ka mine'e mitalupexasi'a no anu tasou lavilelu so taula'i ne xo mole muana'ana avile.

Matiu 10:14

Xe loxo se'i i'osasinge so nga'una noxi'a uasi o so ilomuxu vaikalamengi uasi xe ngala no anu tani o taoni anene la ngapupanu tava'inge so kalaisou uxexe. Laso no anu vote'i anene la nga'oxonu latilovosou ilixo masua noxi'a.

Luku 22:65

Mo ane'i mile­molu vaikala masu'aou no anu vote'i iouiou.

Matiu 21:43

Laso avikala­ngengixu voxo so Mosinge molu u'uli laxune'i tamitemaou aloxo 'o. Anu uxexenu no avonge so mi noxingela uasi. Mukalu la upili­xinu noxi'a tamitema laili vile ane so isaxila'u mo ixalixu nene'axu laixe no anu.

Matiu 8:11

La avikalangengi lexe ili'i tamitema tavu'alo me'a loxo no aso uxali xe loxo no aso ulu'elai. Ane'i ine'e so oli'a Apala'amu xe Aisaki xe Iakovo italupexa so i'ani no latevolo nonano no voxo so Mosinge molu u'uli laxune'i tamitemaou no tualasou.

1 Timoti 5:22

Mo mamu so napalea so namulaxu avone noxou itema vile so natulusou no anu xaixai noxou Mosinge. Loxo itema vile so nasosovosou la naxolu nautitiou xoluxolu noxou laixe mo so susu utelosou ualasine uasi. Xo loxo 'o io natulusou palea xe ulapau no anu susu la anu loxo usu'asine kalumo.

Matiu 21:41

La ane'i mivikalanu lexe, “Anu masi umamulone'i tamitema tama­sua ne avilesi. Ukalu ka upilixinu xaisou uaini noxi'a tamitema se'ila. Upilixinu noxi'a tamitema talaixe so isaxila'u xo axone la itaxusou nene'axu mo ilosou no voxosou xai lingamo.”